រាជធានីភ្នំពេញ ៖ មន្ត្រីជាន់ខ្ពស់បក្សកុម្មុយនីសរៀតណាមបានស្នើប្រធានរដ្ឋសភាបន្តពង្រឹងកិច្ចសហប្រតិបត្តិការទ្វេភាគីរវាងស្ថាប័នសភា និងសភាសម្រាប់អាណត្តិទី៦ ។ នេះបើប្រធានគណៈចលនាមហាជននៃគណៈកម្មាធិការមជ្ឈឹមបក្សកុម្មុយនីស្តវៀតណាម ។ ក្នុងជំនួបពិភាក្សាការងារជាមួយសម្តេច ហេង សំរិន…
រាជធានីភ្នំពេញ ៖ មន្ត្រីជាន់ខ្ពស់បក្សកុម្មុយនីសរៀតណាមបានស្នើប្រធានរដ្ឋសភាបន្តពង្រឹងកិច្ចសហប្រតិបត្តិការទ្វេភាគីរវាងស្ថាប័នសភា និងសភាសម្រាប់អាណត្តិទី៦ ។ នេះបើប្រធានគណៈចលនាមហាជននៃគណៈកម្មាធិការមជ្ឈឹមបក្សកុម្មុយនីស្តវៀតណាម ។
ក្នុងជំនួបពិភាក្សាការងារជាមួយសម្តេច ហេង សំរិន ប្រធានរដ្ឋសភាលោកស្រី ជុង ធីម៉ាយ (Truong Thi Mai) សមាជិក ការិយាល័យនយោបាយលេខាមជ្ឈិមបក្ស និងជាប្រធានគណៈចលនាមហាជននៃគណៈកម្មាធិការមជ្ឈិមបក្សកុម្មុយនីស្តវៀតណាមនៅព្រឹកថ្ងៃទី២៦ ខែតុលា ឆ្នាំ២០១៨ នៅវិមានរដ្ឋសភាបានលោកស្រីសាទរចំពោះជោគជ័យក្នុងការរៀបចំការបោះឆ្នោតជ្រើសតាំងតំណាងរាស្ត្រនីតិកាលទី៦របស់ប្រទេសកម្ពុជា ហើយក្នុងនោះរាជរដ្ឋាភិបាល និងរដ្ឋសភាអាណត្តិថ្មីបានប្រសូត្រឡើង ស្របតាមឆន្ទៈរបស់ប្រជាពលរដ្ឋ ។
លោកស្រី បានគូសបញ្ជាក់ថា នៅក្នុងដំណើរទស្សនកិច្ចនេះគណៈប្រតិភូបានសង្កេតឃើញថា កម្ពុជាមានការអភិវឌ្ឍហេដ្ឋារចនាសម្ព័ន្ធសង្គមគួរឲ្យកត់សម្គាល់ដែលនេះបានបង្ហាញឲ្យឃើញពីការដឹកនាំដ៏ត្រឹមត្រូវរបស់ស្ថាប័នកំពូលៗកម្ពុជាមានស្ថាប័ននីតិប្បញ្ញត្តិ និងនីតិប្រតិបត្តិ ។ ជាមួយគ្នានោះដែរលោកបានស្នើសុំសម្តេចប្រធានរដ្ឋសភានៅក្នុងនីតិកាលទី៦នេះបន្តលើកកម្ពស់កិច្ចសហប្រតិបត្តិការរវាងរដ្ឋសភាកម្ពុជា និងរដ្ឋសភាវៀតណាមបន្ថែមទៀតទាំងការផ្លាស់ប្តូរដំណើរទស្សនកិច្ចថ្នាក់ដឹកនាំគណៈកម្មការជំនាញក្នុងការតាក់តែង ច្បាប់ជាដើម ដើម្បីបម្រើផលប្រយោជន៍ប្រជាជន និងប្រទេសទាំងពីរ ។
ក្នុងឱកាសនោះដែរសម្តេច ហេង សំរិន ប្រធានរដ្ឋសភាបានវាយតម្លៃខ្ពស់ចំពោះដំណើរទស្សនកិច្ចរបស់គណៈប្រតិភូនាពេលនេះថា ពិតជាបានរួមចំណែកក្នុងការបន្តពូនជ្រុំនូវចំណងទំនាក់ទំនងមិត្តភាពសាមគ្គី ភាពជាប្រពៃណី និងកិច្ចសហប្រតិបត្តិការលើគ្រប់វិស័យ ជាពិសេសរវាងបក្សរដ្ឋាភិបាល និងប្រជាជននៃប្រទេសទាំងពីរកម្ពុជា-វៀតណាមកាន់តែរឹងមាំខ្លាំងក្លាទ្វេដងថែមទៀត ។
សម្តេចប្រធានបានគាំទ្រចំពោះកិច្ចសហប្រតិបត្តិការរវាងគណៈចលនាមហាជននៃប្រទេសទាំងពីរ និងបានលើកទឹកចិត្តជួយជំរុញ និងលើកកម្ពស់កិច្ចសហការនេះឲ្យកាន់តែសកម្ម និងខ្លាំងក្លាថែមទៀត តាមរយៈការផ្លាស់ប្តូរបទពិសោធន៍ពីគ្នាទៅវិញទៅមកឲ្យបានកាន់តែច្រើន ដើម្បីជាឧត្តមប្រយោជន៍របស់ប្រជាជននៃប្រទេសទាំងពីរ ។ សម្តេចប្រធានបានលើកឡើងថា សកម្មភាពចលនាមហាជនរបស់ប្រទេសកម្ពុជា និងវៀតណាមបានខិតខំ និងប្រឹងប្រែងយ៉ាងសកម្មក្នុងការដឹកនាំចលនាមហាជនឲ្យទទួលបានលទ្ធផលគួរជាទីមោទនៈនាពេលកន្លងមក ជាពិសេសកិច្ចសហប្រតិបត្តិការកាន់តែជិតស្និទ្ធរវាងចលនាមហាជននៃប្រទេសទាំងពីរ ។
នៅក្នុងជំនួបសវនាការនេះភាគីទាំងពីរសម្តេចប្រធានរដ្ឋសភា និងលោកស្រី ជុង ធីម៉ាយ បានវាយតម្លៃខ្ពស់ចំពោះចំណងមិត្តភាព និងកិច្ចសហប្រតិបត្តិការរវាងប្រទេសទាំងពីរ ។ ជាចំណងមិត្តភាព «អ្នកភូមិផងល្អ មិត្តភាពសាមគ្គីភាព ជាប្រពៃណី និងកិច្ចសហប្រតិបត្តិការ លើគ្រប់វិស័យ និងយូរអង្វែង» បានធ្វើឲ្យទំហំពាណិជ្ជកម្មប្រទេសកម្ពុជា និងវៀតណាម ជិត ឈានដល់គោលដៅហើយ ៕
ចែករំលែកព័តមាននេះ