រាជធានីភ្នំពេញ ៖ បន្ទាប់ពីរងការរិះគន់ខ្លាំងពីមជ្ឈដ្ឋានមួយចំនួន ហើយទទូចឲ្យមានចំណាត់ការពីក្រសួងវប្បធម៌ ចំពោះការច្នៃម៉ូដមកុដអប្សរាពាក់ឲ្យបុរសមក លោកឯម រៀម អ្នកជំនាញច្នៃ្នម៉ូដបានបកស្រាយបញ្ជាក់ជាការឆ្លើយតប និងការពារខ្លួន ។…
រាជធានីភ្នំពេញ ៖ បន្ទាប់ពីរងការរិះគន់ខ្លាំងពីមជ្ឈដ្ឋានមួយចំនួន ហើយទទូចឲ្យមានចំណាត់ការពីក្រសួងវប្បធម៌ ចំពោះការច្នៃម៉ូដមកុដអប្សរាពាក់ឲ្យបុរសមក លោកឯម រៀម អ្នកជំនាញច្នៃ្នម៉ូដបានបកស្រាយបញ្ជាក់ជាការឆ្លើយតប និងការពារខ្លួន ។
បើយោងតាមការសរសេររៀបរាប់បង្ហោះតាមហ្វេសប៊ុករបស់លោកឯម រៀម កាលពីពេល ថ្មីៗកន្លងមកឲ្យដឹងថា «មកុដអប្សរា ពាក់បានទាំងបុរសទាំងស្ត្រី ហើយអប្សរាក៏មាន២ប្រភេទដែរ ដោយការមើលឃើញនៅតាមសសរពេជ្រនៃប្រាសាទបាយ័ន គឺមិនមានដើមទ្រូង ធំៗដូចស្ត្រីទេ ថែមទាំងមានស្លៀកប៉ឹងដោយមិនមានស្លៀកសំពត់ ដូចនេះហើយតាមការមើលឃើញ គឺអប្សរា មានទាំងបុរស មានទាំងស្ត្រី ។
នាកាលនោះឆ្នាំ១៩៩៧ដោយសារការងារ ឱ្យក្រុមហ៊ុន គឺការងារដំបូងរបស់ខ្ញុំគឺគូរប្លង់តំបន់ប្រាទ គឺគូរដោយដៃ សម្រាប់អ្នកទេសចរណ៍ ហើយនៅឆ្នាំនោះតំបន់ប្រាសាទខ្លះនៅមានគ្រាប់មីន និងព្រៃ ក្រាស់ៗ និងមានបន្លា តែខាងក្រុមហ៊ុនតម្រូវឱ្យចូលទៅដើម្បីឱ្យដឹងអំពីទំហំ និងឈ្មោះនៃប្រាសាទ ។ កំពុងតែជិះម៉ូតូ(ម៉ូតូជួលគេ)ស្រាប់តែម៉ូតូធ្លាយដោយសារមុតបន្លាពេលនោះក៏អូសម៉ូតូចេញពីព្រៃតែម្នាក់ឯង ហើយស្ងាត់ មានអារម្មណ៍ព្រឺរោម ។
អូសម៉ូតូចេញផុតពីព្រៃ ឃើញអ៊ំម្នាក់ជិះកង់ ហើយសួររកកន្លែងប៉ះកង់ម៉ូតូ គាត់ប្រាប់ថា មាននៅមុខប្រាសាទបាយ័ន ។ ពេលរង់ចាំនៃការប៉ះកង់ម៉ូតូ ក៏ដើរចូលទស្សនាខាងក្រៅនៃប្រាសាទបាយន័ ពេលនោះហើយដែលបានឃើញអប្សរានៅលើសសរពេជ្រអត់មានដើមទ្រូង ធំៗ ហើយមានស្លៀកប៉ឹង និងលើកជើង ខ្ពស់ៗ មិនដូចជាអប្សរានៅប្រាសាទអង្គរតូចទេ គឺមានដើមទ្រូង ធំៗ និងមានស្លៀកសំពត់ ។ ពីពេលនោះក៏គិតថាអប្សរាគឺមាន អប្សរាប្រុស និងអប្សរាស្រី ហើយតាំងពីពេលនោះមកមានចិត្តស្រឡាញ់ មកុដអប្សរា កាលណាឃើញមកុដមិត្តភក្តិ តែងតែខ្ចីគេពាក់ថតរូបលេង ។
ដូចនេះហើយខ្ញុំតែតែងឱ្យតម្លៃនៃមកុដអប្សរា ដែលបុព្វបុរសយើងបានច្នៃម៉ូដមកុដនេះទុកឱ្យ គឺបន្តប្រើប្រាស់ឱ្យអស់ពីលទ្ធភាព ដែលអាចធ្វើទៅបាន និងបង្ហាញដល់យុវជន ឱ្យបាន យល់កាន់តែច្បាស់នៃគ្រឿងសិល្បៈខ្មែរបុរាណ ។
ជនបរទេសភាគច្រើនគិតថា ខ្មែរយកគ្រឿងសិល្បៈថៃយកមកប្រើ ដោយសារខ្មែរមាន តែមិនបង្ហាញ បើបានបង្ហាញមានតែនៅលើឆាកជាលក្ខណៈ VIP ។ បើទោះជាមានឯកសារយោងមកជាមួយយ៉ាងណាគ៏ដោយ ក៏មានអ្នកទទួលយកមិនបាន ។
សូមជួយ share ដើម្បីឱ្យបានដល់អ្នកដែលមានខួរជាថ្មពិលដែលថា មកុដអប្សរា ពាក់បានតែស្ត្រី សូមបើកភ្នែក ធំៗមើល ហើយបើអ្នកពិការភ្នែកក៏មានដៃស្ទាបដែរ គឺអប្សរានៅតាមសសរពេជ្រនៃប្រាសាទបាយន័ គឺអត់មានដើមទ្រូង ធំៗដូចស្ត្រីទេឱ្យសំប៉ែត ហើយស្លៀកប៉ឹង លើកជើងឡើងកន្ធែក មិនដែលមានស្ត្រីឯណា លើកជើង ម្ល៉ឹងៗ បើទោះបីនៅក្នុងល្ខោនរឿងរាមកេរ្តិ៍ គឺមានតែតួអង្គយក្ស និងតួស្វា និងតួព្រះរាម និងព្រះលក្ស្មណៈ ទេដែលរាំលើកជើងបែបនេះ ។ អ៊ីចឹងតាមការមើលឃើញតាមសិលាចរឹកអប្សរា គឺមានទាំងបុរសមានទាំងស្ត្រី »៕
ចែករំលែកព័តមាននេះ