ខេត្តតាកែវ ៖ ជនសង្ស័យជួញដូគ្រឿងញៀនចំនួន២នាក់ត្រូវបានលោកជីវ ចាន់តារា ព្រះរាជអាជ្ញាអមសាលាដំបូងខេត្តដឹកនាំកំលាំងប៉ូលិសចុះបង្ក្រាបកាលពីវេលាម៉ោង១និង៣៥នាទីថ្ងៃទី ២៦ កញ្ញា ២០១៨ ក្នុងភូមិយាយឡ ឃុំត្រាំកក់…
ខេត្តតាកែវ ៖ ជនសង្ស័យជួញដូគ្រឿងញៀនចំនួន២នាក់ត្រូវបានលោកជីវ ចាន់តារា ព្រះរាជអាជ្ញាអមសាលាដំបូងខេត្តដឹកនាំកំលាំងប៉ូលិសចុះបង្ក្រាបកាលពីវេលាម៉ោង១និង៣៥នាទីថ្ងៃទី ២៦ កញ្ញា ២០១៨ ក្នុងភូមិយាយឡ ឃុំត្រាំកក់ ស្រុកត្រាំកក់ ខេត្តតាកែវ ។
ជនសង្ស័យទាំង២នាក់ខាងលើម្នាក់ឈ្មោះឈឹម ស្រីណាក់ ភេទស្រី អាយុ៤២ឆ្នាំ រស់នៅភូមិយាយឡ ឃុំ ត្រាំកក់ (ជាមុខសញ្ញាជួញដូរសារធាតុញៀនសកម្ម) និងម្នាក់ទៀតឈ្មោះខន មករា ភេទប្រុស អាយុ១៨ឆ្នាំ រស់នៅភូមិត្រពាំងចក ឃុំត្រាំកក់ ស្រុកត្រាំកក់ (ជាមុខសញ្ញាជួញដូរសារធាតុញៀនយ៉ាងសកម្ម ) ។
លោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់បានអោយដឹងថា ដោយមានការចង្អុលបង្ហាញពីលោកឧត្តមសេនីយ៍ទោសុខ សំណាង ស្នងការនគរបាលខេត្តតាកែវ និងមានសំរបសំរួលដោយ លោកជីវ ចាន់តារា ព្រះរាជអាជ្ញាអមសាលាដំបូងខេត្ត សមត្ថកិច្ចបានចុះបង្ក្រាបករណីជួញដូរសារធាតុញៀន១ករណី នៅចំណុចតូបលក់ចាប់ហួយរបស់ឈ្មោះឈឹម ស្រីណាក់ ។
សមត្ថកិច្ចបានដកហូតយកវត្ថុតាងរួមមាន ថ្នាំញៀនប្រភេទម្សៅក្រាមពណ៌សថ្លា ចំនួន១កញ្ចប់តូច កំទេចថ្នាំញៀនជាប់នៅក្នុងថង់ ដែលជនសង្ស័យធ្វើសកម្មភាពយកកន្ត្រៃកាត់ចាក់ថ្នាំញៀនចូលក្នុងពាងទឹក ដែកកេះ១០ និងឧបករណ៍សំរាប់វេចខ្ចប់ថ្នាំញៀន១ចំនួនផងដែរ។
នៅចំពោះមុខប៉ូលិស ជនសង្ស័យបានសារភាពថា ពួកគេពិតជាបានរកស៊ីជួញដូរគ្រឿងញៀនពិតប្រាកដមែន ។ បច្ចុប្បន្ន ជនសង្ស័យរួមជាមួយវត្ថុតាងត្រូវបានការិយាល័យប្រឆាំងការជួញដូរគ្រឿងញៀនខេត្តកំពុងតែកសាងសំណុំរឿងដើម្បីបញ្ជូនទៅសាលាដំបូងខេត្តចាត់ការតាមច្បាប់ ៕
ចែករំលែកព័តមាននេះ