រាជធានីភ្នំពេញ ៖ ដើម្បីឲ្យយុទ្ធសាស្ត្រចតុកោណដំណាក់កាលទី៤ សម្រេចបានជោគជ័យ សម្តេចតេសម្ដេចតេជោ ហ៊ុន សែន នាយករដ្ឋមន្ដ្រីកម្ពុជាបានអះអាងថា រាជរដ្ឋាភិបាលបានបើកទូលាយនូវកិច្ចសន្ទនាដ៏ស្មោះសរជាមួយបណ្ដាគណបក្សនយោបាយសង្គមស៊ីវិល និងរាល់មជ្ឈដ្ឋានជឿនលឿនទាំងអស់សំដៅប្រមែប្រមូលគំនិតបញ្ញា…
រាជធានីភ្នំពេញ ៖ ដើម្បីឲ្យយុទ្ធសាស្ត្រចតុកោណដំណាក់កាលទី៤ សម្រេចបានជោគជ័យ សម្តេចតេសម្ដេចតេជោ ហ៊ុន សែន នាយករដ្ឋមន្ដ្រីកម្ពុជាបានអះអាងថា រាជរដ្ឋាភិបាលបានបើកទូលាយនូវកិច្ចសន្ទនាដ៏ស្មោះសរជាមួយបណ្ដាគណបក្សនយោបាយសង្គមស៊ីវិល និងរាល់មជ្ឈដ្ឋានជឿនលឿនទាំងអស់សំដៅប្រមែប្រមូលគំនិតបញ្ញា និងធនធានមនុស្សពីគ្រប់ប្រភព ដោយគ្មានបែងចែករើសអើង ដើម្បីបង្កើនកម្លាំងសរុបនៅក្នុងកិច្ចការកសាង និងអភិវឌ្ឍន៍ជាតិ ។
ថ្លែងចំពោះមុខមហាជនយ៉ាងច្រើនក្នុងពិធីអបអរសាទរថ្ងៃជ័យជម្នះ៧មករា ខួបលើកទី៤០ឆ្នាំ (៧ មករា ១៩៧៩-៧ មករា ២០១៩) នៅពហុកីឡាដ្ឋានជាតិអូឡាំពិក នៅថ្ងៃទី៧ ខែមករា ឆ្នាំ២០១៩ សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជាបានលើកថា រាជរដ្ឋាភិបាលកំពុងជំរុញអនុវត្តយ៉ាងសកម្មនូវរបៀបវារៈអភិវឌ្ឍន៍ជាតិដ៏ស៊ីជម្រៅ និងទូលំទូលាយតាមរយៈ «យុទ្ធសាស្ដ្រចតុកោណ -ដំណាក់កាលទី៤» ដែលសម្ដេចបានដាក់ចេញផ្ទាល់មិនទុកឲ្យស្ថានភាពអាក្រក់ណាមួយមកបង្កជាឧបសគ្គរារាំងដល់ការសម្រេចនូវក្ដីប្រាថ្នារបស់កម្ពុជាឡើយ ។
សម្ដេចបានបញ្ជាក់ថា « រាជរដ្ឋាភិបាលបានបើកទូលាយនូវកិច្ចសន្ទនាដ៏ស្មោះសរជាមួយបណ្ដាគណបក្សនយោបាយសង្គមស៊ីវិល និងរាល់មជ្ឈដ្ឋានជឿនលឿនទាំងអស់សំដៅប្រមែប្រមូលគំនិតបញ្ញា និងធនធានមនុស្សពីគ្រប់ប្រភពដោយគ្មានបែងចែករើសអើង ដើម្បីបង្កើនកម្លាំងសរុបនៅក្នុងកិច្ចការកសាង និងអភិវឌ្ឍន៍ជាតិ» ។ សម្ដេចបន្ដថា ភាពកក់ក្ដៅសុខដុមរមនា និងការរីកចម្រើននៃសង្គមជាតិកើតចេញពីទឹកចិត្តយោគយល់ និងចេះអធ្យាស្រ័យអត់ឱនឲ្យគ្នាទៅវិញទៅមកពីការចេះធ្វើការងារ និងការហ៊ានទទួលយក រិះគន់ ដើម្បីស្ថាបនា និងពីការគោរពប្រតិបត្តិច្បាប់ទាំងអស់គ្នា ។ សម្ដេចបន្ថែមថា ប៉ុន្ដែមានប្រវត្តិសាស្ដ្រមួយដែលមិនអាចឲ្យកើតមានសារជាថ្មីបានវិញបានទេ នោះ គឺការបែកបាក់ជាតិ មានប្រភពពីមហិច្ឆតារបស់អ្នកនយោបាយដែលយកប្រជាជនធ្វើជាឧបករណ៍ ដើម្បីសម្រេចផលប្រយោជន៍ផ្ទាល់របស់ខ្លួនដោយពុំគិតជោគវាសេនារបស់ជាតិ ។
សម្តេចនាយករដ្ឋមន្ដ្រីបានបញ្ជាក់ថា «ខ្ញុំមានជំនឿថា សង្គមកម្ពុជាមួយដែលមានលក្ខណៈ សេរីបើកចំហរ និងគោរពតម្លៃមនុស្ស និងផ្ដល់ប្រភពគ្មានកំណត់ដល់ការអភិវឌ្ឍសមត្ថភាព និងការច្នៃប្រឌិតបង្កើតថ្មីរបស់បុគ្គលម្នាក់ៗ ក្នុងការចូលរួមស្ថាបនាជាតិ ។ ជាពិសេស សម្រាប់ស្រទាប់យុវវ័យដ៏ច្រើនកុះករដែលបានទទួលការបណ្ដុះបណ្ដាលនៅគ្រប់កម្រិតព្រមទាំងបានទទួលនូវមរតកស្នាដៃចំណោះដឹង គំនិតបញ្ញា រួមជាមួយនឹងបទពិសោធន៍ពីអ្នកជំនាន់មុន និងដែលកំពុងបង្ហាញនូវភាពស្វាហាប់ ក្នុងការបំពេញការងារគ្រប់ផ្នែកនៅទូទាំងប្រទេសទាំងក្នុងវិស័យសាធារណៈ និងវិស័យឯកជន ។
សម្តេចបន្ថែមថា ជាមួយនឹងការខិតខំពុះពារប្រឹងប្រែងឥតសំចៃកកម្លាំងកាយ ចិត្តប្រាជ្ញា និងស្មារតី ពិតជានឹងសម្រេចនូវគោលដៅដ៏ឧត្តុងឧត្តម គឺការកសាងកម្ពុជាឲ្យកាន់តែរីកចម្រើន ក្លាយទៅជាប្រទេសជឿនលឿនមួយ និងជាសង្គមប្រកបដោយអរិយធម៌ និងសេចក្ដីស្រឡញ់ ដោយគ្មានការកើតឡើងជាថ្មីនូវសង្គ្រាម អំពើប្រល័យពូជសាសន៍ និងការបែកបាក់ផ្ទៃក្នុងជា តិដូចពេលមុនទៀតទេ ។
សម្រាប់ការអភិវឌ្ឍន៍ប្រទេសវិញសម្តេចក៏បានថ្លែងអំណរគុណចំពោះបណ្តាប្រទេសជាមិត្ត និងសហគមន៍អន្តរជាតិដែលបានគាំទ្រ និងផ្តល់ជំនួយឧត្តម្ភដល់កម្ពុជាតាំងពីគ្រាលំបាកបំផុតរហូតដល់បច្ចុប្បន្ននេះផងដែរ ៕
ចែករំលែកព័តមាននេះ