រាជធានីភ្នំពេញ ៖ នៅព្រឹកថ្ងៃទី២១ មករា ស្ថានីយទូរទស្សន៍ទី៩ក្នុងប្រទេស កម្ពុជាឈ្មោះអាស៊ីអាគ្នេយ៍បានបើកសម្ពោធ ជាផ្លូវការក្រោមអធិបតីភាពលោក ខៀវ កាញារីទ្ធ រដ្ឋមន្ដ្រីក្រសួងព័ត៌មានតំណាងដ៏ ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណា ចក្រកម្ពុជា ព្រមទាំងមានការចូលរួមពីមន្ដ្រី ថ្នាក់ដឹកនាំក្រសួងព័ត៌មាន ក្រសួងវប្បធម៌ និងវិចិត្រសិល្បៈជាច្រើនរូប។
លោកជំទាវឃឹម រ៉ានី អគ្គនាយិកាស្ថានីយទូរទស្សន៍អាស៊ីអាគ្នេយ៍បានមាន ប្រសាសន៍ថា ស្ថានីយទូរទស្សន៍អាស៊ីអាគ្នេយ៍ គឺជាស្ថានីយថ្មីមួយដែលមានបេសកកម្មបំរើទស្សនិកជនតាមរយៈការអប់រំ កម្មវិធី សិល្បៈវប្បធម៌ និងការផ្សាយព័ត៌មាន ក្នុងគោលបំណងផ្សព្វផ្សាយចំណេះដឹង ការអប់រំ អំពីទស្សនៈថ្មី និងការអភិវឌ្ឍដើម្បីឆ្លើយតបទៅនឹងគោលនយោបាយជាយុទ្ធសាស្ដ្ររបស់ រាជរដ្ឋាភិបាលក្នុងការអភិវឌ្ឍធនធានមនុស្ស និងកាត់បន្ថយភាពក្រីក្ររបស់ប្រជាជន ។
ការបង្កើតស្ថានីយទូរទស្សន៍អាស៊ីអាគ្នេយ៍ នេះឡើងក៏ដើម្បីចូលរួមចំណែកលើកស្ទួយ វឌ្ឍនភាពនៃប្រព័ន្ធព័ត៌មានជឿនលឿននៅ ព្រះរាជាណាចក្រកម្ពុជាផងដែរ ។
លោកខៀវ កាញារីទ្ធ រដ្ឋមន្ដ្រីក្រសួងព័ត៌ មានបានមានប្រសាសន៍ថា ការកើតឡើង ស្ថានីយថ្មីមួយទៀតទី៩ដែលមានឈ្មោះថា “អាស៊ីអាគ្នេយ៍” នេះមិនមែនជាស្ថានីយចុងក្រោយទេ គឺនៅមានស្ថានីយទូរទស្សន៍ថ្មី ចំនួន៣ទៀតកំពុងត្រៀមបើកការផ្សាយ ក្នុងពេលឆាប់ៗនាឆ្នាំ២០១០ និងឆ្នាំ២០១១ ខាងមុខនេះ ។
នៅប្រទេសកម្ពុជាយើង បច្ចុប្បន្នមានស្ថានីយទូរទស្សន៍ចំនួន១២ស្ថានីយ ប៉ុន្ដែទើបដំណើរការផ្សាយបានតែ៩ស្ថានីយប៉ុណ្ណោះនៅ៣ស្ថានីយទៀតកំពុងត្រៀមខ្លួនបើកបន្ដទៀត ។ ការបង្កើតស្ថានីយទូរទស្សន៍ច្រើនបែបនេះមានផល ប៉ះពាល់ជាវិជ្ជមានផង និងអវិជ្ជមានផង។
លោកបន្ដថា ការបើកស្ថានីយច្រើននោះ គឺវាអាចធ្វើឱ្យស្ថានីយទាំងនោះប្រទាញ ប្រទង់គ្នាក្នុងការរកចំណូល មួយវិញទៀត ចំណូលចូលស្ថានីយទូរទស្សន៍នីមួយៗត្រូវ ធ្លាក់ចុះ នៅពេលនោះហើយវានឹងប៉ះពាល់ ដល់គុណភាព។ ដោយសារខ្វះចំណូលថវិកា នោះហើយដែលស្ថានីយទូរទស្សន៍មួយចំនួន ត្រូវបោះបង់ចោលកម្មវិធីផលិតផ្សេងៗ ដើម្បីលើកតម្កើងវិស័យសិល្បៈជាច្រើនដូចជាសិល្បៈចាប៉ីដងវែង អាយ៉ៃឆ្លើយឆ្លង ល្ខោនបាសាក់ ល្ខោនយីកេ និង សិល្បៈបែប បុរាណជាច្រើនទៀត ។
