រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានស្នើទៅកាន់អ្នកវិភាគនយោ បាយត្រូវធ្វើយ៉ាងណា ឲ្យស្ថិតនៅកណ្តាល ចំពោះការវិភាគរឿងកិច្ចព្រមព្រៀងទីក្រុងប៉ារីស ២៣ តុលា ឆ្នាំ១៩៩១ និងបង្កើតចំណេះដល់អ្នកអាន ។
ទោះបីមិនបានបង្ហាញចំៗឈ្មោះយ៉ាងណាក្តី ប៉ុន្តែទំនងសម្តៅដល់លោក ឡៅ ម៉ុងហៃ អ្នកវិភាគនយោបាយនៅក្នុងពិធីសំណេះសំណាលជាពលរដ្ឋខ្មែរ និងនិស្សិតរស់នៅសហគមន៍ទ្វីបអឺរ៉ុប កាលពីថ្ងៃ២៣ តុលា សម្តេចតេជោហ៊ុន សែន បានលើកឡើងថា យ៉ាងដូច្នេះ «ខ្ញុំសូមយកឱកាសនេះរំលឹកបន្តិច ពាក់ព័ន្ធនឹងកិច្ចព្រមព្រៀងទីក្រុងប៉ារីស ។ ខ្ញុំចង់កែនូវបញ្ហាខ្លះដែ លបងប្អូនយើងមិនទាន់បានយល់មិនទាន់បានដឹង ហើយចង់កែតម្រូវទៅក្រុមមួយចំនួនដែលតាំងខ្លួនជាអធិរាជនូវនៃកិច្ចព្រមព្រៀងទីក្រុងប៉ារីស» ។
សម្តេចតេជោបញ្ជាក់ថា «ជួលកាលមនុស្សពុកម៉ាត់ស្រម៉ូម (លោកឡៅ ម៉ុង ហៃ) ហើយក្បាលទំពែក ហើយវិភាគកិច្ចព្រមព្រៀងប៉ារីសទៅឆ្កួតៗដែលនាំឲ្យមានការគិតខុស ។ ការធ្វើបែបនេះធ្វើឲ្យខុសស្រឡះ » ។ សម្តេចតេជោបន្តថា បើចង់ឲ្យវិភាគត្រូវនោះត្រូវឈរលើជាអ្នកវិ ភាគកណ្តាលមួយ ហើយចែករំលែកចំណេះដឹងរបស់ខ្លួន និងចែករំលែកនូវស្មារតីពិតនៃកិច្ចព្រមព្រៀងទីក្រុងប៉ារីសឲ្យគេបានដឹង ។ សម្តេចតេជោហ៊ុន សែន បានបញ្ជាក់កាលពីថ្ងៃទី២៣ ខែតុលា ក្នុងគម្រប់ខួប២៧ឆ្នាំ នៃកិច្ចព្រមព្រៀងសន្តិភាពទីក្រុងប៉ារីសថា រូបសម្តេចផ្ទាល់ គឺ ជាអ្នកជំរុញឲ្យមានកិច្ចព្រមព្រៀងនេះឡើង ។
សម្តេចអះអាងថា សម្តេចផ្ទាល់ គឺជាគន្លឹះសំខាន់ក្នុងការសម្រេចឲ្យបានចេញកិច្ចព្រម ព្រៀងនេះ ។ សម្តេចបន្តថា ប្រសិនបើសម្តេចមិនយល់ព្រមទេ ក៏កិច្ចព្រមព្រៀងនេះមិនអាចចេញ ទៅបានឡើយ ។ សម្តេចតេជោគូសបញ្ជាក់ថា «មានតែហ៊ុន សែន មួយគត់ ដែលមានសិទ្ធិនា ពេលនោះ បើហ៊ុន សែន មិនព្រមទេកិច្ចព្រមព្រៀងមិនអាចចេញបានទេ ។ អ៊ីចឹងសូមកុំឲ្យភាន់ច្រឡំ ពេលចរចាត្រូវតែមានកុងសង់សឹស អ្នកដើរតួសំខាន់នាពេលនោះ គឺរដ្ឋកម្ពុជា ។ អ្នកដែលសំខាន់នាពេលនោះ គឺហ៊ុន សែន ហើយអគ្គលេខាធិការ អ.ស.ប តេមកខ្ញុំ ខ្ញុំឆ្លើយប្រាប់ថាខ្ញុំព្រម» ៕
ចែករំលែកព័តមាននេះ