ខេត្តកំពង់ធំ ៖ គ្រោះធម្មជាតិខ្យល់កន្ត្រាក់លាយឡំនឹងផ្គររន្ទះបានបក់បោកយ៉ាងខ្លាំងធ្វើឱ្យផ្ទះប្រជាពលរដ្ឋ៣ខ្នង ស្មើរនឹង៣គ្រួសារ ដួលរលំបាក់រៀបដល់ដីក្នុងនោះដែរក៏មានរន្ទះបាញ់បានឆក់យកជីវិតយុវជនម្នាក់ស្លាប់ភ្លាមៗផងដែរ ។ ហេតុការណ៍គ្រោះធម្មជាតិខាងលើនេះបានកើតឡើងនៅវេលាម៉ោង៥និង៣០នាទីល្ងាច ថ្ងៃទី១៦ ខែឧសភា ឆ្នាំ២០១៨ ។
ករណីទី១ រន្ទះបាញ់យុវជនម្នាក់បណ្តាលឱ្យស្លាប់ភ្លាមៗនៅតំបន់កោះគ្របបាយក្នុងវាលក្រោម ភូមិសាស្ត្រសង្កាត់ស្រយ៉ូវ ក្រុងស្ទឹងសែន ខេត្តកំពង់ធំ សពជនរងគ្រោះឈ្មោះ ជួន សុខឡេង ភេទប្រុស អាយុ២៨ឆ្នាំ មានទីលំនៅភូមិស្រយ៉ូវត្បូង សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ខណៈទៅមើលស្រែត្រូវបានត្រូវរន្ទះបាញ់ស្លាប់ភ្លាមៗតែម្តង ហើយត្រូវបានបងប្អូនយកទៅធ្វើបុណ្យតាមប្រពៃណី ។
ដោយឡែកករណីទី២វិញ គ្រោះធម្មជាតិខ្យល់កន្ត្រាក់លាយឡំនឹងផ្គររន្ទះបានបក់បោកយ៉ាងខ្លាំងធ្វើឱ្យផ្ទះប្រជាពលរដ្ឋ៣ខ្នង ស្មើរនឹង៣គ្រួសារ បានរងការខូចខាតក្នុងថ្ងៃតែមួយផងដែរ ។ សូមបងប្អូនបង្កើនការប្រុងប្រយ័ត្ននៅពេលដែលមានភ្លៀង និងខ្យល់ខ្លាំង ៕
ចែករំលែកព័តមាននេះ