រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាសម្តេចតេជោ ហ៊ុនសែន បានអះអាងថា គ្មានជំនួបណាមួយនៅក្រៅប្រទេសជាមួយលោកសម រង្ស៊ី សម្រាប់ដំណើរទស្សនកិច្ចនៅក្រៅប្រ ទេសឡើយ ។…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជាសម្តេចតេជោ ហ៊ុនសែន បានអះអាងថា គ្មានជំនួបណាមួយនៅក្រៅប្រទេសជាមួយលោកសម រង្ស៊ី សម្រាប់ដំណើរទស្សនកិច្ចនៅក្រៅប្រ ទេសឡើយ ។
ការអះអាងរបស់នាយករដ្ឋមន្ត្រីកម្ពុជានេះ បន្ទាប់ពីអ្នកវិភាគមួយចង់ឲ្យមានជំនួបសម្តេច តេជោ ហ៊ុន សែន ជាមួយលោក សម រង្ស៊ី អតីតមេបក្សប្រឆាំងដែលកំពុងនិរទេសខ្លួននៅក្រៅប្រទេសសម្រាប់ដំណើរទស្សនកិច្ចផ្លូវការរបស់សម្តេចនៅពេលខាងមុខនេះ ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាត្រូវបានសារព័ត៌មានក្នុងស្រុកមួយ ស្រង់សម្តីផ្សាយនៅថ្ងៃទី០៣ ខែកញ្ញានេះបានប្រតិកម្មយ៉ាងខ្លាំងក្លា និងធ្ងន់ៗចំពោះអ្នកវិភាគមាសនី ដែលចង់ឃើញមានការចរចាគ្នារវាងសម្តេចតេជោជាមួយទណ្ឌិត សម រង្ស៊ី និងបណ្តាប្រទេសនៅសហគមន៍អឺរ៉ុប ដើម្បីបញ្ចប់បញ្ហានយោបាយនៅកម្ពុជា ។
សម្តេចតេជោហ៊ុន សែន បានបញ្ជាក់យ៉ាងច្បាស់ៗយ៉ាងដូច្នេះថា «គ្មានការចរចាណា មួយរវាងសម្តេច និងទណ្ឌិតសម រង្ស៊ី នោះឡើយ ហើយកម្ពុជាក៏គ្មានវិបត្តិនយោបាយដូចការវិភាគរបស់លោកមាសនីនោះឡើយ» ។
សម្តេចតេជោក៏បានបញ្ជាក់ជាមួយសម្តីដាច់ខាត់ និងធ្ងន់ៗទៀតថា«គ្មានការចរចាណាមួយរវាងខ្ញុំជាមួយនឹងទណ្ឌិត សម រង្ស៊ី នោះឡើយក្នុងដំណើរទស្សនកិច្ចរបស់ខ្ញុំទៅក្រៅប្រទេសទាំងអាមេរិក និងនៅអឺរ៉ុប ។ ខ្ញុំសូមប្រាប់ថា កម្ពុជាគ្មានវិបត្តិនយោបាយដូចការវិភាគឆ្កួតលេលាដូចមាសនីនោះឡើយ មានតែអ្នកនយោបាយអនុវត្តន៍ទោសតាមច្បាប់របស់កម្ពុជាតែប៉ុណ្ណោះ» ។ជាមួយគ្នានោះដែរ សម្តេចនាយករដ្ឋមន្ត្រីក៏បានផ្តាំទៅលោក មាស នី ឲ្យឈប់ធ្វើការវិភាគទៅទៀត បើមិនយល់ពីបញ្ហានយោបាយទេនោះ ។ សម្តេចថា៖ «មាស នី បើឆ្កួត ឆ្កួតតែឯងទៅ កុំមកនាំគេឆ្កួតជាមួយ ។ បើមាសនី ឯងល្ងង់មិនយល់ផ្នែកនយោបាយទេកុំមកធ្វើជាអ្នកវិភាគបន្តទៅទៀត» ។
ទាក់ទិននឹងចង់ឲ្យមានការចរចារវាងសម្តេចតេជោ ហ៊ុន សែន ជាមួយលោក សម រង្ស៊ីនេះត្រូវបានអ្នកនាំពាក្យគណបក្សប្រជាជនកម្ពុជាលោក សុខ ឥសាន បានឲ្យដឹងថា នៅថ្ងៃដដែលថានិន្នាការចង់ឲ្យមានជំនួបរវាងសម្តេចតេជោ ហ៊ុន សែន និងមេឧទ្ទាមក្រៅច្បាប់នៅពេលសម្តេចតេជោ ហ៊ុន សែន ដឹកនាំគណៈប្រតិភូជាន់ខ្ពស់រាជរដ្ឋាភិបាលកម្ពុជាទៅចូលរួមប្រជុំមហាសន្និបាត អង្កការសហប្រជាជាតិ (អ.ស.ប) នាចុងខែកញ្ញា ១៨ នេះ នឹងមិនអាចកើតមានឡើង ឡើយ ។
