រាជធានីភ្នំពេញ ៖ បុរសជនសង្ស័យជាមុខសញ្ញាចាស់ម្នាក់ក្នុងចំណោមបក្ខពួកគ្នាពីរនាក់ ដែលធ្លាប់ជាប់ពន្ធនាគារចំនួន២លើកមកហើយនោះ ត្រូវបានកម្លាំងនគរបាលប៉ុស្តិ៍ទំនប់ទឹក ធ្វើការចាប់ឃាត់ខ្លួនជាថ្មីម្តងទៀត ក្រោយពីរូបគេ និងបក្ខពួកម្នាក់ទៀតបាននាំគ្នាធ្វើសកម្មភាពលួចយកលុយបានចំនួន២,៤០០ដុល្លារសហរដ្ឋអាមេរិក ទូរស័ព្ទដៃម៉ាក iPhone…
រាជធានីភ្នំពេញ ៖ បុរសជនសង្ស័យជាមុខសញ្ញាចាស់ម្នាក់ក្នុងចំណោមបក្ខពួកគ្នាពីរនាក់ ដែលធ្លាប់ជាប់ពន្ធនាគារចំនួន២លើកមកហើយនោះ ត្រូវបានកម្លាំងនគរបាលប៉ុស្តិ៍ទំនប់ទឹក ធ្វើការចាប់ឃាត់ខ្លួនជាថ្មីម្តងទៀត ក្រោយពីរូបគេ និងបក្ខពួកម្នាក់ទៀតបាននាំគ្នាធ្វើសកម្មភាពលួចយកលុយបានចំនួន២,៤០០ដុល្លារសហរដ្ឋអាមេរិក ទូរស័ព្ទដៃម៉ាក iPhone 6plus មួយគ្រឿង រួចយកកាបូបស្ពាយ និងលិខិតឆ្លងដែនដែលមាននៅក្នុងទៅបោះចោលហើយនាំខ្លួនទៅរកតែរកមិនឃើញ ក្រោយពីលួចបានពីបុរសរងគ្រោះជាជនជាតិចិនម្នាក់នៅក្បែរផ្សារសុវណ្ណា កាលពីថ្ងៃទី១៧ ខែមេសា កន្លងមកនេះ ។
ហេតុការណ៍នេះដែរ បានបង្ករឱ្យមានការភ្ញាក់ផ្អើលកើតឡើងកាលពីនវេលាម៉ោង០៨និង៣០នាទីព្រឹក ថ្ងៃទី១៩ ខែមេសា នៅចំណុចផ្លូវមាត់ប្រឡាយបង្ហូរទឹកស្អុយស្ទឹងមានជ័យ សង្កាត់ស្ទឹងមានជ័យ២ ខណ្ឌមានជ័យ ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជាជនសង្ស័យដែលបានចាប់ឃាត់ខ្លួនយកមកបង្ហាញកន្លែងបោះចោលកាបូបស្ពាយនេះមានឈ្មោះ ឌី សុផា ហៅ អាទីន អាយុ២០ឆ្នាំ មុខរបរដើររើសអេតចាយ មានទៅលំនៅផ្ទះគ្មានលេខ ក្នុងសង្កាត់ស្ទឹងមានជ័យ២ ខណ្ឌមានជ័យ និងម្នាក់ទៀតដែលរត់គេចខ្លួនបាត់មានឈ្មោះ អាដុំដី ហៅ អាឆែប អាយុប្រហែលជា២០ឆ្នាំ មុខរបរដើររើសអេតចាយដូចគ្នា និងមានទីលំនៅមិនពិតប្រាកដឡើយ ។
មុនពេលកើតហេតុ កាលពីវេលាម៉ោង០៧ព្រឹក ថ្ងៃទី១៧ ខែមេសា ឆ្នាំ២០១៨ កន្លងមកនេះ ខណៈពេលដែលបុរសជនជាតិចិនម្នាក់បាននឹងកំពុងដេកលក់លើបង់នៅខាងមុខផ្ទះមួយកន្លែងនៅក្បែរផ្សារសុវណ្ណានោះ ដោយបានដាក់កាបូបស្ពាយមួយនៅរាងឆ្ងាយពីខ្លួននោះ ។ ពេលដែលបុរសជនជាតិចិនកំពុងតែដេកលង់លក់នោះ ក្រុមជនសង្ស័យទាំង២នាក់ក៏បានអូសរទេះអេតចាយរបស់គេមកដល់ ដោយបានឃើញម្ចាស់ដេកលក់ និងទុកកាបូបរាងឆ្ងាយពីខ្លួននោះ ក៏ត្រូវជនសង្ស័យម្នាក់ឈ្មោះ អា ដុំដី ហៅ អាឆែប យកបោះចូលទៅក្នុងរទេះ រួចយកគេចខ្លួនទៅបាត់ស្រមោលតែម្តង ។
