ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា តូបលក់ដូរមួយកន្លែងធ្វើពីឈើប្រក់ស័ង្កសី ត្រូវបានភ្លើងឆាបឆេះអស់ទាំងស្រុង កាលពីវេលាម៉ោងជិត៥ល្ងាចថ្ងៃទី០៤ កញ្ញា ស្ថិតនៅភូមិបឹងរាំង ឃុំសាមគ្គី ស្រុកព្រៃនប់…
ខេត្តព្រះសីហនុ ៖ សេចក្តីរាយការណ៍បឋមឱ្យដឹងថា តូបលក់ដូរមួយកន្លែងធ្វើពីឈើប្រក់ស័ង្កសី ត្រូវបានភ្លើងឆាបឆេះអស់ទាំងស្រុង កាលពីវេលាម៉ោងជិត៥ល្ងាចថ្ងៃទី០៤ កញ្ញា ស្ថិតនៅភូមិបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ ។
សេចក្តីរាយការណ៍បន្តថា ម្ចាស់ផ្ទះខាងលើត្រូវបានស្គាល់ប្តីឈ្មោះជា ផា អាយុ៣៩ឆ្នាំ និងប្រពន្ធឈ្មោះសៀង វាសនា អាយុ៣៩ឆ្នាំ ។
ប្រភពបន្តថា ករណីនេះត្រូវសមត្ថកិច្ចសង្ស័យថា អាចបណ្តាលមកពីកូនម្ចាស់ផ្ទះចាក់សាំងចូលដប រួចប៉ះនឹងកង្ហាល់នៅក្បែរនោះ ទើបធ្វើឱ្យឆ្លងចរន្តឆាបឆេះតែម្តង ។
ជាមួយនិងការឆាបឆេះនោះ ពលរដ្ឋនៅក្នុងភូមិបាននាំគ្នាជួយពន្លត់ដោយដងទឹកជះ តែមិនអាចជួយបានឡើយ ព្រោះភ្លើងឆេះកាន់តែខ្លាំង ជាមួយនិងប្រេងសាំងមានជាច្រើនលីត្រក្នុងផ្ទះកើតហេតុ ។
ប្រភពបន្តថា ក្រោយកើតហេតុ គេឃើញមានរថយន្តពន្លត់អគ្គិភ័យរបស់នគរបាលស្រុកចុះមកអន្តរាគមន៍ដែរ តែអ្វីៗបានឆេះអស់បាត់ទៅហើយ ។
ចែករំលែកព័តមាននេះ