អ្នកនាំពាក្យCPP ៖ សម រង្ស៊ី ចង់ក្តោបដំណែងតាមតម្រូវការខ្លួនមិនគិតពីលក្ខន្តិកបក្ស
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានហៅទង្វើ របស់លោក សម រង្ស៊ី ជាមនុស្សចង់ក្តោបតំណែងបក្ស…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានហៅទង្វើ របស់លោក សម រង្ស៊ី ជាមនុស្សចង់ក្តោបតំណែងបក្ស តាមតែតម្រូវការខ្លួន ទាំងមិនគិតពីលក្ខន្តិកៈបក្ស និងអ្នកដ៏ទៃ ។
ការលើកឡើងរបស់អ្នកនាំពាក្យបក្សកាន់អំណាចនេះ ស្របពេលលោក សម រង្ស៊ី ផ្ញើសារទៅកាន់សម្តេចតេជោ ហ៊ុន សែន នាយករដ្ឋមន្ត្រីថា មិនចង់បានការគិតគូក្នុងការផ្តល់សិទ្ធមន្ត្រី ១១៨នាក់ ឲ្យធ្វើនយោបាយឡើងវិញ ។ ជាងនេះបន្ទាប់ពីលោកបានប្រកាសទទួលធ្វើជាប្រ ធានស្តីទីគណបក្សសង្គ្រោះជាតិ កាលពីពេលថ្មីៗកន្លងមកនេះ ។ លោក សុខ ឥសាន បានឲ្យដឹងនៅថ្ងៃទី១១ ធ្នូថា តម្រូវការរបស់ទណ្ឌិត សម រង្ស៊ី គឺជាការចង់បានដោយអត្តនោម័តដោយខ្លួនឯង ។ នៅពេលទាល់ច្រកទណ្ឌិត សម រង្ស៊ី បានលាលែងពីសមាជិកបក្ស និងពីប្រធានបក្ស ។
ឥឡូវទណ្ឌិតសម រង្ស៊ី ចង់ក្តោបយកតំណែងប្រធានទណ្ឌិត សម រង្ស៊ី ថា មានតម្រូវការត្រូវតែមកយកតួនាទីជាប្រធានបក្សវិញ ដោយមិនគិតពីការគោរព និងអនុវត្តលក្ខន្តិកបក្សអ្វី ឡើយ គឺអត្តនោម័តពេញទីតែម្តង គឺក្នុងករណីអវត្តមានបានទាំងបំពានដែលខ្លួនឯងមិនមែនជាសមាជិកបក្សផង ។ ដូច្នេះការមកយកតំណែងជាប្រធានបក្សអាចចាត់ទុកជាការឆក់ប្លន់តាមតម្រូវការរបស់ខ្លួន ដែលបានស្រែកក្តែងៗដោយមិនចេះខ្មាស់អៀន។
លោកបន្តថា បើសម រង្ស៊ី ចង់ធ្វើអ្វី និងចង់បានអ្វីស្រេចនៅលើទណ្ឌិត សម រង្ស៊ី ថាជាតម្រូវការ ។ នេះជាចរិតអត្តនោម័តផ្តាច់ការនៅក្នុងបក្ស និងជាចរិតអ្នកនយោបាយប្រជាធិបតេយ្យ ក្លែងក្លាយ ។ លោក សម រង្ស៊ី អតីតប្រធានគណបក្សសង្គ្រោះជាតិ នៅថ្ងៃទី១១ ធ្នូ ក៏បានផ្ញើសារជូនទៅសម្តេចតេជោ ហ៊ុន សែន យ៉ាងដូច្នេះថា «ក្នុងនាមមន្ត្រីគណបក្សសង្គ្រោះជាតិទាំង១១៨រូប ដែលតុលាការកំពូលបានដកហូតសិទ្ធិធ្វើសកម្មភាពនយោបាយតាំងពីថ្ងៃ១៦ វិច្ឆិកា ២០១៧ មកខ្ញុំសូមប្រាប់ទៅលោក ហ៊ុន សែន ថា មិនចាំបាច់គិតគូរពីពួកយើងទេពីព្រោះពួកយើងមិនត្រូវការឲ្យគេផ្តល់សិទ្ធិធ្វើសកម្មភាពនយោបាយឲ្យពួកយើងវិញទេដរាបណាលោក កឹម សុខា ដែលជាប្រធានគណបក្សសង្គ្រោះជាតិមិនទាន់បានទទួលសេរីភាពពេញលេញនៅឡើយទេ ហើយដរាបណាអាជ្ញាធរទីក្រុងភ្នំពេញមិនទាន់បានទម្លាក់ចោលនូវរាល់ការចោទប្រកាន់មកលើលោកប្រធាន កឹម សុខា» ។ លោកថា «ខ្ញុំសូមបញ្ជាក់ថា ខ្ញុំស្គាល់ច្បាស់មន្ត្រីគណបក្សសង្គ្រោះជាតិទាំង១១៨រូបនោះ ពីព្រោះអ្នកទាំងនោះបានទទួលតំណែងរបស់ខ្លួននៅពេលដែលខ្ញុំកាន់តំណែងជាប្រធានគណបក្សសង្គ្រោះជាតិ ។
សូមជម្រាបថា ក្នុងករណីនាក់១១៨នាក់ របស់មន្ត្រីបក្សប្រឆាំងនេះត្រូវបានសម្តេច ស ខេង ឧបនាយករដ្ឋមន្ដ្រី រដ្ឋមន្ត្រីក្រសួងមហាផ្ទៃក៏បានថ្លែងឲ្យដឹងដែរថា ការធ្វើវិសោធនកម្មបើកផ្លូវឲ្យអ្នកទាំង១១៨រូបអាចធ្វើនយោបាយឡើងវិញបានដោយសារក្នុងចំណោមបំរាមនយោបាយទាំង១១៨រូប មានមួយចំនួនធំបានគោរពតាមសាលក្រមតុលាការកំពូល ។
អ្នកនាំពាក្យគណបក្សប្រជាជនកម្ពុជាលោក សុខ ឥសាន បានអះអាងថា លោកសម រង្ស៊ី ត្រូវនៅឯកកោម្នាក់ឯងក្នុងចំណោមមន្ត្រីបក្សសង្គ្រោះជាតិ១១៨នាក់ ដែលជាប់បម្រាមតុលាការកំពូល ។ លោកបន្តថា ក្នុងចំណោមមន្ត្រីអតីតបក្សប្រឆាំងទាំង១១៨រូបដែលសាលដីកាតុលា ការកំពូលហាមធ្វើនយោបាយរយៈពេល៥ឆ្នាំក៏គ្មានឈ្មោះ សម រង្ស៊ីដែរ ។ លោកសម រង្ស៊ី លែងមានតួនាទីអ្វីសំខាន់ក្នុងអតីតបក្សប្រឆាំងទៀតហើយដោយសារបានលាលែងអស់ហើ យ ។ ទោះបីទណ្ឌិត សម រង្ស៊ី នៅតែចង់ផ្សារភ្ជាប់ខ្លួនជាមួយកឹម សុខា តាមពាក្យស្លោកថា សម រង្ស៊ី និងកឹម សុខា ជាមនុស្សតែមួយយ៉ាងណាក្តីក៏មិនអាចជួយបានដែរពីព្រោះមនុស្សពីរនាក់ដាច់ដោយឡែកពីគ្នា ៕
ចែករំលែកព័តមាននេះ