តាមប្រភពដដែលបានប្រាប់បន្តថា ក្រោយពីបុរសជនជាតិបានបាត់កាបូបស្ពាយរបស់ខ្លួនដែលមានលុយរហូតទៅដល់ចំនួន២,៤០០ដុល្លារ ទូរស័ព្ទដៃម៉ាក iPhone 6plus មួយគ្រឿង លិខិតឆ្លងដែនចំនួនមួយ រួមទាំងរបស់របរមួយចំនួនទៀតផងដែរ តែភ្លាមនោះមិនបានមកដាក់ពាក្យបណ្តឹងភ្លាមៗទេ ។ លុះស្អែកឡើងក្នុងថ្ងៃទី១៨ ខែមេសា ទើបបុរសរងគ្រោះជនជាតិចិននោះមកដាក់ពាក្យបណ្តឹងនៅនគរបាលប៉ុស្តិ៍ទំនប់ទឹកឱ្យជួយធ្វើអន្តរាគមន៍ ។
ក្រោយពីទទួលបាននូវពាក្យបណ្តឹងរួចហើយ កម្លាំងរបស់លោកក៏បានធ្វើការស្រាវជ្រាវតាមរយៈកាមេរ៉ាសុវត្ថិភាព បានឃើញពីសកម្មភាព និងស្គាល់ភិនភាគក្រុមជនសង្ស័យនោះ រហូតដល់វេលម៉ោង១២និង១៥នាទីរំលងអធ្រាត្រ ថ្ងៃទី១៩ ខែមេសា ឆ្នាំ២០១៨ នេះ ឈានទៅដល់ការចាប់ខ្លួនបានម្នាក់ ចំណែកឯម្នាក់ទៀតរត់គេចខ្លួនបាត់ ។ ពេលដែលចាប់ខ្លួនជនសង្ស័យបានម្នាក់រួចហើយក៏បានធ្វើការសួរនាំ ហើយត្រូវបានគេឆ្លើយសាររភាពថា «រូបគេ និងបក្ខពួកពិតជាបានលួចកាបូបរបស់ជនជាតិនម្នាក់នោះពិតប្រកដមែន តែយកតែលុយ និងទូរស័ព្ទដៃម៉ាក iPhone 6plus មួយគ្រឿងយកទៅលក់ចែកគ្នាអស់ហើយ រួចហើយយកកាបូប និងប៉ាស្ព័រទៅបោះចោលនៅចំណុចខាងលើ» ។
ក្រោយពីទទួលបានននូវការសារភាពពីបុរសជាជនសង្ស័យម្នាក់ខាងលើរួចហើយ ទើបនៅព្រឹកថ្ងៃទី១៩ នេះដែរ កម្លាំងរបស់លោកបានខ្លួនទៅរកកន្លែងដែលគេបានយកកាបូបស្ពាយមួយនោះ ដើម្បីយកលិខិតឆ្លងដែនយកមកប្រគល់ឱ្យបុរសជនជាតិចិននោះវិញតែរកមិនឃើញឡើយ ។ គួរបញ្ជាក់ថា បុរសជាជនសង្ស័យម្នាក់ខាងលើនេះ រូបគេគឺជាមុខសញ្ញាចាស់ដែលត្រូវបានចាប់ខ្លួន និងជាប់ពន្ធនាគារចំនួន២លើកមកហើយ ពីបទលួច និងប្រើប្រាស់គ្រឿងញៀន និងចាប់ខ្លួនម្តងនេះទៀតគឺជាលើកទី៣ហើយ ។
ក្រោយពីកម្លាំងនគរបាលប៉ុស្តិ៍ទំនប់ទឹកនាំខ្លួនបុរសជាជនសង្ស័យជាចោរលួចរូបនោះ ទៅរកកាបូបស្ពាយ និងលិខិតឆ្លងដែន ដើម្បីយកមកប្រគល់ឲ្យទៅបុរសរងគ្រោះជាជនជាតិចិនរងគ្រោះមិនឃើញរួចហើយ ក៏បាននាំមកធ្វើការសាកសួរ និងកំណត់ហេតុ ដើម្បីបញ្ជូនទៅកាន់អធិការដ្ឋានខណ្ឌចមការមន ដើម្បីចាត់ការទៅតាមផ្លូវច្បាប់ និងកំពុងតែតាមរកចាប់ខ្លួនបក្ខពួកម្នាក់ទៀតជាបន្តទៅទៀតផងដែរ ៕
ចែករំលែកព័តមាននេះ