រាជធានីភ្នំពេញ ៖ នារីប្រមាណ៣០០នាក់មកពីគ្រប់ខេត្ត-រាជធានី ដែលសុទ្ធតែជាអ្នកតំណាងចែកចាយដ៏ជោគជ័យ លើផលិតផលម៉ាកល្បី NNP បានជួបជុំគ្នានៅមជ្ឈមណ្ឌលម៉ូឌែន៥ ដើម្បីចែករំលែកបទពិសោធន៍ពាក់ព័ន្ធនឹងការធ្វើជំនួញ។ កម្មវិធីនេះ រៀបចំឡើងដោយក្រុមហ៊ុន ដាណាទ្រី ខេមបូឌា ត្រេនដីង ខូអិលធីឌី ដែលមានអ្នកស្រី ទ្រី ដាណា ជាអគ្គនាយក។
អ្នកស្រី ទ្រី ដាណា បានថ្លែងនៅមុខអ្នកតំណាងចែកចាយមកពី ២៥ខេត្ត-រាជធានី ទូទាំងប្រទេសកម្ពុជាថា កម្មវិធីជួបជុំនៅថ្ងៃនេះ គឺដើម្បីបង្កើនភាពស្និទ្ធស្នាល និងចែករំលែកនូវវិធីសាស្ត្រធ្វើជំនួញ។ អ្នកស្រី បានបន្ថែមទៀតថា អ្នកតំណាងចែកចាយប្រមាណ ៣០០នាក់នេះ សុទ្ធតែជោគជ័យខ្លាំងជាមួយផលិតផល NNP បន្ទាប់ពីយកទៅលក់ក្នុងពេលដ៏ខ្លីប៉ុណ្ណោះ។ ភាពជោគជ័យនេះ គឺដោយសារផលិតផល NNP មានគុណភាពល្អ និងទទួលបានការជឿជាក់ពីអតិថិជន។
អគ្គនាយិកាក្រុមហ៊ុន បានរៀបរាប់បន្ថែមថា ពីមុនមក អ្នកតំណាងចែកចាយខ្លះ គឺធ្វើការឱ្យគេរង់ចាំបើកប្រាក់ខែប៉ុណ្ណោះ ប៉ុន្តែបន្ទាប់ពីទទួលចែកចាយផលិតផល NNP ក៏ចាប់ផ្ដើមពេញចិត្តនឹងការធ្វើជំនួញ។ អ្នកខ្លះចាប់ផ្ដើមពីដើមទុនមិនដល់ ១ពាន់ដុល្លារ ក៏បានក្លាយទៅជាម្ចាស់ដេប៉ូទូទាំងខេត្ត ហើយមានយកទៅចែកចាយបន្តជាច្រើន។ អ្នកស្រី ទ្រី ដាណា បានបញ្ជាក់ថា នារីខ្មែរដែលមានបំណងចង់បានចំណូលខ្ពស់ ត្រូវហ៊ានចេញរកស៊ី និងតស៊ូ ទើបអាចសម្រេចជោគជ័យបាន។
សព្វថ្ងៃក្រុមហ៊ុន NNP មានសាខាគ្រប់ខេត្ត-រាជធានីទូទាំងប្រទេស ដោយមានអ្នកតំណាងចែកចាយដែលកំពុងជោគជ័យប្រមាណ៣០០នាក់ ខណៈអ្នកតំណាងចែកចាយខ្លះទៀតទើបចាប់ផ្ដើម។ ពីដើមទុនតិច រហូតដល់ក្លាយជាម្ចាស់ដេប៉ូ បានធ្វើឱ្យនារីជាច្រើន ដែលចូលរួមជាមួយ NNP នឹកស្មានមិនដល់។ អ្នកស្រី ទ្រី ដាណា បានបញ្ជាក់ថា ភាពជោគជ័យទាំងអស់នេះ ដោយសារក្រុមហ៊ុនមានយុទ្ធសាស្ត្រទីផ្សារខ្លាំង ហើយមិនទុកអ្នកចែកចាយចោលឡើយ។
គួរបញ្ជាក់ដែរថា ក្រុមហ៊ុន ដាណាទ្រី ខេមបូឌា ត្រេនដីង ខូអិលធីឌី បានបើកសម្ពោធជាផ្លូវការ កាលពីថ្ងៃទី១៣ ខែឧសភា ឆ្នាំ២០១៨។ ក្រុមហ៊ុន ដាណាទ្រី ខេមបូឌា ត្រេនដីង ខូអិលធីឌី ជាក្រុមហ៊ុននាំចូលផលិតផលថែរក្សាសម្រស់ជាច្រើនប្រភេទ មានទាំងសម្រាប់បុរស និងនារី។ រាល់ផលិតផលទាំងនោះ សុទ្ធតែមានគុណភាពខ្ពស់ ហើយទទួលស្គាល់ដោយក្រសួងសុខាភិបាល នៃព្រះរាជាណាចក្រថៃ និងក្រសួងសុខាភិបាលនៃព្រះរាជាណាចក្រកម្ពុជា ព្រមទាំងចុះបញ្ជីយ៉ាងត្រឹមត្រូវនៅក្រសួងពាណិជ្ជកម្ម ដោយមិនបន្លំផលិតផលក្លែងក្លាយឡើយ។
អ្វីដែលពិសេសនោះ គឺក្រុមហ៊ុន ដាណាទ្រី ខេមបូឌា ត្រេនដីង ខូអិលធីឌី មានផ្ដល់សេវាប្រឹក្សាយោបល់ ជួយដល់នារីខ្មែរ ដែលគ្មានការងារ ឬមុខរបរ ឲ្យចេះចាប់ផ្ដើមជំនួញដំបូង តាំងពីដើមទុន ៥០ដុល្លារក៏បាន៕ ដោយសហការ
ចែករំលែកព័តមាននេះ