ខេត្តកណ្តាល ៖ អ្វីដែលនឹកស្មានមិនដល់នោះមន្ត្រីជលផលម្នាក់ដែលជាអ្នកអនុវត្តច្បាប់ បែរជាបែកគំនិតទៅរកស៊ីដឹកឈើខុសច្បាប់ទៅវិញ តែវាជាសំណាងអាក្រក់វាំងនងខ្លាត្រូវលាតត្រដាង ខណៈដែលកម្លាំងប្រឆាំងបងល្មើសសេដ្ឋកិច្ចនៃស្នងការដ្ឋាននគរបាលខេត្តកណ្តាល ចុះពួនស្ទាក់បង្ក្រាបបានរថយន្តមួយគ្រឿង មួយបាំងកន្លះ ផ្ទុកដោយឈើប្រណិតប្រភេទធ្នុង ចេញពីខេត្តកំពង់ឆ្នាំងមកក្រុងភ្នំពេញ…
ខេត្តកណ្តាល ៖ អ្វីដែលនឹកស្មានមិនដល់នោះមន្ត្រីជលផលម្នាក់ដែលជាអ្នកអនុវត្តច្បាប់ បែរជាបែកគំនិតទៅរកស៊ីដឹកឈើខុសច្បាប់ទៅវិញ តែវាជាសំណាងអាក្រក់វាំងនងខ្លាត្រូវលាតត្រដាង ខណៈដែលកម្លាំងប្រឆាំងបងល្មើសសេដ្ឋកិច្ចនៃស្នងការដ្ឋាននគរបាលខេត្តកណ្តាល ចុះពួនស្ទាក់បង្ក្រាបបានរថយន្តមួយគ្រឿង មួយបាំងកន្លះ ផ្ទុកដោយឈើប្រណិតប្រភេទធ្នុង ចេញពីខេត្តកំពង់ឆ្នាំងមកក្រុងភ្នំពេញ ។
ហេតុការណ៍ចុះបង្ក្រាបនេះនៅវេលាម៉ោង០៣និង០០នាទីទាបភ្លឺថ្ងៃទី១៩ ខែមិថុនា ឆ្នាំ២០១៨ នៅតាមផ្លូវជាតិលេខ6A ស្ថិតនៅចំណុចភូមិព្រែកជ្រៃ ឃុំព្រែកដំបង ស្រុកមុខកំពូល ខេត្តកណ្តាល ។
លោកលី សុជាតិ នាយការិយាល័យប្រឆាំងបទល្មើសសេដ្ឋកិច្ចបានឲ្យដឹងថា មុនឈានដល់ការពួនស្ទាក់បង្ក្រាបដោយមានការបញ្ជាផ្ទាល់ពីឯកឧត្តម ឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្តាលការិយាល័យនគរបាលប្រឆាំងបទល្មើសសេដ្ឋកិច្ចខេត្តកណ្តាលបានចុះស្ទាក់ចាប់បានរថយន្តមួយគ្រឿងខាងលើចេញពីខេត្តកំពង់ឆ្នាំង មកក្រុងភ្នំពេញ ។
បើតាមចម្លើយសារភាពពីឈ្មោះ នួន ហៀង ភេទប្រុស អាយុ២៥ឆ្នាំ ជាអ្នកស៊ីឈ្នួលបើករថយន្តដឹកឈើខាងលើនឹងឈ្មោះ ស៊ុំ សារឹទ្ធ ភេទប្រុស អាយុ៣៥ឆ្នាំ ជាព្រូឡានមកជាមួយគ្នាដែលមានទីលំនៅភូមិស្រះកែវ ឃុំមេលំ ស្រុកបរិបូរណ៍ ខេត្តកំពង់ឆ្នាំងបានឲ្យដឹងថា រថយន្តនិងឈើប្រណិតប្រភេទធ្នុងនេះរូបគេបានស៊ីឈ្នួលបើកពីខេត្តកំពង់ឆ្នាំង ពីមន្ត្រីជលផលម្នាក់ឈ្មោះ កង ចាន់ដារិន ជលផលខេត្តកំពង់ឆ្នាំងមកដាក់នៅឃ្លាំងស្តុកឈើមួយកន្លែង ស្ថិតនៅចន្លោះស្ពានទី១១ និងទី១២ ក្នុងភូមិចំបក់មាស ឃុំបាក់ខែង ខណ្ឌជ្រោយចង្វាភ្នំពេញដែលមានឈ្មួញរកស៊ីឈើម្នាក់ឈ្មោះ ណាង ចាំប្រមូលទិញ និងមានឈ្មោះ ហេង ដែលជាមេការចាំទទួលវាស់វែងនៅទីនោះ ។
ក្រោយពីបានឃាត់រថយន្តដឹកឈើបទល្មើសព្រៃឈើយកមករក្សានៅស្នងការដ្ឋាននគរបាលខេត្តកណ្តាលនៅរសៀលថ្ងៃទី១៩ ខែមិថុនា ឆ្នាំ២០១៨ វេលាម៉ោង២និង៥០នាទីបានធ្វើការប្រគល់រថយន្តមួយគ្រឿងខាងលើ ពាក់ស្លាកលេខ ច-2319 ភព អ្នកបើករថយន្តម្នាក់ ព្រូម្នាក់និងឈើប្រណិតប្រភេទធ្នុងចំនួន៧៥ដុំ ស្មើនឹង៧៨៦គីឡូក្រាមដែលស្មើនឹង០.៦២៨ម៉ែត្រគូបទៅសង្កាត់រដ្ឋបាលព្រៃឈើឫស្សីជ្រោយ ដើម្បីបន្តអនុវត្តន៍ទៅតាមនីតិវិធីច្បាប់ ៕
ចែករំលែកព័តមាននេះ