ខេត្តកំពង់ឆ្នាំង ៖ គ្រឿងចក្រប្រភេទអេស្កាវ៉ាទ័រមួយគ្រឿងបានបើករត់គេចពីក្រុមអ្នកសារព័ត៌មាន បន្ទាប់ពីបានសួរនាំរកច្បាប់អនុញ្ញាតតដែលធ្វើឲ្យមានការសង្ស័យថា ការជីកកកាយយកដីភ្នំនៅចំណុចជើងភ្នំបង្គោលកីស្រីម៉ៅ ស្ថិតនៅក្នុងភូមិគល់គប់ ឃុំស្រែថ្មី ស្រុករលាប្អៀរ ពិតជាគ្មានច្បាប់អនុញ្ញាតតិពិតមែន ។
ហេតុការនេះបានកើតឡើងនៅវេលាម៉ោង២និង៣០នាទីរសៀល ថ្ងៃទី១៨ ខែធ្នូ ឆ្នាំ២០១៨ ។ យ៉ាងនេះក្តីបន្ទាប់ពីបានរាយការណ៍សមត្ថកិច្ចជំនាញទៅដល់នៅវេលាម៉ោង៤និង៣០នាទីដើម្បីឃាត់សាកសួរ ។
យោងតាមសេចក្តីរាយការណ៍ពីកន្លែងកើតហេតុបានឲ្យដឹងថា ក្រុមអ្នកសារព័ត៌មានមួយក្រុមបានប្រទះ និងគ្រឿងចក្រអេស្កាវ៉ាទ័រមួយគ្រឿងដែលកំពុងធ្វើសកម្មភាពកាយយកអាចដីនៅចំណុចជើងភ្នំខាងលើ ហើយបានធ្វើការសាកសួរពេលនោះអ្នកអេស្កាវ៉ាទ័របានប្រាប់អ្នកសារព័ត៌មានថា គ្រឿងចក្រនេះមានច្បាប់អនុញ្ញាតត្រឹមត្រូវ ម្តងថា មានច្បាប់ សាលាស្រុករលាប្អៀរម្តងថា ពីមន្ទីរសាធារណៈការ និងដឹកជញ្ជូនខេត្ត និងចុងក្រោយថា ពីមន្ទីររ៉ែ និងឋាមពល ។
ប៉ុន្តែទន្ទឹមនឹងនោះបន្ទាប់ពីមានទូរស័ព្ទចូលមកអ្នកបើកគ្រឿចក្រខាងលើស្រាប់តែអ្នកបើកគ្រឿងចក្របានបើករត់គេចចេញពីកន្លែងកើតហេតុ ដោយបើកកាត់ព្រៃសំដៅទៅទីតាំងផ្សេងពីកន្លែងកើតហេតុ ។ ជាមួយគ្នានោះក្រុមអ្នកសារព័ត៌មានក៏បានឃើញអ្នកបើកម៉ូតូម្នាក់មកដល់ដែលគេស្គាល់ថា ជាម្ចាស់គ្រឿងចក្រខាងលើឈ្មោះ ប៉ោង ហើយបានមកបញ្ជាគ្រឿងចក្រឲ្យបើករត់រហូតដល់ចំណុចមួយដែលមានចម្ងាយជាង១គីឡូម៉ែត្រពីកន្លែងកើតហេតុ និង មួយសន្ទុះក្រោយមកទើបសមត្ថកិច្ចជំនាញទៅដល់ ។
សេចក្តីរាយការបញ្ជាក់ថា នៅពេលកើតហេតុក្រុមអ្នកសារព័ត៌មានបានទូរស័ព្ទទៅជាច្រើនអង្គភាពតាមការបញ្ជាក់ពីអ្នកបើកគ្រឿងចក្រថា មានច្បាប់ដើម្បីចង់ដឹងថា តើមានច្បាប់ពិតដែរ ឬទេ ។ ជាដំបូងបានទូរស័ព្ទទៅលោក សោម វឺន អភិបាលស្រុករលាប្អៀរ ដើម្បីរាយការណ៍ពីសកម្មភាពដែលកំពុងតែជីកយកនៅជើងភ្នំខាងលើត្រូវបានលោកសោម វឺន បដិសេធន៍ថា លោកមិនបានដឹងនោះទេ ។
បន្ទាប់មកក្រុមអ្នកសារព័ត៌មានក៏បានទូរស័ព្ទទៅសួរលោកកែវ ពៅ ប្រធានមន្ទីរសាធារណការ និងដឹកជញ្ជូនខេត្ត ហើយត្រូវបាន កែវ ពៅ បានប្រាប់វិញថា លោកមិនបានចេញច្បាប់ឱ្យកាយភ្នំនោះទេ ហើយបើសិនជាមានច្បាប់មែន ហេតុអីចាំបាច់បើករត់ ?
