ត្រាំសន្យានឹងបញ្ឈប់សមយុទ្ធយោធារួមជាមួយកូរ៉េ
ប្រទេសសិង្ហបុរី ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានធ្វើសន្និសីទព័ត៌មានមួយ ក្រោយជំនួបជាមួយលោក គីម ជុងអ៊ុន…
ប្រទេសសិង្ហបុរី ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានធ្វើសន្និសីទព័ត៌មានមួយ ក្រោយជំនួបជាមួយលោក គីម ជុងអ៊ុន…
ប្រទេសសិង្ហបុរី ៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានធ្វើសន្និសីទព័ត៌មានមួយ ក្រោយជំនួបជាមួយលោក គីម ជុងអ៊ុន មេដឹកនាំកូរ៉េខាងជើង មុនធ្វើដំណើរចាកចេញពីសិង្ហបុរីទៅកាន់សហរដ្ឋអាមេរិក ។
លោក ដូណាល់ ត្រាំ ថ្លែងថា ប្រទេសកូរ៉េខាងជើងមានសក្តានុពល ហើយលោកក៏បាន
ឆ្លៀតឱកាសអរគុណលោក គីម ជុងអ៊ុន ដែលជំនួបកំពូលនេះគឺជាភ័ស្តុតាងស្តែងឲ្យឃើញថា ការផ្លាស់ប្តូរពិតជាអាចកើតមានជាក់ជាមិនខាន។ បន្ថែមពីនេះទៀត ប្រធានាធិបតីសហរដ្ឋអាមេរិកលោក ដូណាល់ ត្រាំ ថ្លែងថា «សហរដ្ឋអាមេរិក នឹងបញ្ឈប់ការធ្វើសមយុទ្ធយោធា» ដែលទំនងជាលោកចង់សំដៅទៅលើសមយុទ្ធយោធារួមគ្នាជាមួយកូរ៉េខាងត្បូង ដែលក្រុងព្យុងយ៉ាងបានចាត់ទុកថា ជាចេតនាបង្ករឿងនិងឈ្លានពាននោះ។ ដោយឡែក ចំពោះការដកកងទ័ពពីកូរ៉េខាងត្បូងវិញ លោកប្រធានាធិបតី ដូណាល់ ត្រាំ បានគូសបញ្ជាក់ថា «ខ្ញុំចង់យកកងទ័ពរបស់យើង (សហរដ្ឋអាមេរិក)ចេញ ។ ប៉ុន្តែវាមិនមែនជាផ្នែកមួយនៃបញ្ហាត្រូវដោះស្រាយក្នុងពេលបច្ចុប្បន្ននេះទេ ហើយខ្ញុំសង្ឃឹមថា វានឹងកើតឡើងនៅថ្ងៃណាមួយ» ។
លោក ដូណាល់ ត្រាំ បានបន្តថា កិច្ចប្រជុំរវាងរូបលោក និងលោក គីម បានប្រព្រឹត្តទៅដោយភាពស្មោះត្រង់ ហើយពីគូសត្រូវប្រែក្លាយជាមិត្តផងដែរ ។ វាពុំមានដែនកំណត់នោះឡើយ សម្រាប់អ្វីៗដែលកូរ៉េខាងជើងអាចសម្រេចបាន នៅពេលទីក្រុងព្យុងយ៉ាង សម្រេចបោះបង់ចោលអាវុធនុយក្លេអ៊ែរ និងបើកចំហសេដ្ឋកិច្ចរបស់ខ្លួនវិញនោះ ។
នៅក្នុងសន្និសីទសារព័ត៌មាន មុនចាកចេញដំណើរត្រឡប់ទៅសហរដ្ឋអាមេរិកវិញ លោកដូណាល់ ត្រាំ បានបង្ហាញក្ដីសង្ឃឹមថា សង្គ្រាមកូរ៉េនឹងត្រូវបញ្ចប់ជាផ្លូវការក្នុងពេលឆាប់ៗនេះ។ លោក គីម ជុងអ៊ុន គឺជាមនុស្សម្នាក់ពោរពេញដោយសមត្ថភាព ដែលអាចដឹកនាំប្រទេសបាន។ ទោះជាយ៉ាងនេះក្ដី លោកនៅតែបញ្ជាក់ថា គ្មានឡើយការលើកលែងការដាក់ទណ្ឌកម្ម រហូតដល់កូរ៉េខាងជើងលុបបំបាត់អាវុធនុយក្លេអ៊ែរទាំងស្រុង ។
គួរបញ្ជាក់ថា បច្ចុប្បន្ននេះមានកងទ័ពសហរដ្ឋអាមេរិកចំនួន២៨.០០០នាក់ នៅប្រទេសកូរ៉េខាងត្បូង ៕
ចែករំលែកព័តមាននេះ