យីណ៎…រឿងប៉ុណ្ណឹងសោះ ចង់បានជីវិតគេមកសង
- បាត់ដំបង
ខេត្តបាត់ដំបង ៖ ជនសង្ស័យចំនួន៣នាក់ ដែល២នាក់ជាឪពុកនិងកូន ត្រូវសមត្ថកិច្ចស្រាវជ្រាវឃាត់ខ្លួនបានជាបន្តបន្ទាប់ កាលពីថ្ងៃទី២៥ និង២៦ វិច្ឆិកា នេះ ស្ថិតត្រង់ចំណុចអូរតាកង…
ខេត្តបាត់ដំបង ៖ ជនសង្ស័យចំនួន៣នាក់ ដែល២នាក់ជាឪពុកនិងកូន ត្រូវសមត្ថកិច្ចស្រាវជ្រាវឃាត់ខ្លួនបានជាបន្តបន្ទាប់ កាលពីថ្ងៃទី២៥ និង២៦ វិច្ឆិកា នេះ ស្ថិតត្រង់ចំណុចអូរតាកង…
ខេត្តបាត់ដំបង ៖ ជនសង្ស័យចំនួន៣នាក់ ដែល២នាក់ជាឪពុកនិងកូន ត្រូវសមត្ថកិច្ចស្រាវជ្រាវឃាត់ខ្លួនបានជាបន្តបន្ទាប់ កាលពីថ្ងៃទី២៥ និង២៦ វិច្ឆិកា នេះ ស្ថិតត្រង់ចំណុចអូរតាកង ក្នុងភូមិបឹងក្រសាល ឃុំស្នឹង ស្រុកបាណន់ ដោយសង្ស័យមានជាប់ពាក់ព័ន្ធអំពើរឃាតកម្មមិនបានសម្រេច (ប៉ុនប៉ងមនុស្សឃាត)។
លោកឧត្តមសេនីយត្រី ជេត វណ្ណនី ស្នងការរងខេត្តបានឲ្យដឹងថា ជនសង្ស័យទាំង៣នាក់ ១-ឈ្មោះសឹម ប៊ុនធឿន ភេទប្រុស អាយុ៥៦ឆ្នាំ រស់នៅភូមិបាដាកជើង ឃុំរស្មីសង្ហា ស្រុករតនមណ្ឌល ២-ឈ្មោះធឿន សីហា ភេទប្រុស អាយុ២៥ឆ្នាំ រស់នៅចំណុចដីថ្មី ក្នុងភូមិបឹងក្រសាល ឃុំស្នឹង ស្រុកបាណន់ (ទាំង២នាក់នេះជាឪពុកនិងកូន) និង៣-ឈ្មោះជិន ឡៃហេង ហៅភ័ក្ត្រ អាយុ២៩ឆ្នាំ រស់នៅចំណុចកើតហេតុ ។
លោកស្នងការរងបានបញ្ជាក់ថា ក្រុមជនដៃដល់ទាំងនាក់នេះ ត្រូវបានឃាត់ខ្លួនជាបន្តបន្ទាប់ ក្រោយពីសង្ស័យថា មានជាប់ពាក់ព័ន្ធនឹងអំពើឃាតកម្មមួយមិនបានសម្រេច ដែលប្រព្រឹត្តកាលពីវេលាម៉ោង១១យប់ថ្ងៃទី២៣ វិច្ឆិកា នៅចំណុចខាងលើ ដែលបានប្រើកាំបិតខ្វែវ និងដំបង ព្រូតគ្នាវាយនិងកាប់ទៅលើជនរងគ្រោះឈ្មោះរិន រីណា ភេទប្រុស អាយុ៣៥ឆ្នាំ ពេលកំពុងដេកលក់នៅក្នុងផ្ទះ ដោយសារតែគំនុំ ធ្វើឲ្យជនរងគ្រោះរងរបួសស្ទើរសុះសាច់ ។ បើតាមការបំភ្លឺនានាពីភាគីរងគ្រោះបានឲ្យដឹងថា អំពើហិង្សានេះ ផ្ដើមចេញពីគំនុំ។
ប្រភពដដែលនិយាយថា នៅល្ងាចថ្ងៃកើតហេតុ ជនដៃដល់ឈ្មោះធឿន សីហា បានដឹកគោកាត់ស្រូវជនរងគ្រោះ ហើយថែមទាំងបណ្ដោយគោស៊ីស្រូវជនរងគ្រោះទៀត។ ពេលនោះ ជនរងគ្រោះទៅទាន់ ក៏មានការប៉ះសម្តីគ្នា រហូតជនរងគ្រោះទ្រាំមិនបានក៏វាយទៅលើឈ្មោះសីហានោះមួយដៃ ទើបធ្វើឲ្យឈ្មោះសីហានេះខឹងចងជាគំនុំពេញខ្លួនតែម្ដង ។ ក្រុមគ្រួសារជនរងគ្រោះបានបញ្ជាក់ថា ដោយសារតែរឿងនេះ ស្រាប់តែនៅពាក់កណ្ដាលអធ្រាត្រ ឈ្មោះសីហា បានបបូលឪពុកខ្លួន និងឈ្មោះភក្ត្រ ដែលជាមិត្តភក្ដិនៅក្បែរគ្នា លើកទៅវាយ និងកាប់ជនរងគ្រោះដល់ផ្ទះបណ្ដាលឲ្យរងរបួសសុះក្បាលស្ទើរស្លាប់ស្ទើររស់រហូតបញ្ជូនភ្លាមៗទៅមន្ទីរពេទ្យខេត្ត។
បើតាមសមត្ថមកិច្ចបានប្រាប់ថា ពេលឃាត់ខ្លួនភ្លាមៗ ក្រុមជនដៃដល់មិនបានសារភាពថា ខ្លួនបានព្រូតគ្នាប៉ងសម្លាប់ជនរងគ្រោះទេ តែក្រោយពីសមត្ថកិច្ចបង្ហាញវត្ថុតាងនិងមានការចង្អុលបង្ហាញពីសាក្សីមួយចំនួនផង ទើបជនដល់សារភាពតែម្ដង។ ជនសង្ស័យបានសារភាពថា ពួកខ្លួនខឹងដោយសារតែជនរងគ្រោះវាយឈ្មោះសីហា។ បើតាមឈ្មោះសីហា បាននិយាយថា ខ្លួនកាន់ដំបង រីឯឈ្មោះភ័ក្រ កាន់កាំបិតខ្វែវ ហើយឪពុកខ្លួនក៏បានអមដំណើរទៅជាមួយដែរ។
ពេលទៅដល់ផ្ទះជនរងគ្រោះពួកខ្លួនក៏បានលបចូលទៅកាប់និងវាយលើជនរងគ្រោះតែម្ដង ខណៈជនរងគ្រោះកំពុងដេកលក់ក្នុងផ្ទះ។ លោកជេត វណ្ណនី ស្នងការរងខេត្ត បានបញ្ជាក់ដែរថា ដំបូងក្រុមនេះមិនសារភាពមែន តែយល់ព្រមជួយចេញថ្លៃព្យាបាលជនរងគ្រោះ។ ក្រោយពីសួរនាំរយៈពេលជាង១ថ្ងៃ ទើបក្រុមនេះព្រមសារភាព ។
ចែករំលែកព័តមាននេះ