កក្រើកទៀតហើយ សត្វសមុទ្រជាច្រើនធ្លាក់ពីលើមេឃ (មានវីដេអូ)
ចិន ៖ តាមប្រភពព័ត៌មាន Oddity Central បានឲ្យដឹងថា កាលពីរសៀលថ្ងៃពុធ នៅក្រុង Qingdao នាខេត្ត…
ចិន ៖ តាមប្រភពព័ត៌មាន Oddity Central បានឲ្យដឹងថា កាលពីរសៀលថ្ងៃពុធ នៅក្រុង Qingdao នាខេត្ត Shandong ប្រទេសចិន មានភ្លៀងធ្លាក់យ៉ាងខ្លាំង ដោយមានអមមកជាមួយនឹងសត្វសមុទ្រជាច្រើនក្បាលធ្លាក់ពីលើមេឃមកលើដី។
តើអ្នកធ្លាប់ឃើញមឹកធ្លាក់មកលើកញ្ចក់រថយន្តអ្នកទេ? ពិតណាស់ មិនងាយកើតមានឡើងនោះទេ! តែយើងឃើញវាកើតឡើងនៅតំបន់ឆ្នេរនាក្រុង Qingdao។ អ្នកធ្វើដំណើរក្នុងរថយន្តនាំគ្នាថតរូបបង្ហោះចូលក្នុងបណ្តាញសង្គម ដែលធ្វើឲ្យមានការភ្ញាក់ផ្អើលយ៉ាងខ្លាំង។
អ្នកខ្លះថតបានមឹកពីងពាងលើកញ្ចក់រថយន្ត អ្នកខ្លះទៀតឃើញសត្វបង្គា និងអ្នកខ្លះទៀតមានសត្វផ្កាយសមុទ្រជាប់នឹងរថយន្ត។ នៅខណៈពេលនោះផ្លូវបានស្ទះកកកុញយ៉ាងខ្លាំង ដោយសារតែមានព្យុះបករលំដើមឈើ និងស្លាកសញ្ញាចរាចរណ៍ជាច្រើនកន្លែង។ ចំណែកអ្នកព្យាករណ៍ឧតុនិយមបានប្រាប់ថា នេះដោយសារតែខ្យល់ព្យុះខ្លាំងពេកដល់ថ្នាក់បក់ប៉ើងសត្វក្នុងសមុទ្រមកលើគោក។
គួរបញ្ជាក់ផងដែរថា រឿងហេតុនេះធ្លាប់កើតមានឡើងម្តងដែរកាលពីឆ្នាំមុន នៅក្នុងទីក្រុង Tampico ប្រទេសម៉ិកស៊ិក ដែលមានសត្វត្រីជាច្រើនក្បាលធ្លាក់ចុះមកតាមទឹកភ្លៀង៕ វីដេអូឃ្លីបដកស្រង់ចេញពី ៖ NEWS PLUS
https://www.youtube.com/watch?v=qQNlRPaAwJY&t=11s
ចែករំលែកព័តមាននេះ