ខេត្តព្រៃវែង ៖ ស្ត្រីវ័យចំណាស់ម្នាក់ ត្រូវបានកំលាំងអធិការដ្ឋាន នគរបាលក្រុងព្រៃវែង ចាប់ឃាត់ខ្លួន បន្ទាប់ពីសកម្មភាពកាត់ខ្សែករបស់កុមារីម្នាក់ ហើយត្រូវបានសមត្ថកិច្ចឆែកឆេររកឃើញវត្ថុតាងខ្សែកប្លាកទីន១ខ្សែទំងន់៣ជី និងកន្ត្រៃកាត់ខ្សែក១នៅក្នុងខ្លួនស្ត្រីរូបនោះ។
ការឃាត់ខ្លួននេះបានធ្វើឡើងកាលពីវេលាម៉ោង៧និង២៥នាទី យប់ថ្ងៃទី២៥ តុលា នៅខាងមុខស្នាក់ការកាកបាទក្រហមខេត្តព្រៃវែង។
ស្ត្រីដែលត្រូវបានចាប់ឃាត់ខ្លួនខាងលើនេះឈ្មោះ ពិន ណាយ អាយុ៤៧ឆ្នាំ មានទីលំនៅក្នុងភូមិស្រះចក សង្កាត់ស្រះចក ខណ្ឌដូនពេញ រាជធានីភ្នំពេញ។ កុមារីរងគ្រោះឈ្មោះ ស៊ាង អុី អាយុ៣ឆ្នាំ ។
បើតាមការបញ្ជាក់ពីលោកអធិការក្រុងព្រៃវែងបានអោយដឹងថា នៅយប់កើតហេតុនោះ មានការតាំង
ពិព័រណ៌ផលិតផលក្រុមហ៊ុនថៃ នៅតាមបណ្តោយមាត់ទន្លេ ដោយមានប្រជាពលរដ្ឋបាននាំគ្នាទៅដើរលេងយ៉ាងច្រើនកុះករ ហើយឆ្លៀតឱកាសនោះ ស្ត្រីជាជនសង្ស័យខាងលើ បានចូលទៅបន្លំកាត់យកខ្សែកប្លា
ទីន១ខ្សែពី.កកុមារីខាងលើបានសម្រេច ។
ភ្លាមៗនោះក៏ត្រូវស្ត្រីជាម្តាយកុមារីរងគ្រោះឈ្មោះសឿង ហ៊ាប អាយុ៤២ឆ្នាំ ដែលកំពុងពរកូនបានដឹងទាន់ ហើយក៏ស្រែកឆោឡោឡើងផ្អើលដល់សមត្ថកិច្ចដែលនៅជិតនោះ ចេញអន្តរាគមន៍ និងឃាត់ខ្លួនស្ត្រីជាជនសង្ស័យបានភ្លាមៗតែម្តង។
ក្រោយពីត្រូវឃាត់ខ្លួនបាន សមត្ថកិច្ចបានឆែកឆេររកឃើញនៅក្នុងខ្លួនស្ត្រីជាជនសង្ស័យ មាន លោហធាតុពណ៌លឿង ( ខ្សែករប្លាកទីន១ខ្សែទំងន់ប្រហែល ៣ជី ) កន្ត្រៃតូច១ សំរាប់ធ្វើសកម្មភាព ទូរស័ព្ទ ម៉ាកN 77 ១ គ្រឿង ការបូបស្ពាយ១ ( មានអាវរងារ ១ មួក ១ ) ហើយក៏នាំខ្លួនទៅកាន់អធិការដ្ឋាននគរបាលក្រុង ដើម្បីបំពេញឯកសារ ចាត់កាតទៅតាមនិតីវិធីតែម្តង៕
ចែករំលែកព័តមាននេះ