ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់ជាតៃកុងរថយន្ត BMW បានស្លាប់បាត់បង់ជីវិតដោយសារតែកាំបិតរបស់ខ្លួន ពេលឈ្លោះគ្នាជាមួយនឹងអ្នកជិះកង់។ រឿងហេតុនេះកើតឡើងនៅលើផ្លូវមួយក្នុងក្រុង…
ចិន ៖ តាមប្រភពព័ត៌មាន Shanghaiist បានឲ្យដឹងថា បុរសម្នាក់ជាតៃកុងរថយន្ត BMW បានស្លាប់បាត់បង់ជីវិតដោយសារតែកាំបិតរបស់ខ្លួន ពេលឈ្លោះគ្នាជាមួយនឹងអ្នកជិះកង់។
រឿងហេតុនេះកើតឡើងនៅលើផ្លូវមួយក្នុងក្រុង Kunshan ខេត្ត Jiangsu នៅថ្ងៃចន្ទសប្តាហ៍មុន វេលាម៉ោង៩និង៣៧យប់ ដែលធ្វើឲ្យបុរសម្នាក់រងរបួស (បុរសជិះកង់) និងម្នាក់ទៀតស្លាប់ (បុរស BMW)។
មួលហេតុនៃជម្លោះ គឺកើតឡើងមកពីរថយន្ត BMW បើកចូលផ្លូវកង់ ហើយស៊ីផ្លេឲ្យកង់គេច តែកង់មិនខ្ចីគេច។ ពេលនោះប្រុសស្រីពីរនាក់បានចេញពីកៅអីខាងក្រោយរបស់រថយន្ត BMW ទៅជួយបុរសម្ចាស់កង់អាយុ៤១ឆ្នាំ ត្រកូល Yu លើកកង់ទៅខាងផ្លូវអ្នកថ្មើរជើង។ ក្រោយពីដោះស្រាយរួចហើយ ពួកគេក៏ដើរចូលរថយន្តវិញ។
ភ្លាមនោះបុរសចិត្តខ្លាំង ដែលជាតៃកុងរថយន្ត BMW ត្រកូល Liu អាយុ៣៦ឆ្នាំ ស្ទុះចេញពីរថយន្តទៅវាយជាមួយនឹងបុរសជិះកង់។ ពេលដើរទៅវាយរួច គេក៏ដើរមករថយន្តវិញ ដើម្បីយកកាំបិតទៅកាប់។
ជាអកុសល ក្រោយពីកាប់បុរសជិះកង់បានពីរបីកាំបិត បុរសបើក BMW ក៏បានធ្លាក់កាំបិតទៅនឹងដី ដែលធ្វើឲ្យម្ខាងទៀតអាចយកវាបាន ហើយកាប់មកលើរូបលោកវិញ។ បុរសជិះកង់បានចាក់យ៉ាងហោចបួនកាំបិតទៅលើបុរសបើក BMW បណ្តាលឲ្យស្លាប់ពេលដល់មន្ទីរពេទ្យ។
មហាជនភាគច្រើនថា នេះមកពីកំហុសរបស់បុរសបើក BMW ព្រោះគេជាអ្នកទៅរករឿងមុន។ អ្នកខ្លះទៀតថា បុរសជិះកង់មានបំណងចាក់ជាច្រើនកាំបិតទៅលើខាង BMW។ តែអ្នកខ្លះថា នេះគ្រាន់តែជាការការពារខ្លួន។ ខាងប៉ូលិសបានចាប់ខ្លួនលោក Yu ដើម្បីធ្វើការស្រាវជ្រាវបន្ត មុននឹងធ្វើការសម្រេចទោសដោយតុលាការ៕
https://www.youtube.com/watch?v=Cn9_KCPfQPs&has_verified=1
ចែករំលែកព័តមាននេះ