ខេត្តកណ្ដាល ៖ នារីដ៏ស្រស់សោភាម្នាក់ខឹងម្តាយស្តីបន្ទោសរឿងដើរលងច្រើន ទៅលោតទឹកប៉ុនប៉ងធ្វើអត្តឃាតសម្លាប់ខ្លួន ដែលហេតុការណ៍នោះបានកើតឡើងកាលពីវេលាម៉ោង៨យប់ថ្ងៃទី២៧ ធ្នូ នៅចំណុចស្ពានព្រែកសំរោង ស្ថិតនៅភូមិព្រែកសំរោង១ សង្កាត់តាខ្មៅ ក្រុងតាខ្មៅខេត្តកណ្តាល…
ខេត្តកណ្ដាល ៖ នារីដ៏ស្រស់សោភាម្នាក់ខឹងម្តាយស្តីបន្ទោសរឿងដើរលងច្រើន ទៅលោតទឹកប៉ុនប៉ងធ្វើអត្តឃាតសម្លាប់ខ្លួន ដែលហេតុការណ៍នោះបានកើតឡើងកាលពីវេលាម៉ោង៨យប់ថ្ងៃទី២៧ ធ្នូ នៅចំណុចស្ពានព្រែកសំរោង ស្ថិតនៅភូមិព្រែកសំរោង១ សង្កាត់តាខ្មៅ ក្រុងតាខ្មៅខេត្តកណ្តាល ។
នារីដែលប៉ុនប៉ងសម្លាប់ខ្លួនខាងលើឈ្មោះ ជាតិ សុភក្រ័នាថ អាយុ១៩ឆ្នាំ មុខរបរអ៊ុតសក់ មានទីលំនៅភូមិផ្សារតាខ្មៅថ្មី សង្កាត់ដើមមៀន ក្រុងតាខ្មៅ ខេត្តកណ្តាល មានឪពុកឈ្មោះ ហេងសុជាតិនិង ម្តាយឈ្មោះ ង៉ែត ចន្ថា មុខរបរលក់ដូរ ។
តាមការរៀបរាប់ពីនារីខាងលើបានឲ្យសមត្ថកិច្ចដឹងថា ការប៉ុនប៉ងលោតទឹកពីលើស្ពានសម្លាប់ខ្លួននោះ គឺមុននេះ២ថ្ងៃម្តាយនាងបានស្តីបន្ទោសរឿងដើរលេងច្រើនមិនសូវនៅផ្ទះ ។ ការស្តីបន្ទោសនោះជារឿងដដែលពេក ដូច្នោះនាងទ្រាំទទួលយកលែងបាន ទើបសម្រេចមកលោតទឹកពីលើស្ពានព្រែកសំរោងដើម្បីប៉ុនប៉ងបញ្ចប់ជីវិត ប៉ុន្តែនៅពេលលោតចុះទៅក្នុងទឹកមិនបានស្លាប់ទេ បែរជាអណ្តែតខ្លួនតាមទឹកហូរ រហូតដល់ទៅខាងត្បូងស្ពាន៣០០ម៉ែត្រ នាងក៏បានស្រវេស្រវ៉ាឡើងគោក និងបានស្រែកហៅឲ្យគេជួយសង្គ្រោះ ។
ប្រភពដដែលបានបន្តថា ពេលនោះមានប្រជាពលរដ្ឋនៅក្បែរមាត់ទន្លេឮសម្លេងចេញពីក្នុងទឹកទន្លេទាំងយប់ ក៏បានទៅរាយការណ៍ជូនកម្លាំងនគរបាលប៉ុស្តិ៍រដ្ឋបាលតាខ្មៅ និងកម្លាំងការិយាលយ័ចរាចរណ៍ជើង
ទឹកនៃស្នងការដ្ឋាននគរបាលខេត្តកណ្តាល ដែលនៅក្បែរនោះឲ្យជួយអន្តរាយគមន៍សង្គ្រោះបន្ទាន់ផង ។
សមត្ថកិច្ចបន្តថា ក្រោយពេលមានប្រជាពលរដ្ឋរាយការណ៍ កម្លាំងសមត្ថកិច្ចបានចុះទៅដល់ភ្លាម និងស្រង់នារីរងគ្រោះឡើងលើគោក ហើយបាននាំទៅកាន់ស្នាក់ការប៉ុស្តិ៍ ដើម្បីធ្វើការសាកសួរ និងណែនាំឲ្យឈប់គិតខ្លីបែបនេះទៀត ៕
ចែករំលែកព័តមាននេះ