មួយវិញទៀតមាន ការប្រទាញប្រទង់ដណ្ដើមយកអ្នកដែលមានជំនាញពីស្ថានីយមួយទៅស្ថានីយថ្មីមួយទៀត នេះវាជាផលអាក្រក់ផង ល្អផង តែចំពោះចំណុចវិជ្ជមាន គឺកាលណាស្ថានីយទូរ ទស្សន៍បង្កើតច្រើនវានឹងបង្កើនការងារដល់ យុវជនជំនាន់ក្រោយឱ្យមានការងារធ្វើបាន ច្រើនទាំងផ្នែកបច្ចេកទេស ទាំងផ្នែកសិល្បៈ ។ ជាពិសេសនោះយើងកាន់តែបាន ជំរុញឱ្យអ្នកមានជំនាញបានបង្ហាញ បង្កើត ស្នាដៃថ្មីៗថែមទៀតច្រើនឡើង ។
លោករដ្ឋមន្ដ្រីបញ្ជាក់ថា ក្រសួងព័ត៌មាន កំពុងរៀបចំធ្វើចំណារសំរាប់ទប់ស្កាត់ផល អវិជ្ជមានមួយចំនួនគឺទី១-ក្រសួងបាន សំណូមពរដល់សមាគមទូរទស្សន៍កម្ពុជា ធ្វើការប្រជុំដោះស្រាយបញ្ហាមួយចំនួន គឺ កំណត់ឱ្យស្ថានីយទូរទស្សន៍ទាំងអស់កំណត់ តំលៃអប្បបរមាក្នុងការផ្សាយពាណិជ្ជកម្ម មិនឱ្យប្រទាញប្រទង់គ្នានាំឱ្យបាត់ចំណូល របស់ខ្លួនទាំងអស់គ្នាគ្រប់ស្ថានីយ។ ទី២-សំណូមពរដល់ប្រធានស្ថានីយទូរទស្សន៍ទាំងអស់ធ្វើយ៉ាងណាផ្សាយពាណិជ្ជកម្មដែល ផលិតក្នុងស្រុក គឺកុំយកផលិតកម្មរបស់គេ មកបកប្រែផ្សាយដូចកន្លងមក ។
លោករដ្ឋមន្ដ្រីថ្លែងថា កន្លងមកក្រសួង ព័ត៌មាន និងក្រសួងវប្បធម៌ និងវិចិត្រសិល្បៈ បានបើកវគ្គបណ្ដុះបណ្ដាលអ្នកផលិតភាពយន្ដ ផលិតករ អ្នកសរសេរអត្ថបទភាពយន្ដយ៉ាង ច្រើន ដូច្នេះការផ្សាយពាណិជ្ជកម្មយើងមាន សមត្ថភាពច្រើនណាស់អាចផលិតបានគ្រប់គ្រាន់ ។
ដូច្នេះយើងត្រូវឱ្យតំលៃដល់ផលិតករ អ្នកនិពន្ធ អ្នកដឹកនាំរឿងរបស់យើងផង ធ្វើយ៉ាងនេះគឺយើងអាចជួយដល់ផលិតករក្មេងៗថ្មីៗជំនាន់ក្រោយរបស់យើងដែលមានជំនាញ តែងនិពន្ធនេះជាចំណុចមួយដែលមានសារ សំខាន់ខ្លាំងណាស់ ។
លោកខៀវ កាញារីទ្ធ ណែនាំឱ្យសមា គមទូរទស្សន៍កម្ពុជាត្រូវតែពង្រឹងស្ថានីយ ទូរទស្សន៍ទាំង៩ដែលកំពុងដំណើរការផ្សាយ ផលិតកម្មវិធីរបស់ខ្លួនឱ្យបានល្អ មិនថាកម្ម វិធីអប់រំ សិល្បៈ និងកម្មវិធីព័ត៌មានផ្សេងៗ ទេ ។ ជាពិសេសសិល្បៈបែបបុរាណផលិតឱ្យ បានច្រើនដើម្បីអភិរក្ស និងលើកស្ទួយថែ រក្សាឱ្យបានគង់វង្ស។
មុននឹងឈានដល់ការបើកសម្ពោធជាផ្លូវ ការនេះ ស្ថានីយអាស៊ីអាគ្នេយ៍មានបញ្ហាផ្ទៃ ក្នុងដ៏ចំរូងចំរាសកាលពីឆ្នាំ២០០៩ ដោយ ពេលនោះ លោកសែម សុវណ្ណដេត ជាអគ្គ នាយកទូរទស្សន៍នេះត្រូវបានចោទប្រកាន់ពី ការកិបកេងថវិការំលោភលើសេចក្ដីទុកចិត្ដ ហើយពេលនេះកំពុងជាប់ឃុំនៅពន្ធនាគារ។ សង្ឃឹមថា ក្រោយភ្លៀងមេឃស្រឡះដែល ប្រជាពលរដ្ឋខ្មែរនឹងអាចទទួលបាននូវអត្ថ ប្រយោជន៍ផ្នែកព័ត៌មានពីស្ថានីយថ្មីនេះ។
ចែករំលែកព័តមាននេះ