រាជធានីភ្នំពេញ៖ ការប្រកួតកម្មវិធី Miss Grand International 2018 នៅប្រទេសភូមាបានបញ្ចប់កាលពីរាត្រីថ្ងៃទី២៥ តុលា ។ នារាត្រីនោះបេក្ខនារីប្រទេសប៉ារ៉ាហ្កាយបានដួលសន្លប់ព្រោះតែរំភើបចិត្តពេកចំពោះការប្រកាសលទ្ធផលដែលរូបនាងក្លាយជារាជិនីម្ចាស់មកុដ…
រាជធានីភ្នំពេញ៖ ការប្រកួតកម្មវិធី Miss Grand International 2018 នៅប្រទេសភូមាបានបញ្ចប់កាលពីរាត្រីថ្ងៃទី២៥ តុលា ។ នារាត្រីនោះបេក្ខនារីប្រទេសប៉ារ៉ាហ្កាយបានដួលសន្លប់ព្រោះតែរំភើបចិត្តពេកចំពោះការប្រកាសលទ្ធផលដែលរូបនាងក្លាយជារាជិនីម្ចាស់មកុដ ។
ចំណាត់ថ្នាក់លេខ១Miss Grand Paraguay បានទៅកញ្ញាClara Sosaជាអ្នកគ្រងមកុដ។ ចំណាត់ថ្នាក់លេខ២កញ្ញាមកពីប្រទេសឥណ្ឌាឈ្មោះMeenakshi Chaudhary។ ចំណាត់ថ្នាក់លេខ៣Miss Grand Indonesiaឈ្មោះNadia Purwoko ។
កម្មវិធីប្រកួតសម្រស់លំដាប់ថ្នាក់ពិភពលោក «Miss Grand International» គឺជាកម្មវិធីមួយដែលបង្កើតឡើងក្នុងគោលបំណង «បញ្ចប់សង្គ្រាម និងអំពើហិង្សា» ដែលមានជាង៩០ប្រទេសនៅលើពិភពលោកចូលរួមជារៀងរាល់ឆ្នាំចាប់តាំងពីឆ្នាំ២០១៣មក ។ សម្រាប់ឆ្នាំ២០១៨នេះការប្រកួតចាប់ផ្តើមពីថ្ងៃទី១៦ ខែតុលា រហូតដល់ថ្ងៃទី២៥ ខែតុលា ។
បវរកញ្ញាទាំងអស់ត្រូវឆ្លងកាត់វិញ្ញាសាការនិយាយសាធារណៈ និងត្រូវឆ្លងកាត់វិញ្ញសាច្រើនទៀត ក្រោមការពិនិត្យយ៉ាងយកចិត្តទុកដាក់ពីគណៈកម្មការប្រកួត ។ ការប្រកាសលទ្ឋផលចុងក្រោយសល់តែ២នាក់កាន់ដៃគ្នាមានប៉ារ៉ាហ្គាយ និងឥណ្ឌា ហើយពិធីករប្រកាសជាផ្លូវការថាអ្នកគ្រងតំណែងបានលើប៉ារ៉ាហ្គាយធ្វើឲ្យនាងរំភើបចិត្តរហូតទប់ជំហរមិនបានក៏ដួលសន្លប់មួយសន្ទុះធ្វើឲ្យអ្នករៀបចំកម្មវិធីស្លន់ស្លោរត់ឆ្លេឆ្លាពេញឆាក ។ ទោះជាយ៉ាងណាក្តីកញ្ញាប៉ារ៉ាហ្គាយប្រឹងសម្រួលអារម្មណ៍ក្រោកឈរឡើងទទួលមកុដ និងញញឹមឡើងវិញជាមួយស្រីស្អាត៤ប្រទេសទៀតដែលជាប់ចុងក្រោយ ។
ចំពោះកញ្ញាឌី លីកា ដែលតំណាងឲ្យកម្ពុជាចូលរួមការប្រកួតដែរ ទោះមិនបានចំណាត់ថ្នាក់ ទេ តែនាងបានបង្ហាញអ្វីជាលក្ខណៈជាតិនៅលើឆាកប្រកួតសម្រស់ដ៏ធំមួយនោះ។ ជាពិសេសជាមោទនភាពដែលឈុតតំណាងជាតិកម្ពុជាទទួលបានភាពលេចធ្លោលើឆាកអន្តរជាតិសម្រាប់ឆ្នាំនេះ ។ បវរកញ្ញាកម្ពុជា តែងតែបានចំណាត់ថ្នាក់នាំមុខគេ តាមរយៈការបោះឆ្នោតលើ Facebook តែលក្ខន្តិកៈរបស់កម្មវិធីតម្រូវឲ្យគណៈកម្មការជ្រើសរើសក្នុងវគ្គផ្តាច់ព្រ័ត្រដែរ ហើយជាលទ្ធផលតំណាងកម្ពុជាយើងមិនបានជាប់ចំណាត់ថ្នាក់ទេ តែបានពានរង្វាន់ពិសេសមួយ ។
យោងតាម Miss Grand Pageant Insider ថា បេក្ខនារីកម្ពុជាឌី លីកា ទទួលបានពានរង្វាន់ពិសេសនោះ គឺពាន Grand Pageant’s Choice Award ( ពានក្រៅផ្លូវការ ) ដោយទទួលបានការបោះឆ្នោតពីអ្នកគាំទ្រច្រើនជាងគេ ក្នុងបណ្តាញសង្គមហ្វេសប៊ុកនិង Instagram លើ Miss Grand Pageant Insider Page ។
លទ្ធផលបវរកញ្ញាប្រជាប្រិយ (Miss Popular) ចំណាត់ថ្នាក់លេខ១ បានទៅលើបវរកញ្ញាប្រទេសវៀតណាម ខណៈបវរកញ្ញាពីប្រទេសថៃ ជាប់ចំណាត់ថ្នាក់លេខ១ ការប្រកួតមកុដពេលរាត្រីល្អបំផុត (The Best Evening Grown)៕
ចែករំលែកព័តមាននេះ