ខេត្តបាត់ដំបង ៖ សមត្ថកិច្ចបានឱ្យដឹងថា ក្រោយពីផ្ទុះជម្លោះក្នុងគ្រួសារបានមួយថ្ងៃ បុរសម្នាក់ត្រូវគេប្រទះឃើញស្លាប់ដោយចង.ក នៅលើដើមឈើមួយកន្លែង កាលពីវេលាម៉ោង១១ថ្ងៃត្រង់ថ្ងៃទី១១ កញ្ញា នៅក្នុងភូមិបឹងអំពិល ឃុំស្ដៅ…
ខេត្តបាត់ដំបង ៖ សមត្ថកិច្ចបានឱ្យដឹងថា ក្រោយពីផ្ទុះជម្លោះក្នុងគ្រួសារបានមួយថ្ងៃ បុរសម្នាក់ត្រូវគេប្រទះឃើញស្លាប់ដោយចង.ក នៅលើដើមឈើមួយកន្លែង កាលពីវេលាម៉ោង១១ថ្ងៃត្រង់ថ្ងៃទី១១ កញ្ញា នៅក្នុងភូមិបឹងអំពិល ឃុំស្ដៅ ស្រុករតន:មណ្ឌល។
ជនរងគ្រោះមានឈ្មោះ ហាក់ ចាន់ឌី អាយុ៥៦ឆ្នាំ រស់នៅភូមិបឹងអំពិល ឃុំស្តៅ ស្រុករតន:មណ្ឌល ។ សមត្ថកិច្ចបានឱ្យដឹងទៀតថា ជនរងគ្រោះបានយកក្រម៉ាចង.កទៅនឹងដើមឈើខាងក្រោយភូមិ ហើយត្រូវគេប្រទះឃើញសាកសពរបស់គាត់ បន្ទាប់ពីបាត់គាត់ពីផ្ទះ១ថ្ងៃ១យប់ ដែលក្រុមគ្រួសារនិយាយថា បាត់ខ្លួនក្រោយមានជម្លោះក្នុងគ្រួសារ ។
បើតាមក្រុមគ្រួសារដែលបាននិយាយប្រាប់សមត្ថកិច្ចថា នៅថ្ងៃទី១០ កញ្ញា មុនពេលបុរសនេះ ធ្វើអត្តឃាតមួយថ្ងៃ គាត់មានជម្លោះជាមួយក្រុមគ្រសារ តែគេមិនដឹងថា ជម្លោះនោះធ្ងន់ធ្ងរប៉ុនណាទេ ហើយក៏បាត់គាត់ពីផ្ទះរហូតមក ។
ប្រភពដដែលបញ្ជាក់ថា ក្រោយពីមានទំនាស់គ្មានមិនដឹងថា គាត់ទៅណាទេ លុះនៅវេលាម៉ោង១១ថ្ងៃត្រង់ថ្ងៃទី១១ កញ្ញា ស្រាប់តែមានគេប្រទះឃើញគាត់ចង.កសម្លាប់ខ្លួនបាត់ទៅហើយ ។ សមត្ថកិច្ចបានចុះទៅពិនិត្យកន្លែងកើតហេតុ និងសាកសពជនរងគ្រោះភ្លាមៗដែរ ក្រោយទទូលបានព័ត៌មាននេះ ។ បើយោងតាមការបំភ្លឺនានាពីក្រុមគ្រួសារ និងការពិនិត្យ ជនរងគ្រោះពិតជាបានធ្វើអត្តឃាតមែន ។
ចែករំលែកព័តមាននេះ