ខេត្តសៀមរាប ៖ នៅវេលាម៉ោង១០និង៣០នាទី ថ្ងៃទី១៦ ខែមីនា ឆ្នាំ២០១៨ កម្លាំងការិយាល័យប្រឆាំងគ្រឿងញៀនខេត្ត បានចូលរួមសហការណ៍ជាមួយកម្លាំងអធិការដ្ឋាននគរបាលក្រុងសៀមរាប និងកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំ បានចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀន នៅលំនៅដ្ឋានក្រុមទី០៧ ភូមិស្វាយដង្គំ សង្កាត់ស្វាយដង្គំ ក្រុងសៀមរាប ខេត្តសៀមរាប ឈានដល់ធ្វើការឃាត់ខ្លួនបានជនសង្ស័យចំនួន៥នាក់ និងវត្ថុតាងមួយចំនួន រួចយកមកធ្វើការសួរនាំនៅស្នងការខេត្ត ដើម្បីរៀបចំកសាងសំណុំរឿងបញ្ជូនបន្តទៅតុលាការ ។
ក្នុងនោះដកហូតបានវត្ថុតាងរួមមាន ម្សៅមេតំហ្វេតាមីន ប្រភេទម៉ាទឹកកក ចំនួន៩កញ្ចប់ ស្មើនឹងទម្ងន់០.៧ក្រា ម (ទម្ងន់សុទ្ធ) ទូរស័ព្ទដៃចំនួន៥គ្រឿង ឧបករណ៍ប្រើប្រាស់ និងសម្ភារសម្រាប់វេចខ្ចប់ថ្នាំញៀនមួយចំនួន និងដាវចំនួន២ដើម ។ បច្ចប្បន្នជនសង្ស័យ និងវត្ថុតាង ត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូង នៅថ្ងៃទី១៧ ខែមីនា ឆ្នាំ២០១៨ ៕
ចែករំលែកព័តមាននេះ