ញាក់សាច់! ៤១០០គ្រាប់ក្នុងប្រមាត់
ឥណ្ឌា ៖ តាមប្រភពព័ត៌មាន Metro បានឲ្យដឹងថា វេជ្ជបណ្ឌិតបានចោះយកគ្រាប់ក្រួសក្នុងថង់ប្រមាត់របស់បុរសម្នាក់ ដែលមានចំនួនសរុប៤១០០គ្រាប់។ លោកមានឈ្មោះ Yogesh Yewle…
ឥណ្ឌា ៖ តាមប្រភពព័ត៌មាន Metro បានឲ្យដឹងថា វេជ្ជបណ្ឌិតបានចោះយកគ្រាប់ក្រួសក្នុងថង់ប្រមាត់របស់បុរសម្នាក់ ដែលមានចំនួនសរុប៤១០០គ្រាប់។
លោកមានឈ្មោះ Yogesh Yewle អាយុ៤៣ឆ្នាំ ដែលមានអាការៈឈឺក្នុងពោះអស់រយៈពេលរាប់ឆ្នាំ តែងតែងាកទៅលេបថ្នាំបំបាត់ការឈឺចុកចាប់ និងថ្នាំក្រពះរាល់ពេលធ្វើទុក្ខ។ ដល់ថ្ងៃមួយនោះ គាត់ក៏ទ្រាំលែងបាន ហើយក៏ទៅមន្ទីរពេទ្យ Krishna ក្នុងរដ្ឋ Maharashtra នាភាគខាងលិចប្រទេសឥណ្ឌា។
នៅទីនោះ វេជ្ជបណ្ឌិតបានធ្វើការវះកាត់ដោយប្រើវិធីចោះទម្លុះថង់ប្រមាត់ ហើយយកក្រួសចេញ។ ក្រុមការងាររបស់មន្ទីរពេទ្យពីរនាក់បានចំណាយពេលរាប់គ្រាប់គ្រួសទាំងនោះដល់ទៅជាង២ម៉ោងទម្រាំតែរាប់អស់។ វាមានទំហំពី៣ទៅ៤មីលីម៉ែត្រ។
វេជ្ជបណ្ឌិតមានប្រសាសន៍ថា អាការៈរបស់ Yogesh មានភាពប្រសើរហើយ។ នេះពិតជាសំណាងល្អហើយ ដែលមកមន្ទីរពេទ្យទាន់ពេលវេលា៕
ចែករំលែកព័តមាននេះ