រាជធានីភ្នំពេញ ៖ បន្ទាប់ពីជួបពិភាក្សាការងារជាមួយនាយករដ្ឋមន្ត្រីជប៉ុន លោក ហ៊ុន ម៉ាណែត បានបន្តជួបពិភាក្សាការងារជាមួយឥស្សរជនជប៉ុនមួយចំនួនដែលជាអតីតអ្នកចូលរួមក្នុងដំណើរការស្វែងរកសន្តិភាពរនៅកម្ពុជានាពេលកន្លងមកក្នុងនោះរួមមាន លោក យូគីអូ អ៊ីម៉ាហ្កាវា…
រាជធានីភ្នំពេញ ៖ បន្ទាប់ពីជួបពិភាក្សាការងារជាមួយនាយករដ្ឋមន្ត្រីជប៉ុន លោក ហ៊ុន ម៉ាណែត បានបន្តជួបពិភាក្សាការងារជាមួយឥស្សរជនជប៉ុនមួយចំនួនដែលជាអតីតអ្នកចូលរួមក្នុងដំណើរការស្វែងរកសន្តិភាពរនៅកម្ពុជានាពេលកន្លងមកក្នុងនោះរួមមាន លោក យូគីអូ អ៊ីម៉ាហ្កាវា (Yukio Imagawa) អតីតឯកអគ្គរាជទូតជប៉ុននៅកម្ពុជា អំឡុងឆ្នាំ១៩៩១-១៩៩៦), លោក ម៉ាសាហារុ ខូណូ (Masaharu Khono) អតីតអគ្គនាយកកិច្ចការអាស៊ីអាគ្នេយ៍ និងនិរតី នៃក្រសួងការបរទេសជប៉ុន, លោក ដាយស៊ូកិ កូរូគិ (Daisuke Kuroki) អតីតជំនាញការបកប្រែភាសាប្រចាំស្ថានទូតជប៉ុន បច្ចុប្បន្នជាឯកអគ្គរដ្ឋទូតជប៉ុនប្រចាំប្រទេសម៉ាលី ។
លោក ហ៊ុន ម៉ាណែត បានបញ្ជាក់ថា នៅក្នុងជំនួបនោះ ឥស្សរជនជប៉ុនទាំងអស់សុទ្ធតែបាន រំឭកឡើងវិញអំពីប្រវត្តិរបស់ប្រទេសជប៉ុនដែលបានចូលរួមចំណែកក្នុងកិច្ចការស្វែងរកសន្តិភាពនៅកម្ពុជាកន្លងមក និងបានវាយតម្លៃខ្ពស់អំពីកត្តាដែលមិនអាចខ្វះបានក្នុងការនាំយកសន្តិភាពសម្រាប់កម្ពុជា គឺការលះបង់ និងការចូលរួមដំណោះស្រាយគ្រប់បែបយ៉ាងរបស់ សម្ដេចតេជោ ហ៊ុន សែន ។
លោក ហ៊ុន ម៉ាណែត ក្នុងនាមយុវជនជំនាន់ក្រោយ ក៏បានថ្លែងអំណរគុណដល់ឥស្សរជនជប៉ុន ក៏ដូចជារាជរដ្ឋាភិបាលជប៉ុន ដែលបានខិតខំប្រឹងប្រែងចូលរួមស្វែងរកសន្តិភាពនៅកម្ពុជា នាពេលកន្លងទៅ ។ លោកក៏បានស្នើសុំឲ្យជប៉ុនបន្តគាំទ្រកម្ពុជាបន្តទៀត ដើម្បីរក្សាសន្តិភាព និងស្ថេរភាពនៅកម្ពុជា ៕
