ខេត្តរតនគិរី ៖ សត្វគោរបស់ប្រជាពលរដ្ឋបានងាប់ចំនួន១១ក្បាល ខណៈមន្ត្រីជំនាញសង្ស័យថាក្នុងប៊ីដុងដាក់ទឹកចំណុះ៣០លីត្រដែលដាក់អោយគោផឹកមានសារធាតុ ពុល ។ ហេតុការណ៍ខាងលើនេះបានកើតឡើងកាលពីល្ងាចថ្ងៃទី១១ ខែធ្នូ ឆ្នាំ២០១៨ ស្ថិតនៅភូមិតាំងជិ…
ខេត្តរតនគិរី ៖ សត្វគោរបស់ប្រជាពលរដ្ឋបានងាប់ចំនួន១១ក្បាល ខណៈមន្ត្រីជំនាញសង្ស័យថាក្នុងប៊ីដុងដាក់ទឹកចំណុះ៣០លីត្រដែលដាក់អោយគោផឹកមានសារធាតុ ពុល ។
ហេតុការណ៍ខាងលើនេះបានកើតឡើងកាលពីល្ងាចថ្ងៃទី១១ ខែធ្នូ ឆ្នាំ២០១៨ ស្ថិតនៅភូមិតាំងជិ ឃុំញ៉ាង ស្រុកអណ្តូងមាស។
ក្រោយពីមានសត្វគោងាប់ចំនួន១១ក្បាលខាងលើនេះត្រូវបានប្រជាពលរដ្ឋរាយការណ៍មកអាជ្ញាធរដែនដី និងសមត្ថកិច្ច រួមទាំងមន្ត្រីពេទ្យសត្វផងដែរ។
សមត្ថកិច្ចបានអោយដឹងថាសត្វគោដែលងាប់មានចំនួន១១ក្បាល ក្នុងនោះគោញីមានចំនួន៩ក្បាល ចំណែកម្ចាស់គោមានចំនួន៣គ្រួសារ ។ ក្រោយពីកើតហេតុការណ៍ខាងលើនេះ មន្ត្រីជំនាញធ្វើការត្រួតពិនិត្យ និងសាកសួរម្ចាស់សត្វគោបានអោយមន្ត្រីជំនាញដឹងថា មុនពេលសត្វគោទាំង១១ក្បាលបានងាប់ខាងលើនេះ គឺម្ចាស់សត្វគោបានចាក់ទឹកចេញពីប៊ីដុងអោយគោផឹក ស្រាប់តែ២ម៉ោងក្រោយ សត្វគោបានប្រកាច់ងាប់ជាបន្តបន្ទាប់រហូតដល់១១ក្បាល។
បើតាមការបញ្ជាក់ពីមន្ត្រីជំនាញបានឱ្យដឹងថា ក្នុងប៊ីដុងទឹកដែលដាក់អោយគោផឹកនោះមានសារធាតុពុលដែលបណ្តាលអោយសត្វគោទាំងនោះងាប់បែបនេះ។
មន្ត្រីជំនាញបានសំណូមពរដល់ប្រជាពលរដ្ឋអោយមានការប្រុងប្រយ័ត្នខ្ពស់មុននឹងប្រើប្រាស់សំភារៈសម្រាប់ដាក់ទឹកឱ្យមនុស្ស និងសត្វផឹក៕
ចែករំលែកព័តមាននេះ