ប្រទេសថៃ៖ ពួកអ្នកជួយសង្គ្រោះ នាថ្ងៃទី៥ កក្កដា បានពិចារណាមធ្យោបាយ ដែលអាចទៅរួច ដើម្បីនាំកុមារ១២នាក់និងគ្រូបង្វឹកបាល់ទាត់ពួកគេចេញ ក្រោយពីជាប់ក្នុងរូងភ្នំមានទឹកជន់លិច ចាប់តាំងពី១២ថ្ងៃមកហើយ ពេលកំពុងមានការប្រឈមមុខនឹងគ្រោះថ្នាក់ទឹកជន់ឡើង ខណៈមានការព្យាករណ៍ពីភ្លៀងប្រុងធ្លាក់ជាថ្មី។
អភិបាលខេត្តឈៀងរ៉ៃ លោក NARONGSAK OSOTTHAKORN ជាប្រមុខប្រតិបតិ្តការជួយសង្គ្រោះថ្លែងថា ការព្រួយបារម្ភខ្លាំងបំផុតរបស់យើង គឺឧតុនិយម ។ ពេលនេះ យើងត្រូវតតាំងប្រឆាំងជាមួយទឹក ។ ពួកអ្នកជួយសង្គ្រោះសង្ឃឹមថា អាចបូមទឹកឲ្យស្រកឆាប់ក្នុងពេលខ្លី ដើម្បីឲ្យកុមារៗ បើទៅរួច ពេលនាំចេញពុំបាច់មុជទឹក ។
ប៉ុន្តែការវិលត្រឡប់នៃទឹកភ្លៀង ដែលព្យាករណ៍ថា អាចធ្លាក់នាថ្ងៃទី៦ កក្កដា អាចបំផ្លាញផែនការនោះ ជាមួយគ្រោះថ្នាក់នៃចរន្តទឹកហូរចូលរូងភ្នំ ថែមនារដូវវស្សានេះ។ យើងត្រូវគណនាពេលវេលា ដែលយើងនៅសល់ គិតជាម៉ោង និងជាថ្ងៃក្នុងករណីភ្លៀងធ្លាក់ ហើយទឹកលុកលុយចូលរូងភ្នំ។
ការនាំក្មេងទាំងនេះចេញ ពួកគេត្រូវធ្វើដំណើរច្រើនគីឡូម៉ែត្រកាត់រូង ដែលមានគ្រោះថ្នាក់ ជាមួយការលំបាកក្នុងការធ្វើដំណើរកាត់ក្រោមទឹក។ ពួកអ្នកជួយសង្គ្រោះនៅជាមួយពួកគេក្នុងរូងបំប៉ន ពួកគេឲ្យមានកម្លាំងមាំមួនឡើងវិញ ហើយបង្រៀនឲ្យចេះប្រើឧបករណ៍មុជទឹក ៕
ចែករំលែកព័តមាននេះ