គណបក្សឆន្ទៈខ្មែរប្រកាសត្រៀមរៀបចំសមាជរបស់ខ្លួនឆ្ពោះទៅចូលរួមបោះឆ្នោត
- ភ្នំពេញ
រាជធានីភ្នំពេញ ៖ គណបក្សឆន្ទៈខ្មែរនៅថ្ងៃទី២៧ ខែកក្កដា ឆ្នាំ២០១៨ បានប្រកាសថា នៅថ្ងៃទី0១ ខែកក្កដា ឆ្នាំ២០១៨ ខាងនេះនឹងមានការធ្វើសមាជត្រៀមមួយ…
រាជធានីភ្នំពេញ ៖ គណបក្សឆន្ទៈខ្មែរនៅថ្ងៃទី២៧ ខែកក្កដា ឆ្នាំ២០១៨ បានប្រកាសថា នៅថ្ងៃទី0១ ខែកក្កដា ឆ្នាំ២០១៨ ខាងនេះនឹងមានការធ្វើសមាជត្រៀមមួយ បន្ទាប់ពីគណបក្សនេះបានចុះឈ្មោះចូលរួមការបោះឆ្នោតសកលជ្រើសតាំងសមាជិកសភាអាណត្តិទី៦ នាថ្ងៃទី២៩ខែកក្កដា ឆ្នាំ២០១៨ ។
សមាជត្រៀមនេះនឹងធ្វើឡើងនៅស្នាក់ការកណ្តាលរបស់គណបក្សស្ថិតនៅផ្ទះលេខ៧១ ផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ ក្រោមអធិបតីភាពលោកគង់ មុនីកា ប្រធានគណបក្ស ។ លោកគង់ មូនីកា ប្រធានគណបក្សនេះគេមិនសូវស្គាល់ទេ តែដឹងថា ជាកូនប្រុសបង្កើតរបស់លោកគង់ គាំ អតីតប្រធានគណបក្សសម រង្ស៊ី ដែលត្រូវបានតុលាការហាមឃាត់មិនឲ្យធ្វើនយោបាយរយៈពេល៥ឆ្នាំជាមួយ និងមនុស្ស១១៧នាក់ផ្សេងទៀត នៃគណបក្សប្រឆាំងដែលបានត្រូវបានរំលោយកាលពីថ្ងៃទី១៦ ខែវិច្ឆិកា ឆ្នាំ២០១៧ដោយសាលដីកាតុលាការកំពូល ។ ក្នុងសមាជនេះគណបក្សនឹងលើកឡើងពីការកំណត់ពីការធ្វើសមាជដំបូងរបស់គណបក្ស និងការងារមុន និងក្នុងពេលឃោសនាបោះឆ្នោតខែកក្កដា២០១៨ខាងមុខ ៕
ចែករំលែកព័តមាននេះ