ហ្វឹកហាត់កងកម្លាំងត្រៀមជួយអន្តរាគមន៍ក្នុងយុទ្ធនាការឃោសនាបោះឆ្នោត (មានវីដេអូ)
- មណ្ឌលគិរី
ខេត្តមណ្ឌលគិរី ៖ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានឲ្យដឹងនៅព្រឹកថ្ងៃទី៥ កក្កដា ២០១៨ ថា…
ខេត្តមណ្ឌលគិរី ៖ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានឲ្យដឹងនៅព្រឹកថ្ងៃទី៥ កក្កដា ២០១៨ ថា…
ខេត្តមណ្ឌលគិរី ៖ លោកឧត្តមសេនីយ៍ទោ ឡោ សុខា ស្នងការនគរបាលខេត្តមណ្ឌលគិរី បានឲ្យដឹងនៅព្រឹកថ្ងៃទី៥ កក្កដា ២០១៨ ថា ដើម្បីរក្សាសន្តិសុខ សុវត្ថិភាព និងសណ្តាប់ធ្នាប់ជូនប្រជាពលរដ្ឋនៅទូទាំងខេត្ត និងក្នុងដំណាក់កាលយុទ្ធនាការឃោសនាបោះឆ្នោត និងកិច្ចដំណើរការបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ ២០១៨ នៅថ្ងៃទី២៩ ខែកក្កដា ឆ្នាំ២០១៨ នឹងខិតជិតមកដល់នាពេលខាងមុខនេះ ។ លោកឧត្តមសេនីយ៍បានត្រៀមកម្លាំងដើម្បីជួយអន្តរាគមន៍ និងធ្វើការហ្វឹកហាត់នៅស្នងការដ្ឋាននគរបាលខេត្ត មានចំនួន២១០នាក់ ដោយបានបែងចែកកម្លាំងត្រៀមរួមមាន ៖ ១-កងកម្លាំងកាន់ខែល ទប់ទល់ និងប្រឆាំងបាតុកម្មចំនួន១២០នាក់ ២-កងកម្លាំងអន្តរាគមន៍ពិសេស ចំនួន៥០នាក់ និង៣-កម្លាំងត្រៀមអន្តរា
គមន៍បំរុងចំនួន៤០នាក់។លោកឧត្តមសេនីយ៍ទោបានបន្តថា ការធានាមធ្យោបាយរួមមាន ១-រថយន្តចល័តកម្លាំងអន្តរាគមន៍៤គ្រឿង ២-រថយន្តដឹកកម្លាំងល្បាត៤គ្រឿង ៣-រថយន្តដឹកកម្លាំងអន្តរាគមន៍ពិសេស២គ្រឿង ៣-រថយន្តអគ្គីភ័យ៤គ្រឿង ៤-រថយន្តសង្គ្រោះ១គ្រឿងនិង៥-ម៉ូតូប្រដេញ១០គ្រឿង ។លោកឧត្តមសេនីយ៍ទោបានបញ្ជាឲ្យកងកម្លាំងទាំងអស់ត្រូវប្រមូលផ្តុំម្ភៃបួនម៉ោងលើម្ភៃបួនម៉ោង ដើម្បីត្រៀមជួយអន្តរាគមន៍ឲ្យបានទាន់ពលវេលា និងធ្វើការទប់ស្កាត់ និងបង្ក្រាបនូវរាល់សកម្មភាពទាំងឡាយណាដែលបង្ករអស្ថេរភាពក្នុងយុទ្ធនាការឃោសនាបោះឆ្នោត និងកិច្ចដំណើរការបោះឆ្នោតជ្រើសតាំងតំណាងរាស្ត្រនីតិកាលទី៦ នាពេលខាងមុខនេះ៕
ចែករំលែកព័តមាននេះ