ខេត្តព្រះសីហនុ ៖ មនុស្ស២នាក់ប្តីប្រពន្ធបានស្លាប់នៅនឹងកន្លែង បន្ទាប់ពីបើកបរម៉ូតូទៅបុក និងរថយន្តបែនដឹកដីធន់តូច១គ្រឿង ដែលបែកកង់ចតនៅនឹងចញ្ចើមផ្លូវជាតិ ។ ហេតុការណ៍នេះបានកើតឡើងវេលាម៉ោង៥និង៣០នាទីព្រឹក ថ្ងៃទី១២ ខែមេសា ឆ្នាំ២០១៨ លើដងផ្លូវជាតិលេខ៤ ចន្លោះគីឡូ២០៨ និង២០៩ត្រង់ចំណុចរង្វង់មូលរាម ស្ថិតក្នុងភូមិ- ឃុំរាម ស្រុកព្រៃនប់ ។
ប្រភពពីសមត្ថកិច្ខបានឲ្យដឹងថា គ្រោះថ្នាក់ខាងលើនេះបានកើតឡើងរវាងម៉ូតូ០១គ្រឿង ម៉ាកហុងដា១២៥ ពណ៌ខ្មៅ ពាក់ស្លាកលេខភ្នំពេញ ១BQ- ៩៧៨១ ទិសដៅពីកើត-លិច មកដល់ចំណុចកើតហេតុខងលើបានបុកពីក្រោយរថយន្តបែនដឹកដី០១គ្រឿង (បែកកង់ចតលើចិញ្ចើមថ្នល់) ចំណុះ៣តោន ពណ៌ខៀវ ពាក់ស្លាកលេខព្រះសីហនុ៣A -៣២៥៩ អ្នកបើកបរគេចបាត់បានបណ្តាលឲ្យភាគីខាងម៉ូតូម្នាក់ឈ្មោះ សាន់ ម៉ាន ភេទប្រុស អាយុ៦៣ឆ្នាំ ជាអ្នកបើកបរ ស្លាប់ភ្លាមៗនៅកន្លែង និងម្នាក់ទៀតឈ្មោះ ឃុត លួន ភេទស្រី អាយុ៦៤ឆ្នាំ ជាអ្នករួមដំណើរពីក្រោយ (ប្រពន្ធ) ស្លាប់ភ្លាមៗនៅកន្លែងដែរ អ្នកទាំងពីរមានមុខរបរកម្មករសំណង់ មានទីលំនៅភូមិល្អាង ឃុំល្អាង ស្រុកដងទង់ ខេត្តកំពត ។
បច្ចុប្បន្នសពទាំងពីរត្រូវបានសាច់ញាតិយកទៅធ្វើបុណ្យតាមប្រពៃណី រីឯវត្ថុតាងយកមករក្សាទុកនៅនប់ស្រុក៕
ចែករំលែកព័តមាននេះ