ប្រទេសម៉ិុកស៊ិក ៖ រដ្ឋាភិបាលម៉ិុកស៊ិករាយការណ៍ថា អភិបាលរដ្ឋPUEBLAរបស់ម៉ិុកស៊ិក លោកស្រីMARTHA ERIKA ALONSO និងស្វាមីព្រឹទ្ធសមាជិកRAFAEL MORENO បានស្លាប់កាលពីថ្ងៃទី២៤ធ្នូក្នុងគ្រោះថ្នាក់ធ្លាក់ឧទ្ធម្ភាគចក្រនាភាគកណ្ដាលប្រទេស។
តាមTWITTERរដ្ឋមន្ត្រីការបរទេសម៉ិុកស៊ិកលោកMARCELO EBRARDដែលអះអាងពីការស្លាប់របស់អ្នកទាំងពីរសរសេរថា ប៉ុន្មានថ្ងៃមុននេះប៉ុណ្ណោះខ្ញុំបានជួបជាមួយ លោកMORENO នៅព្រឹទ្ធសភា។
មនុស្សគ្រប់គ្នាដែលស្គាល់អ្នកទាំង២ដូចជាយើងដែរ ពិតជាមានក្ដីក្រៀមក្រំ។
កាសែតក្នុងស្រុកREFORMAរាយការណ៍ថា លោកស្រីMARTHA ERIKA ALONSO និងលោកMORENOបានស្លាប់ ក្នុងការធ្លាក់ឧទ្ធម្ភាគចក្រ នៅកន្លែងមួយមិនឆ្ងាយពីទីក្រុងPOUEBLA។
ប្រធានាធិបតីម៉ិុកស៊ិក លោកANDRES MANUEL LOPEZ OBRADORថ្លែងថា រដ្ឋាភិបាលនឹងស៊ើបអង្កេត កំណត់ប្រភពនៃគ្រោះថ្នាក់នោះ៕
ចែករំលែកព័តមាននេះ