រាជធានីភ្នំពេញ ៖ ទីតាំង Net បង្កប់ល្បែងស៊ីសងមួយកន្លែងនៅផ្លូវជាតិលេខ៥ ភូមិផ្សារតូច សង្កាត់ទួលសង្កែទី១ ត្រូវបានកម្លាំងគណៈបញ្ជាការឯកភាពខណ្ឌឬស្សីកែវចុះបង្ក្រាបដោយឃាត់ខ្លួនអ្នកមើលការចំនួន២នាក់ និងដកហូតបានកំព្យូទ័រចំនួន១៤គ្រឿង និងទូរទស្សន៍មួយគ្រឿង…
រាជធានីភ្នំពេញ ៖ ទីតាំង Net បង្កប់ល្បែងស៊ីសងមួយកន្លែងនៅផ្លូវជាតិលេខ៥ ភូមិផ្សារតូច សង្កាត់ទួលសង្កែទី១ ត្រូវបានកម្លាំងគណៈបញ្ជាការឯកភាពខណ្ឌឬស្សីកែវចុះបង្ក្រាបដោយឃាត់ខ្លួនអ្នកមើលការចំនួន២នាក់ និងដកហូតបានកំព្យូទ័រចំនួន១៤គ្រឿង និងទូរទស្សន៍មួយគ្រឿង ។
ការចុះបង្ក្រាបល្បែងស៊ីសងនេះធ្វើឡើងនៅវេលាម៉ោងប្រមាណ១១និង៣០នាទីព្រឹក ថ្ងៃទី២៩ ខែមករា ឆ្នាំ២០១៩ ដឹកនាំដោយលោក ជា ពិសី អភិបាលខណ្ឌ និងដោយមានការសម្របសម្រួលពីលោក ស្រី សុង ឆវ័ន្ត ព្រះរាជអាជ្ញារងអមសាលាដំបូងរាជធានីភ្នំពេញ ។ ទីតាំង Net ដែលសមត្ថកិច្ចចុះបង្ក្រាបនោះត្រូវបាននគរបាលអោយដឹងថា មានម្ចាស់ឈ្មោះ ទូច វាសនាដែលបានបើកលេងជាយូរមកហើយដោយលួចលាក់បង្កប់សេវាល្បែងស៊ីសងរួមមានភ្នាល់បាល់ តាមប្រព័ន្ធអនឡាញជាដើម ។
លោកជា ពិសី អភិបាលខណ្ឌឬស្សីកែវបានអោយដឹងថា ដោយមានប្រជាពលរដ្ឋរាយការណ៍ ពីទីតាំងបើកល្បែងស៊ីសង លោកក៏បានដឹកនាំកម្លាំងសមត្ថកិច្ចចុះបង្ក្រាបតែម្តង ។ លោកអភិបាលបានអោយដឹងថា មនុស្សចំនួន២នាក់ដែលជាអ្នកមើលការខុសត្រូវត្រូវបានសមត្ថកិច្ច ឃាត់ខ្លួនសាកសួរ និងដកហូតកុំព្យូទ័រចំនួន១៤គ្រឿង ទូរទស្សន៍០១គ្រឿងបញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនីតិវិធីច្បាប់ ។
តាមព័ត៌មានបានអោយដឹងថា នៅក្នុងខណ្ឌឬស្សីកែវនៅមានទីតាំងអ៊ីនធើណេតជាច្រើនកន្លែងទៀតសុទ្ធតែលួចលាក់បង្កប់ល្បែងស៊ីសងកំពុងតែដំណើរដោយរលូននៅឡើយដូចជា នៅតាមផ្លូវ ជាតិលេខ៥ ក្នុងភូមិ មិត្តភាពជាដើម ។
បន្ទាប់មកលោកក៏បានបន្តទៅបង្ក្រាបនៅក្នុងភូមិ មិត្តភាព ដែលឃាត់បានមនុស្សបាន៥នាក់ អ្នកលេង៤នាក់ ហើយអ្នកមើលការកត់ម្នាក់ទៀត និងកុំព្យូទ័រចំនួន១៦គ្រឿងផងដែរ ៕
ចែករំលែកព័តមាននេះ