សាខាកាំកុងត្រូល ៖ អាជីវករមានការយល់ដឹងកាន់តែច្រើនពីសុវត្ថិភាពចំណីអាហារ
- តាកែវ
ខេត្តតាកែវ៖ កាលពីថ្ងៃទី៣ តុលា ឆ្នាំ២០១៨ នៅក្នុងផ្សារសំរោងយ៉ោង ស្រុកបាទី សាខាកាំកុងត្រូលខេត្តតាកែវ ដឹកនាំដោយលោកប៉ោ លាងគង់ ប្រធានសាខា…
ខេត្តតាកែវ៖ កាលពីថ្ងៃទី៣ តុលា ឆ្នាំ២០១៨ នៅក្នុងផ្សារសំរោងយ៉ោង ស្រុកបាទី សាខាកាំកុងត្រូលខេត្តតាកែវ ដឹកនាំដោយលោកប៉ោ លាងគង់ ប្រធានសាខា…
ខេត្តតាកែវ៖ កាលពីថ្ងៃទី៣ តុលា ឆ្នាំ២០១៨ នៅក្នុងផ្សារសំរោងយ៉ោង ស្រុកបាទី សាខាកាំកុងត្រូលខេត្តតាកែវ ដឹកនាំដោយលោកប៉ោ លាងគង់ ប្រធានសាខា បានសហការជាមួយមន្ទីរពាណិជ្ជកម្មនឹងអាជ្ញាធរដែនដីបានចុះផ្សព្វផ្សាយអំពីគុណភាពសុវត្តិភាពម្ហូបអាហារ ។
លោកប៉ោ លាងគង់ ប្រធានសាខាកាំកុងត្រូលខេត្តបានអោយដឹងថា យើងចុះត្រួតពិនិត្យនៅពេលនេះ គឺពិនិត្យទៅលើម្ហូបអាហាវេចខ្ចប់ស្រាប់ មានស្លាដក និងធ្វើតេស្តបឋមទៅលើគ្រឿងសមុទ្រស្រស់ៗ មានបង្គារមឹក ជ្រក់ត្រពាំង សសៃគុយទាវ សណ្តែកបណ្តុះ ខ្ញីហាន់ស្រាប់ ត្រីងៀត ត្រីប្រាប្រឡាក់ បង្អែមលត ដើម្បីរកសារធាតុគីមីដែលហាមឃាត់នៅលើផលិតផលម្ហូបអាហារ ។
លោកប្រធានសាខាកាំកុងត្រូលខេត្តបានបន្តទៀតថា បន្ទាប់ពីជំនាញយើងបានចុះផ្សព្វផ្សាយទៅដល់ក្រុមអាជីវករលក់ដូនៅតាមផ្សារនានាជាញឹកញាប់រួចមក ក្រុមអាជីវករកាន់តែមានការយល់ដឹងច្រើន ពីសុវត្ថិ
ភាពចំណីអាហារ ពោលគឺពួកគាត់ដាក់លក់ទំនិញ និងចំណីអាហារដែលមានគុណភាពល្អ ពិសេសគឺមិនដាក់សារធាតុគីមី ដែលនាំឲ្យប៉ះពាល់សុខភាពដល់អ្នកប្រើប្រាស់នោះឡើយ ។
ចំពោះចំណីអាហារដែលដាក់តាំងលក់នៅក្នុងផ្សារសំរោងយ៉ោង នាព្រឹកថ្ងៃពុធនេះ រកមិនឃើញនូវសារធាតុគីមីនៅលើចំណីអាហារឡើយ ដោយសារក្រុមអាជីវករមានការយល់ដឹងកាន់តែច្រើន និងកាន់តែទូលំទូលាយពីសំណាក់បងប្អូនអាជីវករក្នុងការលក់ដូរចំណីអាហារដែលល្អស្អាត មិនមានសារធាតុគីមីនេះ គឺជាការចូលរួមចំណែកយ៉ាងសំខាន់ក្នុងការលើកកម្ពស់សុខុមាលភាពសាធារណៈ ពិសេសសុខភាពរបស់ប្រជាពលរដ្ឋ ដែលជាអ្នកទិញទំនិញ និងចំណីអាហារទាំងនោះមកទទួលទានអាហារ មិនប៉ះពាល់ដល់សុខភាពរបស់ពួកគាត់ ។
លោកប្រធានសាខាបានបញ្ជាក់ថា ប្រភេទំនិញដែលមន្ត្រីជំនាញបានពិនិត្យរកឃើញថា មានសារធាតុគីមីហាមឃាត់នោះ គឺភាគច្រើនទៅលើសរសៃគុយទាវ បាញ់កាញ់ ប្រហុកសាច់ត្រីផ្ទក់ បង្អែមលតជាដើម ក៏ប៉ុន្តែចំណីអាហារទាំងនេះ គឺពុំមានសារធាតុគីមីតទៅទៀតឡើយ ដោយសារតែអាជីវករ មានការយល់ដឹងច្រើន និងនាំគ្នាឈប់ផលិតចំណីអាហារដែលដាក់សារធាតុគីមីលក់នៅលើទីផ្សារ ។
ដោយមានការយល់ដឹងកាន់តែច្រើនអំពីសុវត្ថិភាពចំណីអាហារ ពីសំណាក់ក្រុមអាជីវករយ៉ាងណាក៏ដោយ ក៏មន្ត្រីជំនាញកាំកុងត្រូលនៅតែបន្តចុះត្រួតពិនិត្យទំនិញ និងចំណីអាហារនៅតាមទីផ្សារនានាក្នុងខេត្តតាកែវនេះដដែល គឺចុះពិនិត្យឲ្យដូចភ្លៀងរលឹម ដើម្បីធានាបាននូវទីផ្សារមួយដែលមានតែទំនិញល្អ អនាម័យត្រឹមត្រូវ និងមិនមានសារធាតុគីមីដាក់លើចំណីអាហារ ដែលធ្វើអោយប៉ះពាល់ដល់សុខភាពរបស់ប្រជាពលរដ្ឋដែលទឹញយកទៅទទួលទានឡើយ ៕
ចែករំលែកព័តមាននេះ