សេតវិមានតាំងរូបថតលោកត្រាំ និងលោកគីម
សហរដ្ឋអាមេរិក ៖ ទស្សនាវដ្ដីអាមេរិក NEWSWEEK បានរាយការណ៍នាថ្ងៃទី១៩ មិថុនាថា ទំនាក់ទំនងកក់ក្ដៅរវាងលោកដូណាល់ ត្រាំ និងមេដឹកនាំកូរ៉េខាងជើងលោកគីម ជុងអ៊ុន…
សហរដ្ឋអាមេរិក ៖ ទស្សនាវដ្ដីអាមេរិក NEWSWEEK បានរាយការណ៍នាថ្ងៃទី១៩ មិថុនាថា ទំនាក់ទំនងកក់ក្ដៅរវាងលោកដូណាល់ ត្រាំ និងមេដឹកនាំកូរ៉េខាងជើងលោកគីម ជុងអ៊ុន នាំទៅដល់ការដាក់តាំងក្នុងសេតវិមាន បណ្ដារូបថតនៃការជួបគ្នាកំពូលជាប្រវត្តិសាស្ត្រ រវាងមេដឹកនាំទាំង២។
រូបថតទាំងនេះត្រូវបានយកមកដាក់តាំងលម្អ នៅស្លាបខាងលិចនៃសេតវិមាន ជំនួសបណ្ដារូបថតលោកត្រាំជាមួយ ប្រធានាធិបតីបារាំងលោក EMMANUEL MACRON ។
ប្រធានាធិបតីអាមេរិក និងបារាំងទើបជួបគ្នានៅឯកិច្ចប្រជុំកំពូល G7 នៅកេបិកកាណាដា។ កិច្ចប្រជុំកំពូលនេះប្រព្រឹត្តទៅនាថ្ងៃទី៨ និងទី៩ មិថុនា ហើយហាក់ពុំមានការចុះសម្រុងគ្នារវាងលោកត្រាំ និងមេដឹកនាំ G7 ឯទៀតៗ។ ទោះបីសេចក្ដីប្រកាសចុងក្រោយមួយនៃកិច្ចប្រជុំកំពូលនេះទីបំផុតត្រូវបានចុះហត្ថលេខាក្ដី តែបន្តិចក្រោយមកលោកត្រាំប្រកាសដកខ្លួនថយវិញ៕
ចែករំលែកព័តមាននេះ