ពុទ្ធោ! មែកឈើប៉ុនផ្លែឪឡឹកទម្លុះស្មាហើយនៅមិនដឹងខ្លួន
បេឡារ៊ុស ៖ តាមប្រភពព័ត៌មាន Metro បានឲ្យដឹងថា បុរសម្នាក់ត្រូវមែកឈើដ៏ធំមួយដោតជាប់នឹងស្មាខាងស្តាំ តែសំណាងល្អមិនស្លាប់។ Ivan Krasouski បានលោតឆ័ត្រយោងនៅភូមិ…
បេឡារ៊ុស ៖ តាមប្រភពព័ត៌មាន Metro បានឲ្យដឹងថា បុរសម្នាក់ត្រូវមែកឈើដ៏ធំមួយដោតជាប់នឹងស្មាខាងស្តាំ តែសំណាងល្អមិនស្លាប់។
Ivan Krasouski បានលោតឆ័ត្រយោងនៅភូមិ Loshany ប្រទេសបេឡារ៊ុស ហើយធ្លាក់ចំមែកឈើមួយយ៉ាងធំ។ មុនដំបូងឡើយ គាត់មិនដឹងថា ខ្លួនត្រូវមែកឈើដោតជាប់នោះទេ ដោយបានងើបឈរដើរធ្វើព្រងើយ។ តែគាត់ដើរមិនរួចដោយសារតែទាក់ជាប់នឹងមែកឈើ ស្រាប់តែពេលមើលទៅក៏ឃើញថា ខ្លួនគាត់ត្រូវទម្លុះដោយមែកឈើប៉ុនផ្លែឪឡឹក។
ក្រុមអ្នកជួយសង្គ្រោះបាននាំគ្នាកាត់មែកឈើនោះចេញពីដើមឈើ ហើយដឹក Ivan ទៅមន្ទីរពេទ្យជាមួយនឹងមែកឈើជាប់នឹងស្មា។ ទៅដល់ទីនោះ គ្រូពេទ្យធ្វើការសង្គ្រោះ និងយកមែកឈើចេញដោយមានសុវត្ថិភាព។ ពេលនេះ Ivan កំពុងតែសម្រាកនៅមន្ទីរពេទ្យ មុននឹងអាចត្រឡប់ទៅផ្ទះវិញ។
នេះជាករណីកម្រមួយ ព្រោះថា ឈើមួយមែកនោះពិតជាធំ ហើយបុរសម្នាក់នោះនៅអាចរួចផុតពីសេចក្តីស្លាប់៕
ចែករំលែកព័តមាននេះ