រាជធានីភ្នំពេញ ៖ ទោះបីជាផលិតផលសូត្រដែលផលិតដោយដៃនៅកម្ពុជាមានគុណភាពខ្ពស់ជាងផលិតផលសូត្រនៃបណ្តាប្រទេសដទក្ដី ប៉ុន្តែរហូតមកដល់ពេលនេះ ផលិតផលសូត្រកម្ពុជាមិនទាន់មានទីផ្សារសម្រាប់លក់នៅក្រៅប្រទេសនៅឡើយ ។នេះបើតាមការឲ្យដឹងពីអ្នកទទួលខុសត្រូវសិប្បកម្មផលិតផលសូត្ររបស់ក្រុមហ៊ុន អាឡិចហ្សង់ អង្គរ បានលើកឡើងក្នុងដំណើរទស្សនកិច្ចរបស់ទូតអុឺរ៉ុបប្រចាំកម្ពុជាទៅកាន់ខេត្តសៀមរាប ។…
រាជធានីភ្នំពេញ ៖ ទោះបីជាផលិតផលសូត្រដែលផលិតដោយដៃនៅកម្ពុជាមានគុណភាពខ្ពស់ជាងផលិតផលសូត្រនៃបណ្តាប្រទេសដទក្ដី ប៉ុន្តែរហូតមកដល់ពេលនេះ ផលិតផលសូត្រកម្ពុជាមិនទាន់មានទីផ្សារសម្រាប់លក់នៅក្រៅប្រទេសនៅឡើយ ។នេះបើតាមការឲ្យដឹងពីអ្នកទទួលខុសត្រូវសិប្បកម្មផលិតផលសូត្ររបស់ក្រុមហ៊ុន អាឡិចហ្សង់ អង្គរ បានលើកឡើងក្នុងដំណើរទស្សនកិច្ចរបស់ទូតអុឺរ៉ុបប្រចាំកម្ពុជាទៅកាន់ខេត្តសៀមរាប ។
អ្នកស្រី ដួង សុភាព នាយិកាធនធានមនុស្សនៃក្រុមហ៊ុនអាឡិចហ្សង់ អង្គរ ខេត្តសៀមរាប បានឲ្យដឹងថា តាមពិតផលិតផលសូត្ររបស់កម្ពុជាមានគុណភាពល្អជាងផលិតផលសូត្រនៃបណ្តាប្រទេសដទៃទៀតដូចជាប្រទេសចិនជាដើម ព្រោះថា ជាផលិតផលដែលធ្វើដោយដៃ ហើយផ្តើមដោយគំនិតច្នៃប្រឌិតរបស់សិប្បករ ខណៈដែលគេផលិតដោយម៉ាស៊ីនសុទ្ធសាធ ។
អ្នកស្រីនាយិកាបានបញ្ជាក់ថា ៖« ដោយសារតែយើងផលិតដោយដៃនោះហើយ ទើបធ្វើ ឲ្យតម្លៃផលិតផលសូត្រយើងថ្លៃជាងគេបន្តិច ព្រោះយើងត្រូវចំណាយច្រើន ។ ប៉ុន្តែគុណភាពផលិតផលសូត្រយើងល្អជាង ដោយសារតែយើងអាចផលិតបានដូចគេទាំងទម្រង់ សោភ័ណភាពដូចគេ ហើយអាចយកទៅបោកគក់ទឹកបាន មិនហើរពណ៌ មិនខូចដូចផលិតផលសូត្រគេនោះឡើយ »។ អ្នកស្រី ដួង សុភាព បានឲ្យដឹងថា ផលិតផលសូត្រដែលផលិតចេញពីក្រុមហ៊ុនរបស់អ្នកស្រី គឺផ្តើមចេញពីគំនិតច្នៃប្រឌិតតាមរចនាបថខ្មែរ ប្រពៃណីវប្បធម៌ខ្មែរ ដូចជា រូបអង្គរវត្ត ជាដើម ដែលផុសនៅលើផលិតផលសូត្ររបស់យើង ។ ដូច្នេះអាចនិយាយថា ជាផលិតផល គ្មានពីរលើលោក ។ ប៉ុន្តែអ្នកស្រីថា ៖« យើងមិនទាន់មានទីផ្សារនៅក្រៅប្រទេសនៅឡើយ សម្រាប់ផលិតសូត្ររបស់យើង ។ ទន្ទឹមនោះប្រសិនបើមានទីផ្សារក្រៅប្រទេស តម្លៃផលិត ផលសូត្រ នឹងត្រូវលក់ដូចតម្លៃទីផ្សារក្នុងស្រុកផងដែរ »។
អ្នកស្រីបានបញ្ជាក់បន្ថែមថា ៖« ផលិតសូត្រយើងសព្វថ្ងៃនេះគឺលក់ភាគច្រើនសម្រាប់តែភ្ញៀវទេសចរបរទេសប៉ុណ្ណោះ ហើយអតិថិជនសុទ្ធតែបង្ហាញនូវការកោតសរសើ និងគាំទ្រ ផលិតផលសូត្ររបស់យើង »។ អ្នកស្រីថា ៖« ចំពោះតម្លៃវិញក្នុងផលិតផលមួយៗមានតម្លៃចាប់ពី១៥ដុល្លារ រហូតដល់៣.០០០ដុល្លារ ទៅតាមទំហំនៃផលិតផលនីមួយៗ »។ អ្នកស្រីអះអាងថា ក្រុមហ៊ុនរបស់អ្នកស្រីបាន និងកំពុងស្វែងរកការងារ ឬផ្តល់ឱកាសការងារយ៉ាងច្រើនដល់ពលរដ្ឋកម្ពុជា សំខាន់ ឺស្ត្រីកម្ពុជាកាត់បន្ថយការចំណាកស្រុក ។
មជ្ឈមណ្ឌលស្រាវជ្រាវសូត្រនៃសាកលវិទ្យាល័យភូមិន្ទភ្នំពេញ បានចាប់ផ្តើមដំណើរការបង្កាត់ពូជ និងផលិតបាននូវសូត្រមាសជាលើកដំបូងកាលពីខែកក្កដា កន្លងមកនេះ ដោយមជ្ឈមណ្ឌលនេះ បាននិងកំពុងធ្វើការជាមួយអ្នកមានឆន្ទៈ និងអ្នកចង់ប្រកបអាជីវកម្មលើផ្នែកនេះនៅតាមបណ្តាខេត្តមួយចំនួន ដែលដើរតួជាគ្រូបង្គោលដើម្បីបន្តពង្រីកការងារនេះជួយដល់កសិករដទៃទៀត ដើម្បីទទួលបានការងារធ្វើ និងប្រាក់ចំណូលសមរម្យ ៕
ចែករំលែកព័តមាននេះ