បាងកក-ភ្នំពេញ ៖ នៅពេលដែលលោកអ្នកត្រូវបានរកឃើញថា កើតមានជំងឺមហារីកថ្លើមជាទូទៅ គឺអ្នកជំងឺត្រូវចេះសហការជាមួយនឹងគ្រូពេទ្យជំនាញ ដើម្បីសាកសួរនូវសំនូរសំខាន់ៗដែលពាក់ព័ន្ធនឹងស្ថានភាពជំងឺ ក៏ដូចជាវិធីសាស្ត្រអ្វីដែលល្អសម្រាប់ អ្នកជំងឺសម្រាប់ការព្យាបាលដ៏សាកសមមួយ ។
លោកវេជ្ជបណ្ឌិត សុកឆៃ សានផាវ៉ាត (Sokchai Sanpavat) ប្រធានមន្ទីរពេទ្យ Central General Hospital (CGH) នៅបាងកក ប្រទេសថៃ និងគ្រូពេទ្យជំនាញដទៃទៀត មានប្រសាសន៍ថា នៅពេលដែលអ្នកត្រូវបានប្រាប់ថា អ្នកកើតជំងឺមហារីកថ្លើម សំនួរសំខាន់ៗទាំងនេះអ្នកដាច់ខាតត្រូវសាកសួរគ្រូពេទ្យជំនាញខាងមហារីកថ្លើម ៖
១- តើខ្ញុំមានមហារីកថ្លើមប្រភេទណា និងកម្រិតណា?
២- តើជំអឺមហារីកកើតនៅឯណា?
៣- តើវារីករាលដាលលើសពីថ្លើមរបស់ខ្ញុំទេ?
៤- ដំណាក់កាលនៃជំងឺមហារីករបស់ខ្ញុំគឺជាអ្វី ហើយតើវាមានន័យអ្វី?
៥ – តើថ្លើមរបស់ខ្ញុំដំណើរការល្អប៉ុនណា?
៦ – តើខ្ញុំនឹងត្រូវការការធ្វើតេស្តផ្សេងទៀតមុនពេលដែល យើងអាចសំរេច ចិត្តលើការព្យាបាលបានទេ?
៧ – តើខ្ញុំត្រូវចំណាយលុយប៉ុន្មានសម្រាប់ការព្យាបាល?
៨ – តើជំងឺមហារីកថ្លើមរបស់ខ្ញុំអាចព្យាបាលជាសះស្បើយដែរឬទេ?
នៅពេលលោកអ្នកបានព័ត៌មានពាក់ព័ន្ធនឹងចំណុចខាងលើ ឬអាចថា អ្នកសម្រេចិត្ត ទទួលការព្យាបាល ដូច្នេះសំនួរទាំងនេះក៏មានសារសំខាន់ផងដែរ ដើម្បីឲ្យគ្រូពេទ្យជំនាញបកស្រាយជូនអ្នក ៖
១- តើអ្នកមានបទពិសោធន៍អ្វីខ្លះក្នុងការព្យាបាលជំងឺមហារីកប្រភេទនេះ?
២- តើជម្រើសព្យាបាលរបស់ខ្ញុំគឺជាអ្វី?
៣- តើមហារីកអាចត្រូវបានយកចេញដោយការវះកាត់?
៤- តើគោលដៅនៃការព្យាបាលមានអ្វីខ្លះ?
៥- តើមានហានិភ័យ ឬផលវិបាកអ្វីខ្លះចំពោះការព្យាបាល ដែលលោកគ្រូពេទ្យណែនាំ?
៦ – តើខ្ញុំត្រូវធ្វើដូចម្តេចដើម្បីត្រៀមលក្ខណៈព្យាបាល?
៧ – តើការព្យាបាលនឹងមានរយៈពេលប៉ុន្មាន?
៨ – តើការព្យាបាលនឹងប៉ះពាល់ដល់សកម្មភាពប្រចាំថ្ងៃរបស់ខ្ញុំយ៉ាងដូចម្តេច?
៩- តើឱកាសនៃការកើតជំងឹមហារីករបស់ខ្ញុំនឹងកើតមានម្តងទៀត ជាមួយនឹងគំរោងព្យាបាលទាំងនេះដែរឬទេ?
១០- តើខ្ញុំត្រូវផ្លាស់ប្តូររបៀបរស់នៅបែបណា? វាប៉ះពាល់ដល់ការងារប្រចាំថ្ងៃឬអត់?
អត្ថបទនេះនាំជូនមកដោយក្រុមហ៊ុនធានារ៉ាប់រងជីវិត AIA
ចែករំលែកព័តមាននេះ