ដោយឡែកលោក អ៊ុក រស់ ប្រធានមន្ទីររ៉ែ និងថាមពលខេត្តកំពង់ឆ្នាំងបានបញ្ជាក់ថា លោកមិនបានដឹងរឿងនេះទេ ហើយត្រូវដឹងថា តែអត់ច្បាប់ គឺបើករត់ហើយ ។ ប៉ុន្តែលោកបានបញ្ជាក់ថា បច្ចុប្បន្ននេះច្បាប់អនុញ្ញាតធ្វើអាជីវកម្មខ្នាតតូចបានធ្លាក់មកលើខេត្តគ្រប់គ្រងហើយ ប៉ុន្តែអ្នកអាជីវកម្មទាំងអស់នោះគេចមកព្រមមកធ្វើច្បាប់ ដើម្បីបង់សួយសាអាករ ។ លោកបានបញ្ជាក់ថា ច្បាប់អាជីវកម្មត្រឹម២០-៣០ម៉ឺនរៀលប៉ុណ្ណោះ ។ ចំណែកតម្លៃបង់សួយសារអាករខ្សាច់ត្រឹមតែ ០,២ដុល្លារប៉ុណ្ណោះក្នុង១ម៉ែត្រគូប រីឯដីក្រហមដីសបង់ត្រឹម០,១ដុល្លារនោះទេ ប៉ុន្តែអ្នកទាំងនោះភាគច្រើនមិនព្រមធ្វើច្បាប់ដោយសំអាងថា ធ្វើសិនចាំសុំច្បាប់ក្រោយ ។
លោក ថោង វីរ៉ាវុឌ្ឍី នាយខណ្ឌរដ្ឋព្រៃឈើនៃមន្ទីរកសិកម្មរុក្ខាប្រមាញ់ និងនេសាទខេត្តបានប្រាប់ថា ជុំវិញការឃាត់គ្រឿងចក្រខាងលើនេះលោកមិនទាន់បញ្ជាក់យ៉ាងណានៅឡើយនោះទេ ។ ប៉ុន្តែជំហានដំបូងលោកត្រូវតែឃាត់យកគ្រឿងចក្រទៅរក្សាទុកជាបណ្ដោះអាសន្នសិន ។ បន្ទាប់មកលោកនឹងទៅធ្វើចុចនិយាយកាម ដើម្បីពិនិត្យមើលទីតាំងភូមិសាស្ត្រខាងលើ តើស្ថិតក្នុងដីគម្របព្រៃឈើរដ្ឋដែរ ឬទេ ហើយជាដីស្ថិតក្នុងដីរបស់រដ្ឋ ត្រូវរកទំហំផ្ទៃដីដែលរងការខូចខាតអស់ទំហំប៉ុណ្ណា ដើម្បីកសាងសំណុំរឿងតាមផ្លូវច្បាប់ ។
ជុំវិញបញ្ហានេះត្រូវបានគេបញ្ជាក់ថា គ្រឿងចក្រខាងលើពិតជាគ្មានច្បាប់អនុញ្ញាត្តិពិតមែន ករណីនេះដែរត្រូវបានគេដឹងថា នៅខេត្តកំពង់ឆ្នាំងកំពុងតែមានសកម្មភាពឈូសឆាយដីជាច្រើនកន្លែងមានដីព្រៃលិចទឹកដីគម្របព្រៃរបស់រដ្ឋការធ្វើអាជីវកម្មគ្មានច្បាប់អនុញ្ញាតដូចអាជីវកម្មបូមខ្សាច់របស់លោក រឿន ថាវរិទ្ឋជាដើម ។ ករណីនេះត្រូវបានគេរិះគន់ថា មន្ត្រីជំនាញក្នុងការបង្ក្រាបបទល្មើសរបស់សមត្ថកិច្ចនៅមានកម្រិតនៅឡើយ ៕
ចែករំលែកព័តមាននេះ