រាជធានីភ្នំពេញ ៖ មហាជនមានការសោកស្តាយក្រៃលែងដែលអ្នកគ្រូ គង់ ណារី សាស្ត្រាចារ្យខាងអក្សរសាស្ត្រខ្មែរ និងជាអ្នកបង្ហាត់ចម្រៀងសិល្បៈជាច្រើនផ្នែកដូចជា ស្មូត កំណាព្យ បង្ហាត់ច្រៀង…
រាជធានីភ្នំពេញ ៖ មហាជនមានការសោកស្តាយក្រៃលែងដែលអ្នកគ្រូ គង់ ណារី សាស្ត្រាចារ្យខាងអក្សរសាស្ត្រខ្មែរ និងជាអ្នកបង្ហាត់ចម្រៀងសិល្បៈជាច្រើនផ្នែកដូចជា ស្មូត កំណាព្យ បង្ហាត់ច្រៀង ពិធីករ បានទទួលមរណភាពហើយ នៅម៉ោង១រសៀលរសៀល ថ្ងៃទី២០ ខែមករា ឆ្នាំ២០១៩ នៅមន្ទីរពេទ្យព្រះកុសមៈ (ហៅពេទ្យលោកសង្ឃ ) ។ នេះជាការបាត់បង់ធនធានសិល្បៈមួយដ៏កម្រសម្រាប់សិល្បៈខ្មែរ និងបន្សល់តែការសោកស្តាយ ព្រមទាំងអនុស្សាវរីយ៍ប៉ុណ្ណោះ។
បើតាមព័ត៌មានបឋមឱ្យបានដឹងថា នៅមុនបន្តិច តារាសម្ដែងអឹុម ជីវ៉ា បានបង្ហោះលើហ្វេសប៊ុកថា « RIP វីរៈសិល្បករអ្នកគ្រូ គង់ ណារី ទទួលមរណភាពហើយនៅថ្ងៃនេះ RIP អាស្រ័យដូចបានជំរាបជូនខាងលើ សូមបងប្អូនសិល្បករមេត្តាជ្រាប»។
តារាសម្ដែងអឹុម ជីវ៉ា បានបង្ហោះលើហ្វេសប៊ុកទៀតថា អ្នកគ្រូ គង់ ណារី បានទទួលមរណភាពនៅវេលាម៉ោង១ : ០០ នាទី ថ្ងៃត្រង់ ថ្ងៃទី២០ ខែមករា ឆ្នាំ២០១៩ នៅមន្ទីរពេទ្យព្រះកុសមៈ (ហៅពេទ្យលោកសង្ឃ ) ។
សពអ្នកគ្រូ គង់ ណារី និងយកទៅតម្កល់នៅវត្តស្រះចក ខណ្ឌដូនពេញ រាជធានីភ្នំពេញ អាស្រ័យដូចបានជំរាបជូនខាងលើ សូមបងប្អូនសិល្បករមេត្តាជ្រាប ។
សូមគោរពចូលរួមរំលែកមរណទុក្ខដ៏ក្រៀមក្រំ សូមឱ្យវិញ្ញាណក្ខន្ធអ្នកគ្រូ គង់ ណារី ធ្វើដំណើរទៅកាន់សុគតិភព សូមប្រកាសដល់សិស្សអ្នកគ្រូ ជាពិសេសសិល្បករទាំងអស់ជ្រាបជាដំណឹង ហើយអញ្ជើញចូលរួមពិធីបុណ្យសពអ្នកគ្រូជាលើកចុងក្រោយ។
ចែករំលែកព័តមាននេះ