ខេត្តកណ្ដាល ៖ សេចក្តីរាយការណ៍បឋមឱ្យដឹងថា មានករណីឃាតកម្មមួយទៀត កើតឡើងកាលពីវេលាម៉ោងប្រមាណ០៧ និង៥០នាទីយប់ថ្ងៃទី១៦ មីនា ស្ថិតត្រង់ចំណុចលើចិញ្ចើមផ្លូវជាតិលេខ២១ ក្នុងភូមិព្រែកគង់ ឃុំសំពៅពូន…
ខេត្តកណ្ដាល ៖ សេចក្តីរាយការណ៍បឋមឱ្យដឹងថា មានករណីឃាតកម្មមួយទៀត កើតឡើងកាលពីវេលាម៉ោងប្រមាណ០៧ និង៥០នាទីយប់ថ្ងៃទី១៦ មីនា ស្ថិតត្រង់ចំណុចលើចិញ្ចើមផ្លូវជាតិលេខ២១ ក្នុងភូមិព្រែកគង់ ឃុំសំពៅពូន ស្រុកកោះធំ ខេត្តកណ្ដាល ។
សេចក្តីរាយការណ៍បន្តថា ជនរងគ្រោះដែលស្លាប់ខាងលើ មានឈ្មោះ ចេក ភាព ភេទប្រុស អាយុ២០ឆ្នាំ ជាកម្មករទឹកកក មានទីលំនៅភូមិក្បាលកោះទៀវ ឃុំសំពៅពូន ស្រុកកោះធំ ខេត្តកណ្ដាល ។ ដោយឡែក ជនសង្ស័យ មិនត្រូវបានស្គាល់អត្តសញ្ញាណនោះទេ ហើយកំពុងគេចខ្លួន ។
ប្រភពបន្តថា នៅវេលាម៉ោងប្រមាណជាង៦យប់ថ្ងៃដដែល ជនរងគ្រោះបានជិះម៉ូតូមួយគ្រឿង ម៉ាកSUZUKI NEX ពណ៌.ស ពាក់ស្លាកលេខភ្នំពេញ 1DH-2039 តែម្នាក់ឯង ចេញពីផ្ទះទៅលេងបុណ្យបញ្ចុះខណ្ឌសីមា វត្តកោះទៀវ ស្ថិតនៅភូមិកោះទៀវ(ខ) ឃុំសំពៅពូន ស្រុកកោះធំ ខេត្តកណ្ដាល ។ ជនរងគ្រោះបានជិះម៉ូតូចេញពីវត្ត ដើម្បីត្រឡប់មកផ្ទះវិញ ។ លុះដល់ចំណុចខាងត្បូងស្ពានព្រែកគង់ចម្ងាយប្រមាណ៥៥ម៉ែត្រ ស្ថិតនៅលើចិញ្ចើម ផ្លូវជាតិ២១ចំហៀងខាងកើត ស្រាប់តែមានជនសង្ស័យ មិនស្គាល់អត្តសញ្ញាណ បានធ្វើសកម្មភាពកាប់ទៅលើជនរងគ្រោះចំកញ្ចឹង.ក ពីក្រោយចំហៀងខាងឆ្វេងស្លាប់ភ្លាមៗ នៅនិងកន្លែងតែម្ដង ដោយមិនទាន់ដឹងថា ជារឿងអ្វីនោះទេ ។ បច្ចុប្បន្ន សមត្ថកិច្ចកំពុងធ្វើការស្រាវជ្រាវរកជនដៃដល់ហើយ ។
ព័ត៌មានលម្អិតនឹងមានផ្សាយជូននៅពេលក្រោយ ។
ចែករំលែកព័តមាននេះ