រាជធានីភ្នំពេញ៖ អតីតយុទ្ធជន និងគ្រួសារអតីតយុទ្ធជនអាចទៅបើកប្រាក់របបសន្តិសុខសង្គមប្រចាំខែមករា លើកទី១ ចាប់ពីថ្ងៃទី១៤ មករា នេះតទៅ ដើម្បីអាចយកមកដោះស្រាយតម្រូវការក្នុងជីវភាព ប្រចាំថ្ងៃ។ រាជរដ្ឋាភិបាលកម្ពុជាតាមរយៈបេឡាជាតិអតីតយុទ្ធជន…
រាជធានីភ្នំពេញ៖ អតីតយុទ្ធជន និងគ្រួសារអតីតយុទ្ធជនអាចទៅបើកប្រាក់របបសន្តិសុខសង្គមប្រចាំខែមករា លើកទី១ ចាប់ពីថ្ងៃទី១៤ មករា នេះតទៅ ដើម្បីអាចយកមកដោះស្រាយតម្រូវការក្នុងជីវភាព ប្រចាំថ្ងៃ។
រាជរដ្ឋាភិបាលកម្ពុជាតាមរយៈបេឡាជាតិអតីតយុទ្ធជន នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានជូនដំណឹងដល់អតីតយុទ្ធជនគ្រប់ប្រភេទនិងគ្រួសារអតីតយុទ្ធជនទាំងអស់ ចាប់ពីថ្ងៃទី១៤ ខែមករា ឆ្នាំ២០១៩នេះតទៅ អាចទៅបើកប្រាក់របបសន្តិសុខសង្គមប្រចាំខែមករា លើកទី១ តាមរយៈប្រព័ន្ធធនាគារកាណាឌីយ៉ា និងធនាគារអេស៊ីលីដា នៅ២៥រាជធានី-ខេត្តទូទាំងប្រទេស ។
ការបើកប្រាក់របបសន្តិសុខសង្គមខាងលើនេះ អតីតយុទ្ធជនទាំងអស់ ត្រូវភ្ជាប់មកជាមួយនូវសៀវភៅគណនី និងអត្តសញ្ញាណប័ណ្ណសញ្ជាតិខ្មែរ ឬកាត ATM ដើម្បី ប្រើប្រាស់ បើកនៅតាមទូរ ATM របស់ធនាគារដៃគូខាងលើ ចាប់ពីម៉ោង២រសៀលថ្ងៃទី១៤ ខែមករានេះតទៅនេះ នៅទូទាំងប្រទេស ៕
ចែករំលែកព័តមាននេះ