ខេត្តកំពង់ស្ពឺ ៖ បុរសម្នាក់កំពុងដេកក្នុងអង្រឹងលើផ្ទះ ក៏ត្រូវជនសង្ស័យម្នាក់ចោទថា ធ្មប់ បានលីកាំបិតកាប់ប៉ុនប៉ងផ្តាច់ជីវិត តែជនរងគ្រោះដឹងខ្លួនទាន់លើកជើងរង បណ្តាលឲ្យមុតជើងខាងស្តាំ រងរបួសធ្ងន់ ។…
ខេត្តកំពង់ស្ពឺ ៖ បុរសម្នាក់កំពុងដេកក្នុងអង្រឹងលើផ្ទះ ក៏ត្រូវជនសង្ស័យម្នាក់ចោទថា ធ្មប់ បានលីកាំបិតកាប់ប៉ុនប៉ងផ្តាច់ជីវិត តែជនរងគ្រោះដឹងខ្លួនទាន់លើកជើងរង បណ្តាលឲ្យមុតជើងខាងស្តាំ រងរបួសធ្ងន់ ។ ហេតុការណ៍នេះបានកើតឡើងកាលពីម៉ោង១០និង៣០នាទីព្រឹកថ្ងៃទី៩ ខែកញ្ញា ឆ្នាំ២០១៨ ស្ថិតក្នុងភូមិអង្គរមាស ឃុំជង្រុក ស្រុកគងពិសី។
ជនរងគ្រោះឈ្មោះសេន តារា ភេទប្រុស អាយុ៥៥ឆ្នាំ ជាមន្ត្រីនគរបាលទើបចូលនិវត្តន៍ រស់នៅភូមិកើតហេតុ។ចំណែកជនដៃដល់ឈ្មោះសែម ណុប ភេទប្រុស អាយុ២៧ឆ្នាំ រស់នៅភូមិជាមួយជនរងគ្រោះ។
ប្រភពព័ត៌មានពីសមត្ថកិច្ចមូលដ្ឋាន បានឲ្យដឹងថា នៅមុនពេលកើតហេតុ ជនរងគ្រោះជាមន្ត្រីនគរបាលទើបចូលនិវត្តន៍ប្រហែល៥ខែ កំពុងសម្រាកក្នុងអង្រឹងលើផ្ទះតែម្នាក់ឯង ស្រាប់តែជនសង្ស័យកាន់កាំបិតក្នុងដៃស្ទុះឡើងលើផ្ទះជនរងគ្រោះ រួចកាប់ប្រហារលើជនរងគ្រោះប៉ុនប៉ងផ្តាច់ជីវិត តែសំណាងល្អជនរងគ្រោះដឹងខ្លួនទាន់ បានលើកជើងម្ខាងរងកាំបិត បណ្តាលឲ្យមុតជើងស្តាំ១កាំបិត រួចជនរងគ្រោះស្រែកឲ្យគេជួយ។
ក្រោយកើតហេតុ សមត្ថកិច្ចបានចុះឃាត់ខ្លួនជនសង្ស័យនាំទៅមកសួរចម្លើយ ហើយជនសង្ស័យបានឆ្លើយថា ជនរងគ្រោះចេះអំពើធ្មប់។
បច្ចុប្បន្នជនសង្ស័យ ត្រូវសមត្ថកិច្ចកសាងសំណុំរឿងចាត់ការតាមច្បាប់៕
ចែករំលែកព័តមាននេះ