ខេត្តមណ្ឌលគិរី ៖ ជនជាតិវៀតណាម៧នាក់ ដែលលួចឆ្លងដែនចូលមកកម្ពុជាខុសច្បាប់ ត្រូវបានសមត្ថកិច្ចកម្ពុជាចាប់បញ្ជូនទៅប្រទេសខ្លួនវិញ កាលពីវេលាម៉ោង៩ព្រឹកថ្ងៃទី៣ ខែសីហា ក្រោយពីឃាត់ខ្លួនអស់ រយៈពេល២ថ្ងៃ នៅស្រុកកោះញែក…
ខេត្តមណ្ឌលគិរី ៖ ជនជាតិវៀតណាម៧នាក់ ដែលលួចឆ្លងដែនចូលមកកម្ពុជាខុសច្បាប់ ត្រូវបានសមត្ថកិច្ចកម្ពុជាចាប់បញ្ជូនទៅប្រទេសខ្លួនវិញ កាលពីវេលាម៉ោង៩ព្រឹកថ្ងៃទី៣ ខែសីហា ក្រោយពីឃាត់ខ្លួនអស់ រយៈពេល២ថ្ងៃ នៅស្រុកកោះញែក ។
មន្ត្រីនគរបាលអន្តោប្រវេសន៍នៃស្នងការដ្ឋានខេត្ត ឱ្យដឹងថា ពួកគេនឹងត្រូវបញ្ជូនចេញពីកម្ពុជាវិញ តាមច្រកទ្វេភាគីដាក់ដាំ ស្រុកអូររាំង បន្ទាប់ពីសុំយោបល់ ពីព្រះរាជអាជ្ញារងអមសាលាដំបូងខេត្ត ពិនិត្យឃើញថា ពួកគេមិនទាន់ប្រព្រឹត្តសកម្មភាពខុសច្បាប់ណាមួយនៅក្នុងទឹកដីកម្ពុជានៅឡើយ ក្រៅពីលួចឆ្លងដែនដោយគ្មានការអនុញ្ញាតពីសមត្ថកិច្ចកម្ពុជា ។
ទោះជាយ៉ាងណា ជនជាតិវៀតណាមទាំងនេះត្រូវគេដឹងថា លួចចូលមកក្នុងទឹកដីកម្ពុជា តាមច្រករបៀងក្នុងស្រុកស្នួល ខេត្តក្រចេះ ដើម្បីដឹកជញ្ជូនឈើចេញពីកម្ពុជាទៅវៀតណាមឱ្យឧកញ៉ាល្បីឈ្មោះដុះស្លែម្នាក់ប្រចាំស្រុកស្នួល ។ឧកញ៉ាម្នាក់នេះមានមុខរបរឈ្មួញឈើដ៏ធំនាំឈើចេញពីស្រុកស្នួលចូលទៅស្រុកយួនរាប់ឆ្នាំមកហើយ ។ កន្លងមកបុណ្យក៏គាត់ធ្វើ ឈើក៏គាត់កាប់ គ្រាន់តែឈប់សម្រាកមួយដង្ហើមចង្រិតក្នុងរដូវបោះឆ្នោតប៉ុណ្ណោះ ។ បោះឆ្នោតរួចហើយ ចាប់ផ្តើមមុខរបរឈើទៀតហើយ ។ មិនជួលខ្មែរទេ គឺជួលយួនតែម្តង ព្រោះយួនជាថៅកែចាំទទួលទិញឱ្យអ្ហែងមកដឹក មកកាប់យកតែម្តង គ្រាន់តែមិនទាន់បានដឹកបានកាប់ ប្រៀបដូចនាំចោរមកគាស់ក្រោល គ្រាន់តែមិនទាន់គាស់ ។
សូមរំឭកថា នគរបាលបានឃាត់ខ្លួនជនជាតិវៀតណាមចំនួន៧នាក់ ព្រមទាំងរថយន្តធុនធំចំនួន៣គ្រឿង នៅភូមិរង្សី ឃុំស្រែសង្គម ស្រុកកោះញែក ចម្ងាយពីច្រកចូលខ្លះថាជិត១០០គីឡូម៉ែត្រ ។មូលហេតុនៃការឃាត់ខ្លួននោះ ដោយសារតែរថយន្តជនជាតិវៀតណាមខាងលើពេលចូលមកដល់ទឹកដីកម្ពុជា បានបន្លំពាក់ផ្លាកលេខក្លែងក្លាយ ។ ប្រភពបន្តថា រថយន្តទាំង៣គ្រឿងនេះ ២គ្រឿងជារថយន្តកូរ៉េសម្រាប់ដឹកឈើ និង១គ្រឿងទៀតជារថយន្តសម្រាប់ស្ទូចឈើ ។
ទាក់ទិននឹងករណីខាងលើនេះ លោកឧត្តមសេនីយ៍ ឡោ សុខា ស្នងការនគរបាលខេត្តបានឱ្យដឹងនៅព្រឹកថ្ងៃទី២ ខែសីហាថា ជនជាតិវៀតណាមចំនួន៧នាក់ ត្រូវបានចាប់ខ្លួននៅស្រុកកោះញែកកាលពីល្ងាចថ្ងៃទី១ ខែសីហា ។
ជុំវិញករណីនេះ មិនទាន់មានការបញ្ជាក់ណាមួយឱ្យបានច្បាស់លាស់ ទាក់ទងនឹងការឃាត់ខ្លួនជនជាតិវៀតណាមទាំងនោះទេ ។មជ្ឈដ្ឋាននានាហាក់មានការសង្ស័យចំពោះករណីនេះ ដ្បិតមានការបិទបាំងច្រើន ខណៈអ្នកកាសែតព្យាយាមសាកសួរ តែសមត្ថកិច្ចមិនចង់បញ្ជាក់លម្អិតព័ត៌មានទាក់ទិននឹងករណីនេះឡើយ ដែលធ្វើឱ្យមានការសង្ស័យថា អាចមានណេះណុះធំដុំហើយមើលទៅ ទើបលែងទៅវិញស្រួលម្លឹងៗ ។
ទោះជាយ៉ាងណា ស្នងការនគរបាលខេត្តបញ្ជាក់ថា ករណីនេះកំពុងស្រាវជ្រាវបន្ត ហើយចំពោះជនជាតិវៀតណាមទាំងនោះនឹងត្រូវបញ្ជូនទៅប្រទេសកំណើតវិញ តាមច្រកដែលពួកគេចូលមក ព្រោះគ្រាន់តែជាការឆ្លងដែនខុសច្បាប់ប៉ុណ្ណោះ ។គួរកត់សម្គាល់ថា យួនទាំង៧នាក់និងរថយន្ត៣គ្រឿងបានចូលតាមច្រក របៀងស្រុកស្នួល ក្នុងបំណងទៅប្រមូលដឹកឈើដល់ស្រុកកោះញែកមានចម្ងាយផ្លូវខ្លះថាជាងមួយរយគីឡូ ម៉ែត្រឯណោះ មិនធម្មតាឡើយ ៕
ចែករំលែកព័តមាននេះ