ខេត្តកំពង់ធំ ៖ សេចក្តីរាយការណ៍ឱ្យដឹង ពាក់ព័ន្ធការអញ្ជើញហៅសួរនាំលើកូនប្រុសម្នាក់ ឈ្មោះហេង ដេវីត ហៅឃែ អាយុ២១ឆ្នាំ ត្រូវជាកូនបង្កើតរបស់ប្តីដែលបាញ់សម្លាប់ប្រពន្ធរួចបាញ់សម្លាប់ខ្លួនឯងដែរនោះ នៅរសៀលថ្ងៃ២០…
ខេត្តកំពង់ធំ ៖ សេចក្តីរាយការណ៍ឱ្យដឹង ពាក់ព័ន្ធការអញ្ជើញហៅសួរនាំលើកូនប្រុសម្នាក់ ឈ្មោះហេង
ដេវីត ហៅឃែ អាយុ២១ឆ្នាំ ត្រូវជាកូនបង្កើតរបស់ប្តីដែលបាញ់សម្លាប់ប្រពន្ធរួចបាញ់សម្លាប់ខ្លួនឯងដែរនោះ នៅរសៀលថ្ងៃ២០ ធ្នូ នេះ ត្រូវបានលោកវរសេនីយត្រី ផុន សុផល នាយការិយាល័យបទល្មើសព្រហ្មទណ្ឌនៃកងរាជអាវុធហត្ថខេត្តកំពង់ធំបានប្រាប់កោះសន្តិភាពតាមទូរស័ព្ទឱ្យដឹងថា មូលហេតុដែលលោកចេញលិខិតហៅឈ្មោះហេង ដេវីត ហៅឃែ នេះ គឺមានហេតុផលចំនួន២ ។
លោកបន្តថា ហេតុផលទី១-គឺមានមន្ត្រីកងរាជអាវុធហត្ថខេត្តម្នាក់ឈ្មោះគង់ ឈុនលី បានលេងតុងទីនជាមួយស្ត្រីរងគ្រោះឈ្មោះស៊ុន ពៅ នៅមិនទាន់បានទូទាត់គ្នារួច ខណៈស្ត្រីមេតុងទីននេះបានស្លាប់ ទើបឈ្មោះ គង់ ឈុនលី សុំឱ្យគាត់អញ្ជើញកូនប្រុសរបស់ជនរងគ្រោះមកដោះស្រាយឱ្យដឹងឮថាម្តាយនៅជំពាក់លុយថ្លៃតុងទីនប៉ុន្មានទៀត ដើម្បីឱ្យជួយចេញសងជំនួស ។
ហេតុផលទី២-ការហៅមកជួបនេះ ក៏ដើម្បីសាកសួរអំពីអាវុធ ដែលឪពុករបស់គាត់ បានយកមកបាញ់សម្លាប់ម្តាយ និងបាញ់សម្លាប់ខ្លួនឯងដែរនេះថា បានមកពីណា? ក៏ប៉ុន្តែការអញ្ជើញរបស់លោក មិនទាន់ត្រូវបានឈ្មោះហេង ដេវីត មកជួបនោះទេ ស្រាប់តែទៅយកលិខិតអញ្ជើញរបស់គាត់ទៅបង្ហោះវិញ ធ្វើឱ្យលោកមានការងឿងឆ្ងល់ដែរ ។
គួររំលឹកថា ៖ ដឹងពីរឿងរ៉ាវ ដែលធ្វើឱ្យប្តីហ៊ានបាញ់សម្លាប់ប្រពន្ធរួចបាញ់ខ្លួនឯងដែរនេះ…!
ចែករំលែកព័តមាននេះ