តារាចម្រៀង Rap ត្រូវកូនស្រី៤ឆ្នាំយកទូរស័ព្ទបោះចូលសមុទ្រ(មានវីដេអូ)
រុស្ស៊ី ៖ តាមប្រភពព័ត៌មាន Metro បានឲ្យដឹងថា តារាចម្រៀង Rap ជនជាតិរុស្ស៊ី Timati អាយុ៣៤ឆ្នាំ…
រុស្ស៊ី ៖ តាមប្រភពព័ត៌មាន Metro បានឲ្យដឹងថា តារាចម្រៀង Rap ជនជាតិរុស្ស៊ី Timati អាយុ៣៤ឆ្នាំ ត្រូវបានកូនស្រីអាយុ៤ឆ្នាំឈ្មោះ Alisa យកទូរស័ព្ទទៅបោះចោលក្នុងទឹកសមុទ្រ ខណៈដែលខ្លួនកំពុងនិយាយទូរស័ព្ទ។
សកម្មភាពទាំងអស់នេះ ត្រូវបានថតជាប់ជាវីដេអូ ហើយបង្ហោះចូលបណ្តាញសង្គម ដោយឪពុករបស់ក្មេងស្រី។ ពេលតារា Rap ជាឪពុកកំពុងតែនិយាយទូរស័ព្ទ នាងជាកូនស្រីបានយកទូរស័ព្ទទៅបោះចូលក្នុងទឹកសមុទ្រ។
មនុស្សមួយចំនួនចាត់ទុក Alisa ជាក្មេងមិនល្អ និងគ្មាននរណាប្រដៅ។ រីឯមនុស្សមួយចំនួនទៀតថា នេះមកពីកំហុសឪពុកមិនចេះប្រដៅកូន។ មួយភាគទៀតថា នេះមកពីឪពុកប្រើទូរស័ព្ទ មិនគិតពីការចង់បានចំណាប់អារម្មណ៍របស់កូន។ មួយភាគធំថា មិនមែនកូនជាអ្នកចង់បានចំណាប់អារម្មណ៍ពីឪពុកទេ គឺឪពុកផ្ទាល់ដែលចង់បានការចាប់អារម្មណ៍ពីមហាជន។ គេចាត់ទុកវីដេអូនេះ គឺជាការសម្តែងព្រាងទុកជាមុន។
តើអ្នកយល់យ៉ាងណាដែរ? តើវាជាការសម្តែង ឬក៏ការពិត? បើទោះបីជាការសម្តែង ក៏យើងគ្រប់គ្នាមិនគួរញៀននឹងការប្រើទូរស័ព្ទ ហើយមិនគិតពីកូន និងគ្រួសារដែរ។ យើងគួរតែចែកពេលវេលាខ្លះសម្រាប់ពួកគេ៕ វីដេអូឃ្លីបដកស្រង់ចេញពី ៖ Headline News
https://www.youtube.com/watch?v=ZcZl8pKCJRo
ចែករំលែកព័តមាននេះ