ខេត្តព្រះវិហារ ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង១និង២០នាទីរំលងអធ្រាត្រ ឈានចូលថ្ងៃទី១៣ មិថុនា ២០១៨ មានករណីចោរលួចម៉ូតូ១គ្រឿង ដែលម្ចាស់ទុកក្រោមផ្ទះនៅភូមិត្រពាំងសង្កែខាងត្បូង ឃុំរំដោះស្រែ…
ខេត្តព្រះវិហារ ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោង១និង២០នាទីរំលងអធ្រាត្រ ឈានចូលថ្ងៃទី១៣ មិថុនា ២០១៨ មានករណីចោរលួចម៉ូតូ១គ្រឿង ដែលម្ចាស់ទុកក្រោមផ្ទះនៅភូមិត្រពាំងសង្កែខាងត្បូង ឃុំរំដោះស្រែ ស្រុកជាំក្សាន្តខេត្តព្រះវិហារ ។
សេចក្តីរាយការណ៍បបន្តថា អំពើចោរកម្មនោះត្រូវបានម្ចាស់ម៉ូតូដែលជាជនរងគ្រោះដឹងខ្លួនទាន់ខណៈជនសង្ស័យកំពុងទាញយកម៉ូតូ មានបំណងជិះចេញក៏បានស្រែកឆោឡោឡើងទើបមានអន្តរាគមន៍ពីអ្នកស្រុកចាប់ខ្លួនជនសង្ស័យ និងចងស្លាបសេកទៅក្រោយទុកឲ្យសមត្ថកិច្ចចាត់ការតាមច្បាប់ ។
ជនសង្ស័យឈ្មោះ អ៊ុំ សាធា ភេទប្រុស អាយុ៣២ឆ្នាំ មុខរបរមិនពិតប្រាកដរស់នៅភូមិកោងយោង ឃុំយាង ស្រុកជាំក្សាន្ត ជាមុខសញ្ញាចាស់ធ្លាប់ជាប់ពន្ធនាគារពីបទហិង្សាដោយចេតនា ។ ចំណែកជនរងគ្រោះឈ្មោះ សេង ខេមរិទ្ធ ភេទប្រុស អាយុ៣៦ឆ្នាំ មុខរបរមន្ត្រីយោធារស់នៅភូមិឃុំកើតហេតុខាងលើ ។ ម៉ូតូដែលត្រូវចោរលួចម៉ាកធូដេ ពណ៌ទឹកប្រាក់ ។
ក្រោយពីឃាត់ខ្លួនជនសង្ស័យសមត្ថកិច្ចក៏បានរៀបចំកសាងសំណុំរឿងបញ្ជូនទៅសាលាដំបូងខេត្តតាមនីតិវិធី ៕
ចែករំលែកព័តមាននេះ