ដាក់គុកបណ្ដោះអាសន្នបុរសដែលបើកមុងកណ្ដាលយប់ចាប់រំលោ.ភកូនក្រមុំគេ
- កណ្តាល
ខេត្តកណ្ដាល ៖ នៅល្ងាចថ្ងៃទី២៥ ខែមេសា ឆ្នាំ២០១៨ លោក គឹម រត្ន័ណារិន ចៅក្រមស៊ើបសួរ និងជាអនុប្រធានសាលាដំបូងខេត្តកណ្ដាល…
ខេត្តកណ្ដាល ៖ នៅល្ងាចថ្ងៃទី២៥ ខែមេសា ឆ្នាំ២០១៨ លោក គឹម រត្ន័ណារិន ចៅក្រមស៊ើបសួរ និងជាអនុប្រធានសាលាដំបូងខេត្តកណ្ដាល បានសម្រេចចេញដីកាឃុំខ្លួនបុរសតណ្ហាឡើង.កម្នាក់ បានឡើងទៅបើកមុងចាប់រំលោភកូនក្រមុំគេនៅលើផ្ទះទាំងកណ្ដាលយប់ ដាក់ពន្ធនាគារបណ្តោះអាសន្នពីបទ «ប៉ុនប៉ងរំលោភសេពសន្ថវៈ» ដែលប្រព្រឹត្តិនៅភូមិព្រែករុន ឃុំព្រែកគយ ស្រុកស្អាង ខេត្តកណ្តាល កាលពីថ្ងៃទី២៤ ខែមេសា ឆ្នាំ២០១៨ តាមមាត្រា២៧ និងមាត្រា២៣៩ នៃក្រមព្រហ្មទណ្ឌ ។ បទល្មើសនេះកំណត់ផ្ដន្ទាទោសពី៥ឆ្នាំទៅ១០ឆ្នាំ ។
ជនត្រូវចោទមានឈ្មោះ ធួន សារ៉ាយ ហៅម៉ៅ ភេទប្រុស អាយុ៣០ឆ្នាំ ជនជាតិខ្មែរ មុខរបរជាងសំណង់ មានទីលំនៅភូមិព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល មកស្នាក់នៅភូមិព្រែករុន ឃុំព្រែកគយ ស្រុកស្អាង ខេត្តកណ្តាល ។ នារីរងគ្រោះឈ្មោះ ហ.ហ អាយុ១៩ឆ្នាំ មុខរបរកម្មករ សព្វថ្ងៃរស់នៅស្រុកស្អាង ខេត្តកណ្តាល ។
លោកអធិការបានឲ្យដឹងថា នៅថ្ងៃទី២៤ ខែមេសា ឆ្នាំ២០១៨ ជនសង្ស័យបានទ្បើងទៅលើផ្ទះរបស់ជនរងគ្រោះ ហើយបានបើកមុងចូលចាប់ច្របាច់.ក និងខ្ទប់មាត់ ថើបលើជនរងគ្រោះ ភ្លាមនោះជនរងគ្រោះបានរើបម្រះ និងខាំដៃជនសង្ស័យ ហើយស្រែកឲ្យឪពុកម្តាយជួយ ។ ក្រោយឮសំឡេងស្រែកឲ្យជួយ ឪពុកម្តាយក៏ស្ទុះទៅឃើញជនសង្ស័យឈ្មោះ ធួន សារ៉ាយ នៅក្នុងមុងរបស់កូនប្រាកដមែន ឃើញដូច្នេះ ឪពុកក៏បានទូរស័ព្ទមកប្តឹងនគរបាលប៉ុស្តិ៍ព្រែកគយ ភ្លាមនោះសមត្ថកិច្ចប៉ុស្តិ៍ព្រែកគយ សហការណ៍ជាមួយកម្លាំងអធិការដ្ឋាននគរបាលស្រុក បានឃាត់ខ្លួនជនសង្ស័យភ្លាមៗ ៕
ចែករំលែកព័តមាននេះ