លោកសុខ ឥសាន បានឲ្យដឹងថា គណប្រតិភូជាន់ខ្ពស់នៃរាជរដ្ឋាភិបាលកម្ពុជាដឹកនាំដោយ សម្តេចតេជោ ហ៊ុន សែន មានបេសកកម្មច្បាស់លាស់ក្នុងការចូលរួមជាផ្លូវការនៅក្នុងមហាសន្និបាត អ.ស.ប ដែលជាតំណាងស្របច្បាប់នៃប្រជាជាតិកម្ពុជា ។ ក្រៅពីនេះអាចនឹងមានកម្មវិធីជួបសំណេះសំណាលសួរសុខទុក្ខបងប្អូនខ្មែរនៅក្រៅប្រទេស តាមទម្លាប់នៃបេសកកម្មរបស់ថ្នាក់ដឹកនាំកម្ពុជាកន្លងទៅដែរ ។
អ្នកនាំពាក្យបក្សកាន់អំណាចបញ្ជាក់ថា«មេឧទ្ទាមក្រៅច្បាប់ គ្មានឋានៈនាទីអ្វីត្រូវអនុញ្ញាត្តឲ្យបានជួបជាមួយគណៈប្រតិភូកម្ពុជាឡើយ ហើយក៏គ្មានភាពចាំបាច់ណាត្រូវពិភាក្សា របស់ដែលហៅថា ដំណោះស្រាយនយោបាយដែរ ពីព្រោះនៅកម្ពុជាគ្មានវិបត្តិនយោបាយនោះ ទេ » ។ លោកបន្ថែមថា បញ្ហាសំខាន់មានតែពួកក្រុមជនល្មើសច្បាប់ត្រូវតែចូលគុកតាមទោសកំហុសរបស់ខ្លួនប៉ុណ្ណោះ ។ ដូច្នេះស្នើអ្នកនយោបាយស្ទើរភ្លើង និងអ្នកវិភាគលំអៀងគួរឈប់ស្រមើស្រម៉ៃចង់កៀរគរឆ្ពោះទៅរកការជួបប្រជុំ ដើម្បីរបស់ដែលហៅថា ដំណោះស្រាយនយោបាយនោះតទៅទៀត ទៅមិនមានលទ្ធភាពជាដាច់ខាត ។ និន្នាកាចង់ឲ្យមានការជួបចរចារកដំណោះ ស្រាយនយោបាយវាគ្រាន់តែជាការស្រមើស្រម៉ៃមិនអាចក្លាយទៅជាការពិតឡើយ ។
សូមជម្រាបថា ការប្រតិកម្មរបស់សម្តេចតេជោ ហ៊ុន សែន បានធ្វើឡើងបន្ទាប់ពីលោក មាស នី តាមរយៈបទសម្ភាសន៍ជាមួយសារព័ត៌មានក្នុងស្រុកមួយបានបង្ហាញការចង់ឃើញចរចារវាងសម្តេចតេជោ ហ៊ុន សែន និងទណ្ឌិតសម រង្ស៊ី ដើម្បីឈានទៅដោះ ស្រាយបញ្ហានៅក្នុងប្រទេសកម្ពុជាក្នុងពេលសម្តេចធ្វើដំណើរទៅកាន់សហរដ្ឋអាមេរិក និងអឺរ៉ុប នាអំឡុងខែនេះ ឬខែក្រោយនោះ ។
គួររឮកថា តាមរយៈការទូលថ្វាយសុំព្រះរាជទានលើកលែងទោសបានធ្វើឡើងបន្ទាប់ពីអ្នកទោសទាំងនោះបានទទួលស្គាល់ទោសកំហុសរបស់ខ្លួន និងបានសុំការយោគយល់អធ្យាស្រ័យពីសម្តេចតេជោ ហ៊ុន សែន ។
សម្តេចក៏បានអះអាងថាសម្តេចនឹងថ្លែងក្នុងកិច្ចប្រជុំរបស់អង្កការសហប្រជាជាតិផងដែរ ដើម្បីបង្ហាញពីភាពស្របច្បាប់របស់កម្ពុជា ក្រោយការបោះឆ្នោត កាលពីថ្ងៃទី២៩ ខែកក្កដា ឆ្នាំ២០ ១៨កន្លងមកនេះ ។
ជាងនេះសម្តេចតេជោបានអះអាងថា នឹងគ្មានរបៀបវារចរចារឿងនយោបាយណាមួ យជាមួយក្រុមក្បត់ជាតិក្នុងអំឡុងទៅកាន់ក្រៅប្រទេសនោះឡើយ ៕
ចែករំលែកព័តមាននេះ