រាជធានីភ្នំពេញ ៖ យុវជនម្នាក់ចូលលេងក្លឹបជាមួយមិត្តភក្តិលុះចេញពីក្លឹបវិញយប់ជ្រៅពេកមិនហ៊ានទៅផ្ទះក៏បានឈប់ម៉ូតូនៅតាមផ្លូវចាំដល់ម៉ោងធ្វើការ ក៏ត្រូវក្រុមចោរប្លន់ប្រដាប់អាវុធភ្ជង់គំរាមយកម៉ូតូបានសម្រេច បង្កឲ្យមានការភ្ញាក់ផ្អើល កាលពីវេលាម៉ោង២និង៣០រំលងអធ្រាត្រឈានចូលថ្ងៃទី៣០ ខែសីហា ឆ្នាំ២០១៨ នៅតាមបណ្ដោយផ្លូវវេងស្រេង ដែលស្ថិតភូមិត្រពាំងថ្លឹង…
រាជធានីភ្នំពេញ ៖ យុវជនម្នាក់ចូលលេងក្លឹបជាមួយមិត្តភក្តិលុះចេញពីក្លឹបវិញយប់ជ្រៅពេកមិនហ៊ានទៅផ្ទះក៏បានឈប់ម៉ូតូនៅតាមផ្លូវចាំដល់ម៉ោងធ្វើការ ក៏ត្រូវក្រុមចោរប្លន់ប្រដាប់អាវុធភ្ជង់គំរាមយកម៉ូតូបានសម្រេច បង្កឲ្យមានការភ្ញាក់ផ្អើល កាលពីវេលាម៉ោង២និង៣០រំលងអធ្រាត្រឈានចូលថ្ងៃទី៣០ ខែសីហា ឆ្នាំ២០១៨ នៅតាមបណ្ដោយផ្លូវវេងស្រេង ដែលស្ថិតភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។
ជនរងគ្រោះឈ្មោះ ស៊ុន សុផាន់ណា ភេទប្រុស អាយុ២០ឆ្នាំ មុខរបរជាងបាញ់ថ្នាំ ស្នាក់នៅម្តុំរង្វង់មូលគួរស្រូវ ខណ្ឌដង្កោ មានស្រុកកំណើតនៅភូមិតារាជ ឃុំកក់ ស្រុកបសេដ្ឋ ខេត្តកំពង់ស្ពឺ ។ ម៉ូតូដែលជនសង្ស័យប្លន់ម៉ាកហុងដាឌ្រីមស៊េរី២០១៧ ពណ៌ខ្មៅ ពាក់ស្លាកភ្នំពេញ 1CG-3407 ។
តាមប្រភពព័ត៌មានពីជនរងគ្រោះបាននិយាយថា នៅមុនពេលកើតហេតុរូបគាត់ និងមិត្តភក្តិម្នាក់បានចូលលេងក្លឹបមីតណាយ នៅផ្លូវវេងស្រេង ភូមិកើតហេតុខាងលើ បន្ទាប់មកនៅពេលចេញពីក្លិបគាត់បានជូនមិត្តភក្តិរបស់គាត់ទៅផ្ទះជួលនៅម្ដុំផ្លូវទំនប់កប់ស្រូវ បន្ទាប់មកគាត់បានត្រឡប់មកមុខក្លឹបវិញ ដោយសារយប់ជ្រៅពេក គាត់មិនហ៊ានទៅផ្ទះជួលរបស់គាត់នៅម្តុំរង្វង់មូលគួរស្រូវ ខណ្ឌដង្កោ រាជធានីភ្នំពេញឡើយ ។
បន្ទាប់មកគាត់បានត្រឡប់មកពីផ្ទះជួលមិត្តភក្តិវិញក៏បានអង្គុយលេងមុខក្លិបមួយសន្ទុះ បន្ទាប់មកទៀតគាត់បានជិះម៉ូតូបម្រុងជិះទៅផ្ទះដែរ តែដោយសារជិតភ្លឺទៅហើយ គាត់បានឈប់ម៉ូតូទល់មុខការ៉ាសសាំងមួយ ហើយបន្ទាប់មកត្រូវក្រុមចោរវាយគាត់ចំនួនពីរបីដៃ បន្ទាប់មកបានយកកាំភ្លើងខ្លីមិនស្គាល់ម៉ាកភ្ជង់គំរាម ហើយបាញ់ចំនួន១គ្រាប់ ប្លន់យកម៉ូតូគាត់ទៅបាត់ ដោយសុវត្ថិភាព ។ ភ្លាមៗនោះកម្លាំងនគរបាលប៉ុស្តិ៍ចោមចៅ១ ដែលនៅជិតគោលដៅ២៤ម៉ោងបានលឺកាំភ្លើងផ្ទុះបានមកដល់ផងដែរ ប៉ុន្តែដោយជនសង្ស័យទាំង២នាក់ខាងលើ ជិះម៉ូតូចេញទៅបាត់ទៅហើយ បន្ទាប់មកទៀតកម្លាំងបានដេញតាមដែរ ប៉ុន្តែដេញមិនទាន់ជនសង្ស័យបានគេចខ្លួនបាត់ ។
ក្រោយពេលកើតហេតុកម្លាំងនគរបាលប៉ុស្តិ៍ដែលដេញខាងលើបាននាំជនរងគ្រោះមកដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលចោមចៅ១ ដើម្បីស៊ើបសង្កេតមុខសញ្ញាខាងលើ និងដើម្បីតាមចាប់ជនសង្ស័យមកផ្តន្ទាទោសតាមច្បាប់ ៕
ចែករំលែកព័តមាននេះ