ឆក់ស្លា.ប់…ខ្លះចោទថាចោរលួចកាត់…ខ្លះថាមិនមែនចោរទេ
- សៀមរាប
ខេត្តសៀមរាប ៖ ចោរស្លៀកពាក់សន្តិសុខចូលលួចកាត់ខ្សែភ្លើងនៅក្នុងសណ្ឋាគារបាយ័នអេរ៉ា ម្នាក់ភ្លាត់ស្នៀតឆក់ខ្លួនឯង បណ្តាលឱ្យស្លាប់ បង្កឱ្យមានការភ្ញាក់ផ្អើល ខណៈពេលនោះម្ចាស់សណ្ឋាគារបំរ៉ុងបិតរឿងមិនឱ្យព័ត៌មានផ្សព្វផ្សាយ ប៉ុន្តែត្រូវបែកធ្លាយចេញពីក្នុងតែម្តង រហូតដឹងដល់សមត្ថកិច្ច។ ហេតុការឆក់ស្លាប់ចោរលួចខ្សែភ្លើងម្នាក់នៅក្នុងសណ្ឋាគារបាយ័នអេរ៉ានោះបានកើតឡើងកាលពីវេលាម៉ោងប្រមាណ១៧និង១០នាទីល្ងាច…
ហេតុការឆក់ស្លាប់ចោរលួចខ្សែភ្លើងម្នាក់នៅក្នុងសណ្ឋាគារបាយ័នអេរ៉ានោះបានកើតឡើងកាលពីវេលាម៉ោងប្រមាណ១៧និង១០នាទីល្ងាច ថ្ងៃទី២៩ ខែវិច្ឆិកា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៦ ក្នុងភូមិខ្នារ សង្កាត់ជ្រាវ ក្រុងសៀមរាប ។
តាមប្រភពពីប៉ូលិសខេត្តបានឱ្យដឹងនៅរសៀលថ្ងៃទី៣០ ខែវិច្ឆិកា ឆ្នាំ២០១៨នេះថា ក្រោយពេលកើតហេតុបុគ្គលិកបានរាយការណ៍មកសមត្ថកិច្ចមូលដ្ឋានថា មានបុរសម្នាក់ត្រូវខ្សែភ្លើងឆក់ស្លាប់ នៅក្នុងសណ្ឋាគារខាងលើកន្លែងការដ្ឋានកំពុងសាងសង់ ស្ទីម សូណា ខណៈពេលនោះកម្លាំងជំនាញក៏បានចុះទៅដល់កន្លែងកើតហេតុ រួចមកកម្លាំងនគរបាលមូលដ្ឋានក៏បានសហការជាមួយកម្លាំងជំនាញរបស់អធិការនគរបាលក្រុង ដើម្បីត្រួតពិនិត្យទៅលើសាកសពភ្លាមៗផងដែរ ។ បន្ទាប់ពីពិនិត្យសាកសពរួច ក៏សួរបុគ្គលិកនៅទីនោះក្រែងមានអ្នកស្គាល់ឈ្មោះ ។
ប្រភពបានបញ្ជាក់ទៀតថា មានបុគ្គលិកម្នាក់សូមមិនបញ្ចេញឈ្មោះបានប្រាប់សមត្ថកិច្ចយើងថា ចោរដែលព្រហើនហ៊ានចូលលួចកាត់ខ្សែភ្លើងនៅក្នុងសណ្ឋាគារបាយ័នអេរ៉ានោះ គឺមិនមែនជាមនុស្សធម្មតាទេ ហើយក៏ជាមនុស្សដែលធ្លាប់ចេញចូលនៅទីនោះដែរ ទើបហ៊ានដូច្នេះ ។ ប្រភពបានបញ្ជាក់បន្ថែមថា ចោរដែលចូលលួចខ្សែភ្លើងឆក់ស្លាប់នោះមានឈ្មោះ ប៊ី ប៊ុន ភេទប្រុស អាយុ២៥ឆ្នាំ មានទីលំនៅបច្ចុប្បន្ន ភូមិត្រពាំងរុន ឃុំអំពិល ស្រុកប្រាសាទបាគង ខេត្តសៀមរាប ។
ចែករំលែកព័តមាននេះ