ខេត្តព្រះសីហនុ ៖ មន្ត្រីនគរបាលប៉ុស្តិ៍ច្រកទ្វារកំពង់ផែអន្តរជាតិក្រុងព្រះសីហនុបានឱ្យថាដឹងថា នៅព្រឹក ថ្ងៃទី២៥ ខែធ្នូ ឆ្នាំ ២០១៨ នាវាទេសចណ៍ COSTA…
ខេត្តព្រះសីហនុ ៖ មន្ត្រីនគរបាលប៉ុស្តិ៍ច្រកទ្វារកំពង់ផែអន្តរជាតិក្រុងព្រះសីហនុបានឱ្យថាដឹងថា នៅព្រឹក ថ្ងៃទី២៥ ខែធ្នូ ឆ្នាំ ២០១៨ នាវាទេសចណ៍ COSTA FORTUNA បាននាំភ្ញៀវទេសចរចម្រុះជាតិសាសន៍ជិត៤.០០០នាក់ ចូលចតកំពង់ផែអន្តរជាតិ ក្រុងព្រះសីហនុប្រកបដោយសុវត្ថិភាព ដើម្បីធ្វើទស្សនកិច្ចនៅព្រះរាជាណាចក្រកម្ពុជារយៈពេលមួយថ្ងៃ ។
នាវា COSTA FORTUNA មានសញ្ជាតិអ៊ីតាលី មានបណ្តោយប្រវែង២៧២.១៥ម៉ែត្រ ទទឹង ៣៥.៥០ម៉ែត្រ ជម្រៅទឹក៨ម៉ែត្រ បាននាំភ្ញៀវទេសចរបរទេសចម្រុះជាតិ សាសន៍ជិត៤.០០០នាក់ ចូលតាមច្រកកំពង់ផែសមុទ្រក្រុងព្រះសីហនុ ក្នុងនោះភ្ញៀវទេសចរចំនួន ២,៧៩៥នាក់ ស្រី១៤៩៩នាក់ មាន៥៨សញ្ជាតិ និងមាននាវិកសរុបចំនួន៩៧៥នាក់ ស្រី១៥០នាក់ មាន៣៥សញ្ជាតិ ។
នាវាCOSTA FORTUNAបាននាំភ្ញៀវទេសចរចម្រុះជាតិសាសន៍មកពីប្រទេសសាំងហ្គាពួរ ចូលចតកំពង់ផែអន្តរជាតិក្រុងព្រះសីហនុ នៅវេលាម៉ោង៨ព្រឹកថ្ងៃទី២៥ ខែធ្នូ ឆ្នាំ២០១៨ នាវាមានគម្រោងចាកចេញពីកំពង់ផែអន្តរជាតិក្រុងព្រះសីហនុ នៅវេលាម៉ោង៦យប់ ថ្ងៃដដែលឆ្ពោះទៅកាន់ប្រទេសថៃ ។
ភ្ញៀវទេសចរដែលធ្វើដំណើរតាមនាវាទេសចរCOSTA FORTUNAមានច្រើនសញ្ជាតិ ហើយក្នុងចំណោមភ្ញៀវដែលមានសញ្ជាតិច្រើនជាងគេមានដូចជាអុីតាលី៧៤៥នាក់ បារាំង ២៨២នាក់ រ៉ូម៉ានី១០៥នាក់ និងមានភ្ញៀវទេសចរសញ្ជាតិផ្សេងៗទៀត ។
នាវាទេសចរណ៍COSTA FORTUNAដែលនាំភ្ញៀវទេសចរចូលចតនៅកំពង់ផែអន្តរជាតិក្រុងព្រះ
សីហនុ ស្របពេលដែលខេត្តព្រះសីហនុ កំពុងត្រូវបានអភិវឌ្ឍន៍រីកចម្រើនយ៉ាងគំហុក នាពេលបច្ចុប្បន្ន និងចំថ្ងៃបុណ្យឆ្លងឆ្នាំសាកលផងដែរ៕
ចែករំលែកព័តមាននេះ