រាជធានីភ្នំពេញ ៖ សមត្ថកិច្ចខណ្ឌចំការមនសហការគ្នាជាមួយកម្លាំងព្រហ្មទណ្ឌកំរិតស្រាលបានធ្វើការឃាត់ខ្លួនជនសង្ស័យម្នាក់ជាមុខសញ្ញាលួចរថយន្តយ៉ាងសកម្មនៅក្នុងខណ្ឌចំការមនយកទៅសួរនាំកាលពីវេលាម៉ោង៩និង២០នាទីយប់ថ្ងៃទី១៨ ខែតុលា ឆ្នាំ២០១៨ តាមបណ្តោយផ្លូវ១៩កែងផ្លូវ១៨៤ នៅក្រោយព្រះបរមរាជវាំង ស្ថិតនៅក្នុងសង្កាត់ជ័យជំនះ ខណ្ឌដូនពេញ ។…
រាជធានីភ្នំពេញ ៖ សមត្ថកិច្ចខណ្ឌចំការមនសហការគ្នាជាមួយកម្លាំងព្រហ្មទណ្ឌកំរិតស្រាលបានធ្វើការឃាត់ខ្លួនជនសង្ស័យម្នាក់ជាមុខសញ្ញាលួចរថយន្តយ៉ាងសកម្មនៅក្នុងខណ្ឌចំការមនយកទៅសួរនាំកាលពីវេលាម៉ោង៩និង២០នាទីយប់ថ្ងៃទី១៨ ខែតុលា ឆ្នាំ២០១៨ តាមបណ្តោយផ្លូវ១៩កែងផ្លូវ១៨៤ នៅក្រោយព្រះបរមរាជវាំង ស្ថិតនៅក្នុងសង្កាត់ជ័យជំនះ ខណ្ឌដូនពេញ ។
តាមប្រភពព័ត៌មានពីសមត្ថកិច្ចបានអោយដឹងថា មុនពេលកើតហេតុ កម្លាំងនគរបាលខណ្ឌចំការមនសហ
ការគ្នាជាមួយកម្លាំងព្រហ្មទណ្ឌកំរិតស្រាលបានធ្វើការស្រាវជ្រាវតាមរកជនសង្ស័យដែលជាមុខសញ្ញាលួចរថយន្តអស់៣ទៅ៤គ្រឿងជាប់គ្នា កាលពីប៉ុន្មានថ្ងៃមុននៅសង្កាត់បឹងកេងកង៣ និងទួលទំពូង២ ទើបកម្លាំងសមត្ថកិច្ចបានធ្វើការឃាត់ខ្លួនជនសង្ស័យម្នាក់មិនស្គាល់អត្តសញ្ញាណនៅចំណុចក្រោយព្រះបរមរាជវាំងផ្លូវ១៨៤កែងផ្លូវ១៩ ខណៈជនសង្ស័យកំពុងតែអង្គុយផឹកស៊ីជាមួយមិត្តភក្តិ ។
ជនសង្ស័យត្រូវបាននាំទៅធ្វើការសាកសួរនៅអធិការដ្ឋាននគរបាលខណ្ឌចំការមន ក្រោយពេលទៅដល់ខណ្ឌរួច ពេលសមត្ថកិច្ចសួរនាំ គឺជនសង្ស័យខាងលើនេះមិនមានជាប់ពាក់ព័ន្ធនឹងបទល្មើសលួចរថយន្តខាងលើនេះទេ ប៉ុន្តែសមត្ថកិច្ចបានធ្វើតេស្តទឹកនោមឃើញថាមានសារធាតុញៀនបានឃាត់ខ្លួនតែម្តង ។
ក្រោយពេលកើតហេតុ សមត្ថកិច្ចកសាងសំណុំជនសង្ស័យខាងលើដែលជាប់ពាក់ព័ន្ធរឿងប្រើប្រាស់ថ្នាំញៀនបញ្ជូនទៅអធិការដ្ឋានខណ្ឌចំការមនចាត់ការតាមច្បាប់៕
ចែករំលែកព័តមាននេះ